Yohane 13:4 - Tonga Bible 1986

⁴ Wangusoka pa gome ndi wangukhumuwa minjirira yake; ndipo wanguti wato chakuleske, wangujichinyiya.

Yohane 13:4 Iomraidhean Croise

2 ŴaKaronga 3:11

Ndipo Yehosafati wanguti, “Kumbi palivi mchimi wa Ambuya pano, mwaku mweniyo tingafumbiya ku Ambuya?” Sono yumoza wa ŵateŵeti ŵa karonga waku Yisraele wangwamuka, “Elisha mwana waku Shafati we pano, mweniyo wangudira maji mu manja ghaku Eliya.”

Luka 12:37

Mbamwaŵi ŵaŵanda yaŵa ŵeniwo mbuya yo, wakuti waza, waŵasaniyenge mbakukhazga; nadidi ndikuneniyani, kuti wajichinyiyenge ndi waŵajarikenge pa kurgha, ndi wazamkuŵamiriya.

Luka 17:7

“Kweni njani mwaku imwe, wakuŵa ndi muŵanda wakukusa pamwenga wakuliska, mweniyo wamuneniyenge, wachisere kutuwa ku munda, ‘Yiza ruŵi, ja pasi pa kurgha;’

Luka 17:8

kweni ukongwa asi wamuneniyenge, ‘Rongoso chenicho ndirghenge, ndipo, wati wajichinyiya, nditeŵete mpaka ndargha ndi ndamwa; ndipo pavuli po urghenge ndi umwenge iwe’?

Luka 22:27

Chifukwa mraku njani, wakuja pa kurgha, pamwenga wakuteŵeta? Asi ndiyo waja pa kurgha? Kweni ine nde mukati mwinu uli ngwakuteŵeta.

Yohane 13:12

Viyo penipo wangusambiska marundi ghawo, wati wavwara minjirira yake, ndi kuja so pasi, wanguŵafumba, “Kumbi muzuŵa cho ndakuchitiyani?

2 ŴaKorinte 8:9

Chifukwa muziŵa wezi wo wa Ambuyafwe Yesu Kristu, kuti, pakuŵa msambasi, pa chifukwa chinu wangukavuka, alinga kuti imwe ndi ukavu wake musambaskike.

1 Yohane 3:11

Pakuti wenuwu mbuthenga wo, weniwo mwavwa kutuwa ku mtendeku, kuti tanjane: