Yuda 1:12 - Tonga Bible 1986

¹² Ŵenaŵa ndi maŵanga gha kufipa mu madghera ghinu ghachanju, pakurghiya pamoza namwe ŵajariska kwambura wofi: mitambo yambura maji, yakuyungwiskika ndi zimphepu; miti yachihanya yambura vipasi yakufwa kaŵi, yakuzgulika;

Yuda 1:12 Iomraidhean Croise

2 Mikoka 7:20

nkhakutuzgangamo mu charu cho ndakupaska, ndi nyumba iyi, yo ndayipatuliya ku zina langu, ndiyitayenge kuti yireke kuwoneka so ku maso ghangu, ndiyisanduskenge nthanthi ndi chitozeru mukati mu ŵanthu wose.

Jobu 8:17

Misisi yake yizingirizga ndundu yamya; waja mukati mu majarawe.

Sumu 1:3

Wakozgana ndi muti wakupandika pa mphepete pa misisi ya maji, weniwo upasa vipasi vyake mu nyengo yake, jani lake kuti lifota cha; mwaku chose cho wachita, wasakata.

Sumu 37:2

Pakuti ŵakamiranga ruŵi nge mbuteka, ndipo nge nchipozwa chiŵisi ŵafotenge.

Nthanthi 25:14

Uli ndi mitambo ndi mphepo yambura vuwa, ndimu walili munthu yo watijikuzga chifukwa cha chaulera chenicho iyo kuti watichipaska cha.

Ezekiele 17:9

Ukambe, Viyo atiti Ambuya Chiuta: Kumbi yisakatenge? Asi yikazuwanga misisi yake ndi kudumuwa mphanda zake, viyo kuti muti wose ukamiranga, mani ghakafotanga? Kuti ukhumbenge janja lanthazi pamwenga ŵanthu ŵanandi cha pa kuzuwa misisi yake.

Ezekiele 34:10

Viyo atiti Ambuya Chiuta, Ehe, ndimikana ndi ŵaliska; mberere zangu ndikazifumbanga pa janja lawo, ndipo ndiŵakanizgenge kuŵa ŵakuliska mberere; iwo nawo ŵaliska kuti ŵakajiliskanga so cha. Ndikataskanga mberere zanguku milomo yawo, mwakuti zireke kuŵa chakurgha chawo.

Ezekiele 34:18

Kumbi kuti nchakwenere cha kwaku imwe kurgha pa chipozwa chamampha, pamwenga kumwa maji ghakutowa, kwakuruska kuti mpaka muphwatiyi pasi ndi marundi ghinu chipozwa cho chajako ndi kuvunduliya ndi marundi ghinu maji gho ghajako?

Ezekiele 34:2

“Mwana wa munthu, uchimi kumikana ndi ŵaliska ŵaku Yisraele, chima, uŵanene kuti, inya ku ŵaliska, Viyo atiti Ambuya Chiuta: Owe, ŵaliska ŵaku Yisraele imwe mwajiriska mwaŵeni! Kumbi asi ŵaliska ŵatenere kuliska mberere?

Ezekiele 34:8

Mo ndiliri wamoyo, atiti Ambuya Chiuta, chifukwa chakuti mberere zangu zaŵa chakuliwa, ndipo mberere zangu zaŵa chakurgha cha vikoko vyose vya mudondo, pakuti mliska kwengavi; ndipo so pakuti ŵaliska ŵangu kuti ŵanguzirondo cha mberere, kweni ŵaliska ŵangujiliska iwo ŵeneko, kuti ŵanguliska mberere cha;

Hoseya 6:4

Kumbi ndichitenji kwaku iwe, Efraimu? Kumbi ndichitenje kwaku iwe Yuda? Chanju chinu che nge ndi mtambo wa mlenji; ndi nge ndi dungwi lo likamuka ruŵi.

ŴaLevi 14:43

“Asani nthenda yibuka mu nyumba yo, pavuli pakutuzgamo mya ndi kuparapata ndi kuyikuluŵa so,

Mateyu 13:6

lati lakwera dazi zinguŵauka; ndipo chifukwa zengavi nkhorozu, zingumira.

Mateyu 15:13

Kweni, wakwamuka, wanguti, “Chakupandika chose cho ŵengavi kupanda Ada wakuchanya, chizuwikenge.

Marko 4:6

lati lakwera dazi, yinguŵawuka; ndipo pakuŵavi nkhorozu, yingufota.

Luka 12:45

Kweni asani muŵanda yo wanenenge mu mtima wake, ‘Waswera kuza mbuyangu;’ ndipo wambenge kupuma ŵahurwa ndi ŵasungwana, ndi so kurgha ndi kumwa, ndi kuloŵe:

Luka 16:19

“Ndipo kwenga msambasi yumoza, yo wavwaranga vyakujeduka ndi bafuta wakuworofoka, wakukondwa zuŵa ndi zuŵa;

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Luka 8:6

Ndipo yinyake yinguwa pa jarawe; ndipo yati yame yingufota, chifukwa cha kuŵavi mzizi.

ŴaEfeso 4:14

kuti tireke kuŵa so ŵamujedu ŵakufunchiskika ndi kuyungwiskika ndi mphepu yose ya kasambizgidu kamu fuzi la ŵanthu, mu uchenjezi wakunyengere ku urandizgi;

ŴaFilipi 3:19

Ŵeniwo kamaridu kawo nkhutayika, waku ŵeniwo chiuta ndi rufu lawo, ndi unkhankhu wawo we mu soni yawo, wo ŵaghanaghaniya vyapanupasi.

1 Timote 5:6

Kweni cho chitechitechi chafwa cheche chamoyo.

ŴaHebere 13:9

Mungalongozgeka ndi visambizgu vyamtundumtundu ndi vilendo: chifukwa nkhwamampha kuti mtima ukhozgeke ndi wezi; ndi vyakurgha cha, mwenimo ŵakutangwanikamo kuti ŵangawovyeka kanthu cha.

Yakobe 5:5

Mwaja mu charu mu maulakalaka ndi mu malikondwa mwatutuvyiya mitima yinu uli nkhu zuŵa la chibaya.