Yoswa 1:4 - Tonga Bible 1986

⁴ Kwamba ku bozwa ndi Lebanoni uyu kwachifika ku msinji ukuru, msinji wa Efrate, charu chose cha ŵaHiti kufika ku Nyanja Yikuru kumasereru gha dazi yikaŵanga mphaka yinu.

Yoswa 1:4 Iomraidhean Croise

1 ŴaKaronga 10:29

Gareta linguziŵa kutuwa ku Egipiti pa mtengo wa mashekelo machumi pe chumi ghankhonde ndi limoza (600) gha siliva, ndi kavalo yumoza pa mtengo wa machumi pe chumi ndi machumi ghankhonde (150); viyo mu ŵamalonda ŵa karonga vingutumika ku ŵakaronga wose ŵa ŵaHiti ndi ŵakaronga ŵa Siriya.

1 ŴaKaronga 4:21

Solomoni wanguwusa pa maufumu ghose kwamba ku Efrate kwachifika ku charu cha ku ŵaFilisti ndi ku mphaka ya Egipiti, ŵanguza ndi mithulu, ŵangutataliya Solomoni mazuŵa ghose gha umoyo wake.

1 Mikoka 18:3

Davidi wangupunda so Hadadezere karonga waku Zoba, kurupi ndi Hamati wachiruta kwachiŵika chikumbusku chake pa msinji wa Efrate.

1 Mikoka 5:9

Ŵanguzenga so ku vuma mpaka ku kuserere kwa bozwa sirgha lino la msinji Efrate, chifukwa ng'ombe zawo zingwandana mu charu cha Gileada.

Ezra 4:20

Mwenga so ŵakaronga ŵakuru mu Yerusalemu wo ŵausanga vyaru vya kusirgha kwa msinji; ndipo msonkho ndi mthulu, ndi msonkho wa miseu vyaperekekanga kwawo.

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Marangu 1:7

Sokani, yendani ulendo winu ku mapiri gha ŵaAmori ndi ku malo ghose gha pafupi pake, mu chidika, mu chinkhwawu, ndi ku Negebu, mu mphepete mwa nyanja ku charu cha ŵaKanani, ku Lebanoni ndi ku msinji ukuru Efrate.

Marangu 11:24

Malo ghose ghenigho phazi la lundi linu lamukanda ghakaŵanga ghinu. Charu chinu chikaŵanga kutuwa ku bozwa la Lebanoni ndi kutuwa ku msinji, msinji Efrate, kwachifika ku nyanja yaku maselelo gha dazi.

Marangu 3:25

Ndimurombani imwe mundizomerezge ndimbuke, nkhawone charu chamampha cho che kusirgha la Yordane, vifya viya vyamampha, ndi Lebanoni.’

Chivumbuzi 9:14

ghakunena ndi mungelo wachinkhonde ndi chimoza, yo wenga ndi mbata, “Uŵafwatuwe ŵangelo wo ŵanayi, wo ŵamangika pa msinjiwo ukuru, Efrate.”