Zefaniya 1:12 - Tonga Bible 1986

¹² Pa nyengo yo ndipenjenge mu Yerusalemu ndi nyali; ndi ndirangenge ŵanthu wose wo ŵafwasa pa visika vyawo, wo mu mitima yawo ŵakamba kuti, ‘Ambuya achitenge chamampha cha, pamwenga kuchita chiheni!’

Zefaniya 1:12 Iomraidhean Croise

Jobu 21:15

Wanthazizose ndiyani kuti timutataliye? Ndipo chanduwu nchine cho tironde pakumuromba?’

Sumu 10:4

Mukujikuzga kwake munthu muheni watiti, “Chiuta kuti wakandilanganga cha, kuti waphwereko cha!” Agha ndigho maghanaghano gha munthu muheni.

Sumu 14:1

Wakupusa watiti mu mtima wake, “Kulivi Chiuta.” Makuvunda, ŵachita vya ukazuzi, kulivi wakuchita umampha.

Sumu 94:7

Ndipo ŵatiti, “Ambuya kuti atitiwona cha; Chiuta waku Yisraele kuti wathoŵapo kanthu cha!”

Yesaya 5:19

Ŵeniwo ŵatiti, “Murekeni watinthimike, murekeni wakankhamiske nchitu yake alinga kuti tiyiwone; yirekeni fundu ya Wakupaturika Yo waku Yisraele yindere pafupi, ndipo yirekeni yize, alinga kuti tiyiziŵe!”

Yeremiya 10:5

Ŵangoza ŵawo ŵakozgana ndi vyakudikiya tuyuni vyakumikika mu munda wa vipasi, ndipo kuti ŵaziŵa kurongoro cha; ŵachita kunyamulika pakuti kuti ŵangenda cha. Mungaŵawopanga cha, pakuti kuti ŵangachita chiheni cha, pakuti nanga khuchita umampha nako mulivi mwawo.”

Yeremiya 48:11

Moabu waja pa chimangu kutuliya ku uhurwa wake, nge ndi vinyo yo watengama pa visika vyake; walivi kukhutulikapo kutuwa ku chiyaŵi ichi kuya ku chiyaŵi chiya, walivi kurorekapo nanga nkhu umkoli; chifukwa cho kunowa kwake kweche mwake, ndipo chema chake kuti chasinthapo cha.

Ezekiele 8:12

Penipo wangukamba nane, “Mwana wa munthu, kumbi wawona cho ŵaraŵara ŵa nyumba yaku Yisraele ŵachita mu mdima, munthu yose mu chipinda chake cha vithuthuzi? Pakuti ŵatiti, ‘Ambuya kuti atitiwona cha, Ambuya achipata charu.’ ”

Ezekiele 9:4

Ndipo Ambuya angunena nayo, “Ruta mu msumba, porota mu Yerusalemu, ulembe chisimikizgu pa visku vya ŵanthu wo ŵaliya ndikufwifwinthiya pa maunyakazi ghose gho ghachitika mukati mwake.”

Ezekiele 9:9

Iyo wangunena nane, “Uheni wa nyumba yaku Yisraele ndi Yuda ngukuru ukongwa; charu chazaza ndopa, msumba wazaza ukazuzi, pakuti ŵatiti, ‘Ambuya achipata charu, ndipo Ambuya kuti alereska cha.’

Amosi 6:1

“Owe kwaku wo ŵaja ndi kufwasa mu Zioni, ndi kwaku wo ŵakudeka pa phiri la Samaria, ŵanthu ŵakuziŵika ŵa mitundu yakudanga, kwaku ŵeniwo nyumba yaku Yisraele yituza!

Obadiya 1:6

Mo vyaku Esau vyatoleke, usambasi wake wapenjeka!

Malaki 2:17

Mwavukiska Ambuya ndi mazu ghinu. Ndipuuli mutiti, “Taŵavukiska uli?” Pakukamba kuti, “Yose yo wachita uheni ngwamampha mu maso gha Ambuya, ndipo akondwa nayo.” Pamwenga pakufumba kuti, “Wepani Chiuta wa urunji?”

2 Petro 3:4

“Le pani phanganu la uzi wake? Chifukwa, kwanda ku zuŵa lenilo ŵangulariya ŵaseku, vinthu vyose vichajaririya viyo pe kutuwa ku chiyambo cha ulengi.”

Chivumbuzi 2:23

Ndipo ŵana ŵake nkhaŵabayanga ŵakafwanga; ndipo yiziŵenge mipingu yose kuti ndine ndipenjapenja zeru ndi mtima: ndipo nkhakupaskaninga munthu we yose kwakulingana ndi machitidu ghinu.