Yohane 8:44 - Tonga Bible 1986

⁴⁴ Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Yohane 8:44 Iomraidhean Croise

Chiyambo 3:15

Ndikaŵikangapo umawongo pakati pako ndi munthukazi, ndi pakati pa mphapu yako ndi mphapu yake; iyo watemenge mutu wako, ndipo iwe utemenge chitende chake.”

1 ŴaKaronga 22:22

Ndipo Ambuya anguti kwaku wo, ‘Ndifundu uli?’ Ndipo unguti, ‘Ndikarutanga kwenikuwa, ndi po ndamkuŵa mzimu wakupusika mu mlomo wa ŵamchimi ŵake wose.’ Ambuya anguti, ‘Wakumunyengadi, ndipo wamkumugoda; rutanga ukachite viyo.’

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

Jobu 1:11

Kweni tambasuwani janja linu sono ndi kukwaska vyose vyo we navyo, ndipo mukawonanga kuti wakamutukaninga pa maso pinu.”

Mateyu 12:34

Mphapu za vipiriŵiza, mwa ŵakuŵa ŵaheni mungaziŵa uli kurongoro vyamampha? Chifukwa kutuwa ku ufurwi wa mtima mlomo urongoro.

Mateyu 13:15

Chifukwa watutuŵa mtima wa khamu lenili, ndipo makutu ghawo ghatuvwa chizituzitu, ndi maso ghawo ŵajara; vinu kokuli ŵangathoŵa ndi maso ghawo, ŵangapulikizga ndi makutu ghawo, ndipo ndi mtima wawo ŵangawamo, ndi ŵangang'anamuka ndipo ndingaŵachizga.’

Mateyu 13:38

ndipo munda wo ncharu; mbeu yamampha, mbana ŵa ufumu; ndi maduru mbana ŵa mheni yo,

Yohane 6:70

Wanguwamuka Yesu, “Asi ine ndakusankhani mwachumi ndi ŵaŵi, ndipo mwaku imwe yumoza ndi diabolo?”

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

Yohane 8:38

Vyo ndawona ine ku Ada ndi vyo ndirongoro; namwe so muchita vyenivyo mwawona ku auskemwe.”

Yohane 8:41

Imwe muchita nchitu za auskemwe.” Wangumwamuka, “Ifwe kuti tapapika mu ureŵi cha, te nayo uskefwe yumoza, ndiyo Chiuta.”

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

Machitidu gha Ŵakutumika 13:10

Ndipo wanguti, “Awa, wakuzazika fuvyo lose ndi uchenjezi wose, wamwana wa diabolo, wamawongo we wa urunji wose, asi urekenge, kunyongonthowa zakunyoroka za Mbuya?

Machitidu gha Ŵakutumika 24:9

Ndipo ŵaYuda nawo ŵangusanganapo, ndi kukokomezgapo kuti vyenivyo vyenga viyo.

Machitidu gha Ŵakutumika 5:3

Kweni Petro wanguti, “Hananiya, chifukwa chine Satana wazaza mtima wako kuti upusike iwe Mzimu Wakupaturika ndi kuti ujibisiye cha ku mtengu wa charu cho?

2 ŴaKorinte 11:3

Kweni nditopa vinu uli ndimo njoka yo yingumunyenge Eva mu uchenjezi wake, vinjeru vinu vinganangika kulekana ndi uneneska ndi ukhovu wa mwaku Kristu.

1 Petro 5:8

Zizani, khazgani: diaboloyo, mphindikwa yinu, uli ndi nkharamu yakukoroma, wayingayinga ndi kupenja mweniyo wakamphe.

2 Petro 2:4

Chifukwa asani Chiuta wengavi kulekerezga ŵangelo wo ŵangulakwa, kweni, pakuŵatayiya ku Gehena kumagoŵa gha munkhorwi, wanguŵakombole kusungirizgikiya ku cheruzgu,

1 Yohane 1:8

Asani tinena kuti ulakwi tirive, tijipusika, ndipo uneneska wo kuti we mwaku ifwe cha.

1 Yohane 2:21

Ndikulembiyani kuti nchifukwa mureka kuziŵa cha uneneska wo; kweni muwuziŵa, chifukwa palivi utesi wo ngwakutuliya ku uneneska.

1 Yohane 2:4

Yo watiti, “Ndimziŵa,” ndipo marangu ghake wareka kughasunga, ndi mtesi, ndipo mwaku iyo uneneska mulive:

1 Yohane 3:12

Ulaka ndi Kaine cha, yo wenga wakutuliya ku mheni yo, ndipo wangubaya mhurwa wake. Ndipo wangumbayiya chifukwa chine? Chifukwa nchitu zake zenga ziheni, ndi za mhurwa wake zirunji.

1 Yohane 3:15

Munthu yose yo watinkha mbali wake ngwambanda: ndipo muziŵa wambanda kuti wendi umoyo wa muyaya mwaku iyo cha.

Yuda 1:6

Ŵangelo nawo so viyo ŵeniwo ŵengavi kusunga ura waku ŵija, ŵangureka ujazi wapa mtima wawo, ŵaŵasunga mu magoŵa ghamuyaya pasi pa munkhorwe ku chisusa cha zuŵa likuru.

Chivumbuzi 12:9

Ndipo wangupong'eka pasi nchalinda yo mukuru, njoka yo yamwaka, wakuzumbulika Diabolo ndi Satana, murandizgi wa pasi iyo ndi ŵangelo ŵake pamoza nayo.

Chivumbuzi 13:14

Ndipo chituŵarandizga wo ŵaja pa charu chapasi chifukwa cha visimikizgu vyo vikupaskika kwaku cho kuchitiya paurongo pa chikoku chakudanga cho. Chikoku chinguŵanene ŵakuja pa charu kuchitiya chikoku cho chikozgu, mukutumbika chikoku cho chenga ndi bala la lipanga kweni chakuŵa chamoyo.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Chivumbuzi 9:11

We nayo karonga wakuŵawusa, mungelo iyo wa chizenje cho: zina lake mu chiHebere ndi Abadoni, ndipo mu chiGriki we nalo zina Apoleyono.