Yoswa 4:3 - Tonga Bible 1986

³ uŵanene kuti, ‘Toni mya chumi ndi yiŵi pano pakati pa Yordane, pamalo ipo po marundi gha ŵazukuru ghanguma, muruti nayo mukayilalike pasi penipo mwamugona usiku uno.’ ”

Yoswa 4:3 Iomraidhean Croise

Chiyambo 28:22

Ndipo mwa uwu, weniwo ndamika kuŵa chichiri, ukaŵanga nyumba yaku Chiuta; ndi kwaku vyose vyenivyo mukandipaskanga ndikapaskanga cha chichumi kwinu.”

Sumu 103:2

Rumbanga Ambuya, wa mzimu wangu, ndipo ungaruwanga vyakovya vyawo vyose.

Sumu 11:4

Ambuya ŵemu nyumba yawo yakupaturika, chitengu cha Ambuya che mu machanya; maso ghawo ghalereska, vikope vyawo vitesa ŵana ŵa ŵanthu.

Luka 19:40

Ndipo wakwamuka wanguti, “Ndikuneniyani kuti, asani ŵachetamenge aŵa, mya yo yikamburenge.”

Yoswa 24:27

Ndipo Yoswa wangunena ndi ŵanthu wose, “Awonani, mwa uwu ukaŵanga kaboni paku ifwe; pakuti wavwa mazu ghose gha Ambuya gho arongoro nafwe; chifukwa chenichi ukaŵanga kaboni paku imwe, kokuli vinu mungachita kwakupusika ndi Chiuta winu.”

Yoswa 3:13

Ndipo kuŵenge kuti po marundi gha ŵazukuru ŵakunyamuwa bokosi la Ambuya (Ambuya ŵa charu chose chapasi), ghakapumuwanga mu maji ghamu Yordane, maji gho ghakarekanga kwenda, ndipo maji ghakusika kutuwa kenena ghakamanga ndundu pamoza.”

Yoswa 4:4

Viyo Yoswa wangudana ŵanthu chumi ndi ŵaŵi mu ŵaYisraele, wo wangutondo, munthu yumoza pa fuku limoza;

Yoswa 4:8

Nge ndimo Yoswa wanguŵalanguliya ndimu ŵanthu ŵanguchitiya, ŵanguto mya chumi ndi yiŵi mukati mu Yordane, kwakuyana ndi unandi wa mafuku gha ŵaYisraele, mo Ambuya angunene Yoswa; ŵangupinga ndi kuruta nayo pa malo po ŵangugona, ŵanguyilalika pasi.

1 Samuele 7:12

Viyo Samuele wanguto mwa ndi kuwumika pakati pa Mizpa ndi Jeshana, ndipo wangudana zina lake Ebenezere, pakuti wanguti, “Panu, Ambuya atovya.”