Yohane 2:4 - Tonga Bible 1986

⁴ Wamnene Yesu, “Ungandineniyanga cha cho nditenere kuchita, munthukazi we? Ora langu lindaze.”

Yohane 2:4 Iomraidhean Croise

2 Samuele 16:10

Kweni karonga wanguti, “Kumbi ndendi kanthu uli ine ndi imwe, mwa ŵana ŵaku Zeruya? Asani watukiya pa chifukwa chakuti Ambuya amunene kuti, ‘Mutuki Davidi,’ ndiyani nanga yo wakambenge chifukwa, ‘Nchine wachita viyo?’ ”

2 Samuele 19:22

Kweni Davidi wanguti, “Ndenamwe ndi kanthu uli imwe, mwa ŵana ŵaku Zeruya kuti msana wale muŵi nge ngwakupindikana nane? Kumbi munthu wangabayika mu Yisraele msana wale? Kumbi kuti ndiziŵa cha kuti zuŵa lino nde karonga pa ŵaYisraele?”

1 ŴaKaronga 17:18

Ndipo munthukazi wanguti kwaku Eliya, “Wenane ndi kafukwa uli, wa munthu waku Chiuta we? ukuza kunu kwaku ine kundikumbuska mphurupuru yangu, ndi kuchitiska nyifwa pa mwana wangu!”

Wakutaula 3:1

Kanthu kose kendi nyengo yake, ndi nyengo ya kafukwa ke kose pasi pa charu:

Mateyu 15:28

Sono Yesu, wakumwamuka, wangumunene, “Wamunthukazi'we, nchikuru chivwanu chako: kuŵiye iwe uli ndimo ukhumbiya.” Ndipo wanguchizgika mwana munthukazi wake paora leniliya.

Mateyu 8:29

Ndipo awonani, ŵangubongo, “Tatinjinamwe, mwa Mwana waku Chiuta? Mwaziya kuno kuzachitisuzga, yeche yindafike nyengo?”

Luka 2:49

Ndipo wanguŵanene, “Mwandipenjiyanganji? Asi mwaziŵanga kuti kutenere ine kuŵa mwaku vyo vya Ada?”

Yohane 12:23

Ndipo Yesu wanguŵamuka, “Ora lo laza, lakuti wakankhuskike Mwana wa munthu.

Yohane 13:1

Lenga lindaze dghera la Phaska, wanguziŵa Yesu kuti laza ora lake lakutuwa mu charu chino, kuruta ku Dada; po wanguti waŵanja ŵapa mtima wake ŵamu charu, wanguŵanjiya limu mpaka ku umari.

Yohane 2:3

Ndipo wachipereŵe vinyo, anyina ŵaku Yesu ŵangumnene, “Walive vinyo.”

Yohane 20:13

Ndipo yaŵa wangunena nayo, “Wamunthukazi, uliyanji?” Waŵanene, “Pakuti ŵamtuzgamo Mbuyangu, ndipo kuti ndiziŵa cha ko ŵamuŵika.”

Yohane 20:15

Yesu wanena nayo, “Munthukazi we, uliyanji? Upenja yani?” Iyo, pakupima kuti ndiyo mweni-munda, wanena nayo, “Bwana, asani ndiwe wamunyamuwamo, ndinene po wamuŵika, nkhamtuzgepo.”

Yohane 7:30

Viyo ŵalembanga kumko: ndikweni kwengavi yumoza wanguŵikapo pake janja, pakuti ora lake lenga lindaze.

Yohane 7:6

Yesu waŵanene, “Nyengo yangu yindaze; kweni nyengo yinu njakurongosoleka mazuŵa ghose.

Yohane 7:8

Rutaninge imwe ku dghera lo: ine kuti ndirutenge ku dghera ili cha, pakuti nyengo yangu yindafiskike.”

Yohane 8:20

Mazu yagha wangurongoro nawo muchipinda chakusungiya mu ndrama, wachisambizga mu kasopi; ndipo kuti yumoza wangumko cha; pakuti ora lake lengalindaze.

2 ŴaKorinte 5:16

Viyo na, ifwe kutuwa ku sono kuti tiziŵa yumoza uli nkhu liŵavu cha: chingana napo tamziŵa Kristu uli nkhu liŵavu, ndikweni sono kuti timziŵa viyo so cha.

Marangu 33:9

mweniyo wangukamba gha awiske ndi anyina, ‘Ndituŵagomezga cha.’ Wangukwamphuwa vya ŵana ŵanyake ndi wanguŵaruwa ŵana ŵake, pakuti iwo ŵanguphwere mazu ghinu, ndi ŵangusunga phanganu linu.