Yohane 15:10 - Tonga Bible 1986

¹⁰ Asani musunga marangu ghangu, mujariryenge mu chanju changu; ngendimo ine ndasungiya marangu gha Ada, ndipo ndijaririya mu chanju chawo.

Yohane 15:10 Iomraidhean Croise

2 Samuele 22:22

Pakuti ndasunga nthowa za Ambuya, ndi kuti ndachita uheni kutuwako kwaku Chiuta wangu cha.

2 ŴaKaronga 18:6

Pakuti iyo wangumeremete ukongwa ku Ambuya, wengavi kutuwako kukulondo iwo, kweni wangusunga marangu gho Ambuya angulanguliya Mosese.

Chituwa 7:6

Ndipo Mosese ndi Aroni ŵanguchitadi viyo; ŵanguchita uli ndimo Ambuya anguŵalanguliya.

Yesaya 50:5

Ambuya Chiuta ajura gutu langu, ndipo kuti ndingugaruka cha, kuti ndingung'anamukiya kuvuli cha.

Yohane 10:18

Palive yumoza wati wukwamphuwa kwaku ine, kweni ndiwuŵika pasi ine ndameni. Mtufu nde nawo kwachiwuŵika pasi, ndipo nde ndimtufu kwachiwuto so. Langulu lenili ndinguronde ku Ada.”

Yohane 12:49

Chifukwa ine kuti ndajirongorore gha paku ndija cha; kweni Dada wakundituma, ndiyo wandilanguliya cho ndikambenge, ndi cho ndirongoronge.

Yohane 14:15

“Asani mutindanja, musungenge marangu ghangu.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Yohane 14:23

Yesu wangwamuka, wangumnene, “Asani yumoza watindanja, wasungenge mazu ghangu, ndipo Ada ŵamwanjenge, tizenge kwaku iyo, ndipo tijichitiyenge uja pamoza nayo.

Yohane 14:31

kweni alinga kuti charu cho chiziŵe kuti nditanja Dada, ndicho chifukwa ndichita vyose nge ndimo watindilanguliya. Yukani, tituwepo panu.

Yohane 17:4

Ine ndarongo unkhankhu winu panupasi; mwakuti ndafiska nchitu yo mungundipaska kwachichita.

Yohane 4:34

Yesu wanguŵanene, “Chakurgha changu nchakuti ndichitenge khumbo la wakundituma yo, ndi kuti ndifiske mlimu wake.

Yohane 8:29

Ndipo Wakundituma yo we nane pamoza; kuti wandijowo Ndija cha; pakuti nyengo zose ndichita cho chitumkondweska.”

Yohane 8:55

ndipo kuti mwaŵaziŵa cha; kweni ine ndituŵaziŵa, asani ndinganena kuti ndirive kuŵaziŵa ndiŵenge wakukozgana ndi imwe, mutesi, kweni ndituŵaziŵa, ndipo ndisunga mazu ghawo.

1 ŴaKorinte 7:19

Mchinju wo kuti nkhanthu cha, ndipo uwuramchinju kuti nkhanthu cha; kweni kusunga marangu ghaku Chiuta ndiko.

1 ŴaTesalonika 4:1

Viyo pakumariya, mwa ŵabali, tiŵeyere ndipo tichiskiya imwe mu Ambuya Yesu, kuti, uli ndimo munguvwiya kwaku ifwe mo mutenere kujariya ndi kukondweske Chiuta, uli ndimo so muchitiya, murutiriyenge kwakukiyakiya.

ŴaHebere 7:26

Chifukwa tingukavuka mzukuru mura waviyo, wakupaturika, mzizimu, mziraukazuzi, wakugaukako ku ŵalakwi, wakutumphulika kuchanyako ku machanya;

2 Petro 2:21

Chifukwa kwenga kwamamphaku kwaku wo kuura kuyiziŵiska nthowa yo ya urunji, kwakuruska kuti, ŵati ŵayiziŵa, ŵanyongokeko ku dangu lakupaturika lo, lakuperekeka kwaku wo.

1 Yohane 2:3

Ndipo mwaku chenichi tiziŵa kuti timziŵa iyo, asani tisunga marangu ghake.

1 Yohane 2:5

kweni mweniyo yose wasunga mazu ghake, nadidi mwaku iyo chanju chaku Chiuta chifiskika. Mwaku chenichi tiziŵiska kuti te mwaku iyo;

1 Yohane 2:6

yo watiti waja mwaku iyo, nayo so watenere kwenda, uli ndimo wangwende Yuwa.

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

Chivumbuzi 22:14

Mbakutumbikika wo ŵasuka minjirira yawo, viyo kuti ŵaŵenge ndi mtufu pa muti wo wa umoyo, ndi kuti pamalikomo ŵaserenge kuya mu msumba wo.