Yoswa 10:1 - Tonga Bible 1986

¹ Po Adonizedeke karonga waku Yerusalemu wanguvwa mo Yoswa wangutore Ai, ndimo wangumumbwanganduliya kwambura kujako kanthu, ndi kuti, mo wanguchitiya Ai ndi karonga wake ndimo wanguchitiya ndi Yeriko ndi karonga wake, uli ndimo ŵakuja mu Gibeoni wanguchitiya chimangu ndi Yisraele ndi kuti ŵenga mukati mwawo,

Yoswa 10:1 Iomraidhean Croise

Chiyambo 14:18

Ndipo Melkizedeke karonga wa Salemu wanguza ndi viŵande ndi vinyo; wenga mzukuru waku Chiuta Wapachanya Limu.

ŴaHebere 7:1

Pakuti mwenuyu Melkizedeke, karonga waku Salemu, mzukuru waku Chiuta wamdengwedi, mweniyo wangukumana ndi Abrahamu wachiwe ku kubaya ŵakaronga, ndi wangumtumbika,

Yoswa 10:3

Viyo Adonizedeke karonga waku Yerusalemu wangutuma kwaku Hohamu karonga waku Hebroni, kwaku Piramu karonga waku Yerumutu, kwaku Yafia, karonga waku Lakishi, ndi kwaku Debiri, karonga waku Egloni, wanguti,

Yoswa 6:21

Ndipo ŵangumara ndi lipanga wose ŵanthurumi ndi ŵanthukazi, ŵamana ndi ŵara, ng'ombe, mberere ndi zimbunda.

Yoswa 8:2

mo unguchitiya ndi Yeriko ndi karonga wake ndimo ukachitiyanga ndi Ai ndi karonga wake; kweni vyuma vyake ndi ng'ombe zake mwamuto nge ndi muskowo winu; mubisame kuvuli kwa msumba wo.”

Yoswa 8:21

Ndipo Yoswa ndi ŵaYisraele wose ŵanguti ŵawona kuti ŵakubisama ŵa, ŵato muzi, ndikuti usi wa msumba wo ukwere kuchanya; ŵangung'anamukiya kuvuli ndi kubaya ŵanthurumi ŵaku Ai.

Yoswa 9:3

Kweni penipo ŵakuja mu Gibeoni ŵanguvwa vyo Yoswa wanguchita ku Yeriko ndi Ai,