Yuda 1:19 - Tonga Bible 1986

¹⁹ Yaŵa mbakugauskana, ŵa mtima wakawi, ŵambura Mzimu.

Yuda 1:19 Iomraidhean Croise

Nthanthi 18:1

Mweniyo wakana ŵanasi wapenja kafukwa kakusosomolana, kurwana ndi cheruzgu chose chakurunjika.

Yesaya 65:5

ŵeniwo ŵatiti, “Ujiwone wamweni, reka kuza kufupi kwangu, pakuti ndi kuŵikika pakundija kwaku iwe.” Yaŵa ndi usi mu mphunu zangu, moto wo unyeka zuŵa lose.

Ezekiele 14:7

Pakuti we yose wa nyumba yaku Yisraele, pamwenga wa ŵalendo ŵakutandara mu Yisraele, yo watijipatuska mweneko kwaku ine, pa kuŵika ŵangoza ŵake mu mtima wake ndi pakuŵika chiguŵisku cha uheni wake pa maso pake, ndipuuli watuza ku mchimi kuzachifumba ine, Ine Ambuya ndimwamukenge;

Hoseya 4:14

Ndiŵarangenge cha ŵana ŵinu ŵanthukazi ŵachichita ureŵi, chingana mbawoli ŵinu ŵachichita ureŵi; chifukwa ŵanthurumi nawo ŵapatukiya ku ŵareŵi, ndi kupereka sembe ndi ŵanthukazi ŵareŵi; ndipo ŵanthu ŵambura vinjeru ŵamupasuka.

Hoseya 9:10

Ndingumusaniya Yisraele nge ndi mphereska mu mapopa. Nge nchipasi chakudanga cha mkuyu, pa nyengo yake yakwamba, ndinguŵawona auskemwe. Kweni ŵanguza ku Bala-peori, ndi ŵangujipatuliya kwaku Bala, ŵanguŵa ŵakutinkhika nge nchinthu cho ŵangwanja.

ŴaRoma 8:9

Kweni kuti imwe muja kwakuyana nge ndimo kaŵiro ka unthu winu katikuneniyani cha, muja uli ndimo Mzimu watikuneniyani, pakuti nadi, Mzimu waku Chiuta uja mwaku imwe. We yose yo walive Mzimu waku Kristu, kuti ngwaku iyo cha.

1 ŴaKorinte 2:14

Kweni munthu wambura mzimu kuti wangaronde vyawanangwa vya Mzimu waku Chiuta cha chifukwa kwaku iyo vye kupusa; ndipo kuti waziŵa kuviteska cha, pakuti viteruzgika ndi mzimu.

1 ŴaKorinte 6:19

Pamwenga mureka kuziŵa kumbi kuti liŵavu linu ndi kasopi wa Mzimu Wakupaturika wakuŵa mukati mwinu, yo mwe nayo kutuwa kwaku Chiuta? Ndipo kuti mwe waku mwaŵeni cha;

ŴaHebere 10:25

kwambura kujowo unganu waku taŵeni, uli nkharusu ka ŵanyake, kweni ŵakuchiskana; ndipo ukongwa viŵi po muwona kuti zuŵa lo liŵandika.

Yakobe 3:15

Zeru yeniyo kuti njakusikiya kutuwa kuchanya cha, kweni njapasi, yaviŵaru, ya udemone.