Yoswa 2:11 - Tonga Bible 1986

¹¹ Ndipo tinguti tavwa ghenigho, mitima yidu yingusongonoka, ndipo pengavi munthu nanga njumoza yo wangujako wakukhwima, chifukwa chine; pakuti Ambuya Chiuta winu ndiyo Chiuta wa kuchanya ndi charu chapasi.

Yoswa 2:11 Iomraidhean Croise

1 ŴaKaronga 8:60

alinga kuti makhamu ghose gha charu cha pasi ghaziŵe kuti Ambuya ndiwo Chiuta; kulivi so munyake.

2 ŴaKaronga 5:15

Sono wanguwere ku munthu waku Chiuta, iyo ndi mpingu wake wose, ndipo wanguza wanguma paurongo pake, wanguti, “Ndiziŵa kuti mulivi Chiuta mu charu chose chapasi kweni mu Yisraele pe: viyo rondani chaulera chakutuwa ku mteŵeti winu.”

Nehemiya 6:16

Ndipo penipo ŵakupindikana ŵidu wose ŵanguvwa kuti kwe viyo, mitundu yose yakutizunguliya yingutenthema ndipo yingudelukadi nthazi, pakuti ŵanguziŵa kuti nchitu iyi yingufiskika ndi chovyo chaku Chiuta widu.

Estere 8:17

Ndipo mu chigaŵa che chose ndi mu msumba we wose mwenimo langulu ndi dangu la karonga vingufika, kwenga likondwa ndi chimwemwe ku ŵaYuda, ndipo so ŵanguchita dghera ndi ŵangupumuwa ku zinchitu. Ndipo ŵanthu ŵanandi mukati mu ŵeneko ŵa charu ŵangujichita kuŵa ŵaYuda chifukwa ŵangopa ŵaYuda.

Sumu 102:15

Mitundu yikawopanga Ambuya; ŵakaronga wose ŵa charu chapasi ŵakawopanga mazaza ghinu.

Sumu 22:14

Ndapungulika nge ndi maji, ndipo vyagweduka vyose viwanga vyangu; mtima wangu waŵa nge ndi phura, wasongonoka mukati mu chifuŵa changu;

Sumu 58:7

Ŵamare nge ndi maji ghakwenda; nge mbuteka ŵaphwatikiye pasi ŵamire.

Sumu 83:18

Muŵaziŵiske kuti imwe pe mwija, mwaŵenimwe zina linu ndimwe Ambuya, mwe Wapachanya Limu pa charu chose chapasi.

Chituwa 15:14

Makhamu gha ŵanthu ghavwa, ngakutenthema; urwirwi waŵako ŵakuja mu Filistia.

Chituwa 15:15

Sono mafumu ghamu Edomu ghadika nthazi: ŵarongozgi ŵa Moabu kwaŵako kunjenjeme, wose ŵakuja mu Kanani ŵasongonoka.

Yesaya 13:7

Viyo manja ghose ghakakwinyatanga, mtima wa munthu yose ukasongonokanga,

Yesaya 19:1

Vyakukambika vya pa Egipiti. Ehe, Ambuya akwera pa mtambo wakupusumpha ndipo atuza ku Egipiti; ndipo ŵangoza ŵa Egipiti ŵakanjenjemanga pakuŵapo iwo, ndipo mitima ya ŵaEgipiti yikasongonokanga mukati mwawo.

Ezekiele 21:15

alinga kuti mitima yawo yisongonoke, ndipo ŵanandi ŵawe pamalikomo ghawo ghose. Ndapereka lipanga lakugadima; inya! Likupangika nge ndi limphezi, likupuputikiya kubaya.

Nahumu 2:10

Wapasuka! Phasulo ndi pharghaniko! Mitima yitufwa msara ndipo makongono ghabwaskana, kuŵaŵa kwe mu viwunu vyose, visku vyose vyasanduka!

Marangu 1:28

Tikwere nunkhu? Ŵabali ŵidu ŵagongoweska mitima yidu kuti, “Ŵanthu mbakuru ndi mbatali kwakuruska ifwe; mizi nayo njikuru ndipo ye ndi malinga ghakugota kuchanya, ndipo so tawonako ŵana ŵa Anakimu kwenikuwa.” ’

Marangu 20:8

Ndipo ŵarongozgi ŵakarutirizganga kukamba ku ŵanthu, ndi kunena kuti, ‘Njani munthu mweniyo watopa ndi wafipa mtima? Wa viyo wawere ku nyumba yake, vinu mtima wa ŵanyake ungasongonoka uli ndi mtima wake.’

Marangu 4:39

Viyo ziŵani zuŵa lino ndi kughanaghana mu mitima yinu, kuti Ambuya ndiwo Chiuta mu machanya ndimu charu chapasi, kulivi munyake.

Yoswa 14:8

Kweni ŵabali wo ŵanguruta pamoza nane ŵangusongonoska mitima ya ŵanthu; ine kwakufikapo ndingurondo Ambuya Chiuta wangu.

Yoswa 2:24

Ŵangunena ndi Yoswa, “Kwakuneneska Ambuya apaska charu chose chiya mu manja ghidu; chakuruskako nchakuti wose ŵakuja mu charu cho mitima yawo njakulakatuka chifukwa chidu.”

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 7:5

Ndipo ŵanthu ŵaku Ai ŵangubayapo akhumba machumi ghatatu pachanya nkhonde ndi yumoza (36) ŵanguŵabaya pakusika. Mwakuti mitima ya ŵanthu yingusongonoka, ndipo yinguŵa nge ndi maji.

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.

Chivumbuzi 6:16

ndi kughanene mapiri ndi majarawe, “Wiyani paku ifwe, ndi tivunikiriyeni ku chisku chaku mweniyo waja pa chitengu-chaufumu cho, ndi ku kandundu ka Mwana-mberere,