Yoswa 11:12 - Tonga Bible 1986

¹² Ndipo ndi misumba yose ya wakaronga ŵa, ndi ŵakaronga ŵawo wose, Yoswa wanguto ndipo wanguŵakoso ndi lipanga, kuŵamariya limu, nge ndimo Mosese mteŵeti wa Ambuya wangulanguliya.

Yoswa 11:12 Iomraidhean Croise

Marangu 7:2

Ndipo Ambuya Chiuta winu waŵapereka kwaku imwe, ndipo imwe muŵapunde, ndi kuŵaparghang'a phu; mungapangananga nawo phanganu cha, chingana nkhuŵachitiya lisungu.

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.

Yoswa 10:20

Ndipo Yoswa ndi ŵaYisraele ŵanguti ŵamara kuŵabaya, mpaka po ŵanguparghanika wose, penipo ŵanyake ŵakujapo ŵaku wo ŵangusere mu misumba ya malinga,

Yoswa 10:28

Pa zuŵa liya Yoswa wanguthereska Makeda, wanguwukoso ndi karonga wake ndi lipanga; wangumariya limu munthu yose wamwenimo, wengavi kusiyako kanthu; mo wanguchitiya ndi karonga waku Yeriko ndimo wanguchitiya ndi karonga ŵaku Makeda.

Yoswa 10:30

ndipo Ambuya anguwupereka uwu nawo ndi karonga wake mu janja laku Yisraele; wanguwukoso ndi lipanga, wangubaya munthu yose wakuŵamo; wengavi kusiyako kanthu; ndipo wanguchita ku karonga wake nge ndimo wanguchitiya ndi karonga waku Yeriko.

Yoswa 10:32

Ambuya angupereka Lakishi mu janja la Yisraele, ŵanguwuthereska pa zuŵa la chiŵi, kuwukoso ndi lipanga, ndi kubaya munthu yose, nge ndimo ŵanguchitiya ku Libina.

Yoswa 10:35

wanguwupoka zuŵa leniliya, wanguwukoso ndi lipanga ndi kubaya munthu yose wakuŵamo kwambura wakusiyika, nge ndimo wanguchitiya ku Lakishi.

Yoswa 10:37

ndi kuwuthereska, wangukoso ndi lipanga karonga wake ndi mizi yake, wakubaya munthu yose kwambura wakusiyika, nge ndimo wanguchitiya ku Egloni, wangubwanganduwa vyose tetete pamoza ndi munthu yose.

Yoswa 11:13

Kweni pengavi msumba nanga ngumoza wo unguzengeka pa vimbumila wo ŵaYisraele ŵangocha ndi moto, kupatuwako Hazoro pe; wo Yoswa wangocha.

Yoswa 11:15

Nge ndimo Ambuya angulanguliya Mosese, ndimo Mosese wangulanguliya Yoswa, ndipo Yoswa wanguchitadi viyo; wengavi kusiyako kanthu kaku vyose vyo Ambuya angulanguliya Mosese.

Yoswa 13:6

wose ŵakuja mu charu cha mtunthu kutuwa ku Lebanoni mpaka ku Misrafoto-Maimi, ndipo ndi ŵaSidoni wose, ine ndamwene ndiŵadikiskenge paurongo pa ŵaYisraele; uŵagaŵiye charu ŵaYisraele chiŵenga chihara, nge ndimo ndakulanguliya.

Yoswa 21:44

Ndipo Ambuya anguŵapumuzga kosekose nge ndimo angurapiya ku auskeu; pengavi nanga njumoza wa ŵarwani ŵawo yo wangumikana nawo, pakuti Ambuya angupereka ŵakupindikana ŵawo wose mu manja ghawo.

Yoswa 8:31

nge ndimo Mosese mteŵeti wa Ambuya wangulanguliya ŵaYisraele, mo ghakulembeke mu buku la marangu ghaku Mosese, “Jochero la mya yambura kusema, yeniyo munthu nanga njumoza kuti wayisemapo ndi chisulo cha”; ndipo ŵanguperekapo mipasku yakocha ku Ambuya, ndi kuperekapo sembe za chimangu.

Yoswa 8:8

Ndipo mutakuti mwapoka muzi, mukawuwochanga ndi moto; kuchita ulaka ndimo Ambuya akambiya; awonani; ndakulanguliyani.”

Yoswa 9:24

Iwo pakwamuka Yoswa ŵanguti, “Chifukwa ifwe taŵateŵeti ŵinu tikuziŵiskika mu uneneska wose kuti Ambuya Chiuta winu wakulanguliya mteŵeti wake Mosese kumupaskani charu ichi chose, ndi kubwanganduwa wose ŵakuja mu charu paurongo pinu, viyo tingopa ukongwa kuti tifwe chifukwa chinu, sono tinguchita chinthu ichi.