Yohane 8:7 - Tonga Bible 1986

⁷ Kweni ŵachirutiriya kumfumba, wanguyinuka, ndiwangunena nawo, “Mzira-ulakwi mukati mwinu wadange kumpong'a mya.”

Yohane 8:7 Iomraidhean Croise

Nthanthi 12:18

Walipo mweniyo mazu ghake ngaruŵi ghe uli nkhulasa kwa lipanga, kweni lilime la wazeru lituza ndi kuchizga.

Yeremiya 23:29

Kumbi mazu ghangu kuti ghakozgana ndi moto cha, kumbi kuti ghakozgana ndi nyundu yo yituswa jarawi tumanatumana cha?

Yohane 7:46

Wangwamuka ŵamirizi, “Chingana ndi kali munthu kuti wangurongoro viyo cha.”

Yohane 8:10

Ndipo Yesu wanguyunuka ndi wangumfumba, “Wamunthukazi, ŵe pani? Kumbi pengavi yumoza wakukususka?”

Yohane 8:8

Ndipo wangukotama so pasi, ndi wangulemba pa dongu.

ŴaKolose 4:6

Mazu ghinu ghaŵe ghawezi nyengo zose, ghakunoweskeka ndi mche, kuti muziŵe mo kutenere imwe kumwamukiya munthu yose, yumoza ndi yumoza.

Chivumbuzi 1:16

Ndipo wanguŵa nazo nyenyezi nkhonde ndi ziŵi mu janja lake lamarghe; mu mlomo wake mwatuwanga lipanga lauyi la vyepe kosekose; ndi chisku chake chenga ulaka ndi dazi lakuŵala kwa nthazi.

Chivumbuzi 19:15

Ndipo lituwa mu mlomo wake lipanga lauyi, kuti wakoso nalo mitundu: ndipo wausenge ŵanthu ndi ndodo ya chisulo: ndipo iyo wakanda nkhandu ya mphereska ya ukari wa kandundu kaku Chiuta wanthazizose.

Chivumbuzi 2:16

Viyo ng'anamuka, vinu ndingaza kwako ruŵi, ndikurwana nawo ndi lipanga la mlomo wangu.