Yohane 16:3 - Tonga Bible 1986

³ Ndipo vyenivi ŵachitenge chifukwa kuti ŵaziŵa Dada cha, chingana ndi ine.

Yohane 16:3 Iomraidhean Croise

Luka 10:22

Vyose vyaperekeka ndi Ada kwaku ine: ndipo palive yumoza waziŵa yo ndi Mwana, kweni Dada pe; ndipo yo ndi Dada, kweni Mwana pe, ndi yose kwaku mweniyo Mwana wangakhumba kumvumbuliya.”

Yohane 15:21

Kweni vyose ivi ŵakakuchitiyaninga pa chifwa cha zina langu, pakuti ŵalive kumuziŵa yo wangundituma.

Yohane 15:23

Wakutinkha ine, watinkha Ada so nawo.

Yohane 17:25

Ada ŵarunji, charu kuti chakuziŵani imwe cha, kweni ine ndakuziŵani; ndipo ŵenaŵa ŵaziŵa kuti imwe mwandituma.

Yohane 17:3

Ndipo chenichi mbumoyo wamuyaya, kuti ŵanthu ŵakuziŵeni imwe, Chiuta yija muneneska ndi so Yesu Kristu mweniyo mungutuma.

Yohane 8:19

Viyo ŵamuneniyanga, “Ŵe pani Ausu?” Yesu wangwamuka, “Kuti muziŵa cha chingana ndi ine, chingana mba Ada: asani munguziŵa ine, mphanyi mutiŵaziŵa Ada nawo.”

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

Machitidu gha Ŵakutumika 3:17

“Ndipo sono, mwa ŵabali, ndaziŵa kuti munguchita cho mu ujira, ulindimo ŵanguchitiya ŵaraŵara ŵinu nawo.

1 ŴaKorinte 2:8

Zeru yeniyo wengavi kuyiziŵa nanga njumoza wa ŵakuwusa ŵa mgonezi uwu: chifukwa asani ŵanguyiziŵa, mphanyi ŵengavi kuŵapayika Ambuya ŵa unkhankhu.

2 ŴaTesalonika 1:8

wachitayiya thayu pa ŵakuura-kuziŵa Chiuta, ndi ku ŵakureka-kuvwiya evangeli wa Ambuyafwe Yesu.

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

1 Yohane 2:23

Yose wakumkana Mwana, walive so Dada: yo ngwakuzomera Mwana, we nayo Dada so.

1 Yohane 3:1

Alereni, chanju cho watipaska Dada, mwakuti titamulike ŵana ŵaku Chiuta: ndimo tiriri. Chifukwa chenichi chirive kutiziŵa, pakuti chengavi kumziŵa iyo.

1 Yohane 4:8

Yo wareka kwanja walive kumziŵa Chiuta; pakuti Chiuta nchanju.

1 Yohane 5:20

Kweni tiziŵa kuti Mwana waku Chiuta waza, ndipo kuti watipaska chinjeru, alinga kuti timziŵe mneneska yo; ndipo te mu mneneska yo, nadidi mu Mwana wake Yesu Kristu mwenuyu ndi Chiuta mneneska yo, ndi Umoyo Wamuyaya wo.