Yohane 4:41 - Tonga Bible 1986

⁴¹ Wanguvwana ŵanandi pa chifwa cha mazu ghake.

Yohane 4:41 Iomraidhean Croise

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Luka 4:32

ndipo ŵazizwanga pa chisambizgu chake; pakuti mazu ghake ghenga ndi mtufu.

Yohane 4:40

Ndiviyo po ŵaSamaria wo ŵanguza kwaku iyo, ŵangumuŵeyere kuja nawo: ndipo wanguja kweniko mazuŵa ghaŵi.

Yohane 4:42

Ndipo ku munthukazi yo ŵatinge, “Sono tivwana pa chifukwa cha makani ghako pe cha: kweni pakuti taŵeni tijavwiya, ndipo taziŵa kuti kwakuneneska mwenuyu ndi Mtaski wa charu.”

Yohane 6:63

Mzimu ngwakupaska umoyo; liŵavu kuti litu vya kanthu cha; mazu gho ndarongoro namwe ndigho mzimu, ndipo ndigho umoyo.

Yohane 7:46

Wangwamuka ŵamirizi, “Chingana ndi kali munthu kuti wangurongoro viyo cha.”

Machitidu gha Ŵakutumika 1:8

Kweni mwamronde nthazi wati waziya paku imwe Mzimu Wakupaturika, ndipo mundiŵiyenge ŵakaboni mosemose mu Yerusalemu, ndi mu Yuda yose ndi Samaria, ndi ku vigoti vya panupasi.”

Machitidu gha Ŵakutumika 15:3

Viyo iwo, pakuperekeka pa nthowa ndi mpingu wo, ŵangudumuwa mu Fenikia ndi so Samaria, ŵangukonkhoma ching'anamuka cha ŵaMitundu: ndipo ŵaŵachitiyanga chimwemwe chikuru ŵabali wose.

Machitidu gha Ŵakutumika 8:12

Kweni penipo ŵanguvwaniya kwaku Filipu, wachigozga ufumu waku Chiuta ndi zina laku Yesu Kristu, ŵabatizikanga ŵanthurumi ndi so ŵanthukazi.

Machitidu gha Ŵakutumika 8:25

Viyo iwo ŵati ŵasimikizga ndi kukamba mazu gha Ambuya ŵanguwere ku Yerusalemu, ŵakutaula evangeli mu mizi yinandi ya ŵaSamaria.

ŴaHebere 4:13

Ndipo palive chakulengeka chambura kuwoneka paurongo pake: kweni vyose vye nkhuli ndi mwazi ku maso ghaku mweniyo te ŵachifukwa nayo.