Yoswa 2:10 - Tonga Bible 1986

¹⁰ Chifukwa tikuvwa mo Ambuya angukamuskiya maji gha Nyanja Yiyera paurongo pinu muchituwa mu Egipiti, ndipo ndi vyo munguchita ku ŵakaronga ŵaŵi ŵa Amori wo ŵenga kusirgha ku Yordane, kwaku Sihoni ndi Ogi, wo mukuŵaparghang'a tetete.

Yoswa 2:10 Iomraidhean Croise

Sumu 74:15

Imwe mungupaska maji kudika mu visima ndi msinji, mungukamuska misinji yakutandara.

Maŵerengedu 20:14

Sono Mosese wangutuma zinthumi kutuliya pa Kadeshe kuya ku Karonga waku Edomu, wanguti, “Mbali wako Yisraele watiti: Masuzgu ghose gho ghakutiwiya muziŵa;

Maŵerengedu 23:22

Chiuta watiŵatuzga mu Egipiti; we ndi nthazi nge ndi masengwe gha njati.

Maŵerengedu 24:8

Chiuta watimutuzga mu Egipiti: we ndi nthazi nge ndi masengwe gha njati, wakamezanga mitundu ya ŵanthu wo mbarwani ŵake, ndipo wakaphwanyanga viwanga vyawo tumanatumana, wakaŵalasanga porotu ndi mivwi yake.

Marangu 2:30

Kweni Sihoni fumu yaku Heshiboni yinguzomera cha kuti tikiye kwake, pakuti Ambuya Chiuta widu wangunonopeska mtima wake mwakuti wamupereke mu janja linu, nge ndimo kulili zuŵa lino.

Yoswa 24:12

Ndipo ndingutuma masanganavu paurongo pinu ghenigho ghanguŵadikiska pamaso pinu, ŵakaronga ŵaŵi ŵa Amori, kuti chenga chifukwa cha lipanga linu pamwenga uta winu cha.

Yoswa 4:24

mwakuti ŵanthu ŵa mitundu yose mu charu chapasi ŵaziŵe kuti janja la Ambuya ndanthazi; ndikuti imwe mopenge Ambuya Chiuta winu muyaya.”

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 9:10

ndi vyose vyo wanguchita ku ŵakaronga ŵaŵi ŵa Amori wo ŵenga kusirgha la Yordane, Sihoni karonga wa Heshiboni ndi Ogi karonga wa Bashani, yo wajanga mu Ashitarote.