Yohane 3:5 - Tonga Bible 1986

⁵ Wangwamuka Yesu, nadi, ndikuneneske, “Kwambura kuti munthu wapapika ndi maji ndi Mzimu, kuti waziŵa cha kusere mu Ufumu waku Chiuta.

Yohane 3:5 Iomraidhean Croise

Mateyu 18:3

Wanguti, “Inyadi ndikuneniyani, kwambura kuti mung'anamuka, ndi mutuŵa nge mbanamana, kuti muserenge mu ufumu wa kuchanya cha.

Mateyu 19:24

Ndipo so ndinene imwe, nkhuyuyu ku gamila kuporota mu mphowozi ya zingani, kwakuruska ku msambasi kusere mu ufumu waku Chiuta.”

Mateyu 21:31

Mwaku wo ŵaŵi njani wanguchita khumbu la awiske?” Watiti, “Wakudanga yo.” Yesu wanguŵanene, “Nadidi ndikuneniyani kuti ŵamsonkhu ndi ŵanthukazi ŵareŵi ŵakudanjiriyeninge mu ufumu waku Chiuta.

Mateyu 28:19

Viyo rutani, sambizgani mitundu yose, ŵakuŵabatiziya mu zina la Dada ndi la Mwana ndi la Mzimu ŵakupaturika:

Mateyu 3:11

“Ine nadi ndikubatizani ndi maji ku ching'anamuka: kweni yo watuza pavulipangu ngwanthazi ndi ine, viyatu vyaku mweniyo kuti nde wakwenere cha ine kufwatuwa. Iyo wamkukubatizani ndi Mzimu Wakupaturika ndi moto.

Mateyu 5:20

Chifukwa ndikuneniyani, kuti, kwambura kuti urunji winu ungaruska wo wa ŵalembi ndi ŵaFarisi, kuti mwamsere mu ufumu wo wa kuchanya cha.

Marko 10:14

Kweni Yesu wachiwona wangutundiya, ndipo wanguŵanene, “Tulekeni twana kuza kwaku ine: mungatukanizganga cha: chifukwa ufumu waku Chiuta ngwa twaviyo.

Marko 16:16

Yo wavwana ndi wabatizika wataskikenga; kweni yo wareka kuvwana wasuskikenge.

Marko 9:47

Ndipo asani jiso lako lingakuguŵiska likorowo; nkhwamampha kusere iwe wa jiso limoza mu ufumu waku Chiuta, kwakuruska, kuŵa ndi maso ghaŵi, kupong'eka mu Gehena;

Luka 13:24

“Limbalimbani kusere mu khomo lifinyi; pakuti ŵanandi, ndikuneniyani ŵamkhumba kuseremo, ndipo kuti ŵaŵenge ndi nthazi cha.

Luka 13:3

Ndikuneniyani, Awa na: kweni kwambura kuti mung'anamukenge, mose muparghanikenge kwakukozgana.

Luka 13:5

Ndikuneniyani, Awa na: kweni kwambura kuti mung'anamukenge, mose muparghanikenge kwakukozgana.”

Yohane 1:13

wo ŵangupapika, ku kaŵiro ka kunthu cha pamwenga ko khumbo la munthu, kweni kwaku Chiuta.

Yohane 3:3

Wangwamuka Yesu wangumnene, “Nadi, nadi, ndikuneneske, munthu kuti waziŵa cha kuwona Ufumu waku Chiuta kwambura kuti wapapika so.”

Yohane 3:4

Wamnene Nikodemo, “Wangaziŵa uli munthu kupapika po we khongwe? Kumbi waziŵa kusere kachiŵi mu nthumbo ya anyina, ndi kupapika?”

Machitidu gha Ŵakutumika 2:38

Ndipo Petro wanguti kwaku wo, “Ng'anamukani, ndipo munthu yose waku imwe wabatizikiye mu zina laku Yesu Kristu ku chireke cha vilakwa vinu; ndipo mukarondanga mpasku wa Mzimu Wakupaturika.

Machitidu gha Ŵakutumika 3:19

Viyo ng'anamukani, ndi nyongokani, alinga kuti visisitike vilakwa vinu, viyo kuti zingaza nyengo za chisisipuska kutuwa ku chisku cha Ambuya:

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

ŴaRoma 8:2

Chifukwa langulu la Mzimu wa umoyo mwaku Kristu Yesu landifwatuwa ku dangu lo la ulakwi la nyifwa.

1 ŴaKorinte 15:50

Kweni chenichi ndititi, mwa ŵabali, nyama ndi ndopa kuti viziŵa cha kuhara ufumu waku Chiuta; chingana nchivuzi kuti chihara uwurachivuzi cha.

1 ŴaKorinte 2:12

Kweni kuti taronde ifwe, mzimu wa charu cha, kweni Mzimu wakutuliya kwaku Chiuta, mwakuti tiziŵe vyo vyapaskika kwawanangwa ndi Chiuta kwaku ifwe.

1 ŴaKorinte 6:11

Ndipo mwaŵanyake mwenga ŵaviyo. Kweni mwasambiskika, mwapaturiskika, mwarunjiskikiya mu zina la Ambuya Yesu Kristu, ndi mu Mzimu waku Chiuta widu.

ŴaGalatia 6:15

Chifukwa chingana ndi mchinju kuti nkhanthu cha, chingana nkhuwura-mchinju, kweni chilengeka chifya.

ŴaEfeso 5:26

alinga kuti walipatuliske, wati walitozge mu chibatizo ndi mazu,

1 Petro 1:2

ŵakusankhika uli ndi mziŵiru limu waku Chiuta Dada, mu chitowesku cha Mzimu, ku muvwiyu ndi ku chiwazga cha ndopa zaku Yesu Kristu: Wezi ndi chimangu vyandaniskikiye kwaku imwe.

1 Petro 3:21

maji ghenagha chenga chikozgu, chakurongo ubatizo wo sono umutaskani kusuka lisilu la liŵavu cha, kweni niniziku la njuŵi yamampha kuchiri kwaku Chiuta ndi chiyuka chaku Yesu Kristu,

1 Yohane 2:29

Po muziŵiya kuti ndi murunji, ziŵani kuti yose yo ngwakuchita urunji wapapika kwaku iyo.

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.