Yohane 8:3 - Tonga Bible 1986

³ Ndipo ŵalembi ndi ŵaFarisi ŵanguza nayo munthukazi wakusanirika pa ureŵi;

Yohane 8:3 Iomraidhean Croise

Ezekiele 16:38

Ndikweruzgenge nge ndimo ŵanthukazi ŵareŵi ndi ŵakudiska ndopa ŵateruzgikiya, ndipo ndikasiskiyanga paku iwe ndopa za ukari ndi sanji.

Ezekiele 23:45

Kweni ŵanthu ŵarunji ŵakaperekanga cheruzgu paku iwo kwakuyana ndi cheruzgu cha ŵanthukazi ŵareŵi, ndi cheruzgu cha ŵanthukazi ŵakudiska ndopa, chifukwa iwo mbanthukazi ŵareŵi, ndipo ndopa ze pa manja ghawo.”

Maŵerengedu 15:33

Wo ŵangumusaniya wachideŵa nkhuni ŵanguza nayo kwaku Mosese ndi Aroni, ndi ku wumba wose.

Mateyu 2:4

Ndipo wati waungang'iska wose ŵazukuru ŵara ndi ŵalembi ŵa khamu lo, wanguŵafumba po Kristu wangapapikiya.

Yohane 8:2

Ndi mlenjilenji wanguza so mu kasopi, ndipo khamu lose linguwungana kwaku iyo; ndipo wati waja pasi, waŵasambizganga.

Yohane 8:4

ndipo ŵati ŵamjarika mukati, ŵatiti kwaku Yesu, “Msambizgi, uyu munthukazi wangusanirika pa ureŵi mu kachitidu imu.

Yohane 8:9

Kweni iwo, ŵati ŵavwa yagha, wasotopokangamu yumoza-yumoza, kwanda ku ŵara mpaka ku ŵakumariya: Yesu wangusiyika yija, ndi munthukazi yo wakuma mukati.

Yohane 9:13

Ŵangumtole ku ŵaFarisi yo kali wenga wachiburumutiya.

Machitidu gha Ŵakutumika 4:7

ndipo ŵati ŵaŵamika mukati mo, ŵafumbanga, “Mu nthazi uli, pamwenga zina uli, mwachitiya chenichi?”

ŴaRoma 7:3

Viyo na, asani, weche wamoyo mrumi wake, waŵirwa ku munthurumi munyake, wazumbulikenge mureŵi; kweni asani wangafwa mrumi wake, ndi mwanangwa ku dangu lo, viyo kuti ndi mreŵi cha, chingana waŵirwa ku munthurumi munyake.