Yohane 15:4 - Tonga Bible 1986

⁴ Jani mwaku ine, ndi ine mwaku imwe. Mo mphanda yirive nthazi kujipasiya yija, kwambura kuti yijaririya mu mphereska yo, viyo so chingana ndimwe, kwambura kuti mujaririya mwaku ine.

Yohane 15:4 Iomraidhean Croise

Sumu ya Zisumu 8:5

Ndiyani yuwa watuza kutiliya ku bozwa, wayegeme pa wakwanjiwa wake? Ndingukuyuska iwe musina mu muti wa muŵaŵa. Kwenikuwa anyoko ŵenga musuzgu chifukwa chako, kwenikuwa ndiko wakukubala iwe wenga musuzgu.

Hoseya 14:8

Efraimu, kumbi ŵangoza nde nawo ndi nchitu uli? Ndine yo wamuka ndi kukuphwere. Nde nge ndi muti wa mung'ona wakubiliŵira nyengo yose, vipasi vyako vituliya kwaku ine.

Mateyu 12:33

“Kuŵa ndi chipasi chamampha, nkhuŵa ndi chimuti chamampha; pamwenga asani chimuti nchakuwo, chipasi chake chikaŵanga chakuwo; chifukwa chimuti chiziŵikwa ndi chipasi chake.

Luka 8:15

Ndipo yo yamu charu cheneko mbeniwo wose pakuvwa mazu, ŵatighakoreska mu mtima uneneska ndi wamampha, ndi ŵapasa vipasi ndi chisisi.

Yohane 14:20

Mu zuŵa liya muziŵenge imwe kuti ine ndemu Dada, ndi imwe mwaku ine, ndi ine mwaku imwe.

Yohane 17:23

ine mwaku iwo, ndi imwe mwaku ine, alinga ŵaŵe ŵakufiskikiya mu umoza; kuti charu chiziŵe kuti imwe mungundituma, ndipo kuti mwaŵanja iwo, uli ndimo mwandanjiya ine.

Yohane 6:56

Wakurgha nyama yangu ndi wakumwa ndopa zangu waja mwaku ine, ndi ine mwaku iyo.

Yohane 8:31

Viyo Yesu wangunena ndi ŵaYuda wo wanguvwana mwaku iyo, “Asani mujaririyenge imwe mu mazu ghagu, nadidi mwe ŵasambizi ŵangu;

Machitidu gha Ŵakutumika 11:23

Mweniyo wanguti wazako, ndi wawona wezi waku Chiuta, wangukondwere; ndipo wanguŵachichizga wose, kuti ndi linweka la mtima ŵamiziriye ku Ambuya;

Machitidu gha Ŵakutumika 14:22

ŵakukhozga mizimu ya ŵasambizi, pakuŵachichizga kujaririya mu chivwanu, ndi kuti mu masuzgu ghanandi kutenere ifwe kusere mu ufumu waku Chiuta.

2 ŴaKorinte 13:5

Mujese, vinu mwe ŵakukoleze chivwanu cho mujirozge mwaŵeni. Pamwenga kumbi mureka kujiziŵiya, kuti Yesu Kristu we mwinu? Vinu kokuli mwe ŵakupatika.

ŴaGalatia 2:20

Pamoza ndi Kristu ndapayikika; kweni nde wamoyo; kweni ine so cha, kweni ndi Kristu yo waja wamoyo mwangu: ndipo umoyo wo ndijariya sono mu liŵavu, ndiujariya mu chivwanu cha mu Mwana yo waku Chiuta, yo wangundanja, ndi wangujipereka pa chifukwa chaku ine.

ŴaEfeso 3:17

kuti Kristu wajariye ndi chivwanu mu mitima yinu; alinga kuti, pakumererwa ndi kupandika mu chanju,

ŴaFilipi 1:11

pakuzazika ndi vipasi vya urunji, vyamwaku Yesu Kristu, ku unkhankhu ndi rumbu laku Chiuta.

ŴaKolose 1:23

asani nadi mujaririya mu chivwanu, ŵakukhazikika ndi ŵakukho, ŵakudezukako cha ku chigomekezgu cha evangeli wo mwavwa, ŵeniwo so ŵataulikiya mu ulengi wose wa pasi pa kuchanya; waku ŵeniwo ine nda Paulo ndaŵiya mteŵeti.

ŴaKolose 1:27

Kwaku ŵeniwo Chiuta wangukhumba kuvumburiya cho mbusambasi wa unkhankhu wa mangari gho mu ŵaMitundu, ghenigho mwaku imwe ndi Kristu, chigomekezgu cha unkhankhu.

ŴaKolose 2:6

Viyo uli ndimo mungurondere Kristu Yesu Ambuya, ndimo mujariyenge mwaku iyo,

1 ŴaTesalonika 3:5

Chifukwa chenichi ine nane, pakuziŵa kukunthiyapo so cha, ndingumutuma mwakuti ndiziŵe chivwanu chinu, vinu kokuli wakwesa yo wakwesani, ndi kuti mlimu widu waŵa wawaka.

ŴaHebere 10:39

Kweni ifwe kuti te ŵakuwele vuli cha ku wanangiku, kweni ŵa chivwanu ku utaski wa mzimu.

1 Yohane 2:6

yo watiti waja mwaku iyo, nayo so watenere kwenda, uli ndimo wangwende Yuwa.

2 Yohane 1:9

Yose yo wajumphapo ndi mgwambura kukaririya mu chisambizgu cho, chaku Kristu, walivi Chiuta: yo wajaririya muchisambizgu cho mweniyo we ndi Dada ndi Mwana viyo.