Yohane 12:8 - Tonga Bible 1986

⁸ Chifukwa mwe nawo ŵakavu pamoza namwe nyengo zose; kweni kuti mwe ndi ine nyengo zose cha.”

Yohane 12:8 Iomraidhean Croise

Sumu ya Zisumu 5:6

Ndingumujuriyako nkhwanjiwa wangu, kweni nkhwanjiwa wangu wangutuwapo wanguruta. Nthazi za mzimu wangu zingugururuka wachirongoro. Ndingumupenja, kweni ndengavi kumusaniya; ndingumudana, kweni kuti wangumuka cha.

Mateyu 26:11

Chifukwa nyengo zose mwe nawo ŵakavu pamoza namwe; kweni kuti mwe ndi ine nyengo zose cha.

Marko 14:7

Pakuti nyengo zose mwe nawo ŵakavu pamoza namwe, ndipo penipo pose mukhumbiya muziŵa kuŵachitiya umampha; kweni kuti mwe ndi ine nyengo zose cha.

Yohane 12:35

Wanguŵanene Yesu, “Nyengo yimanavi Kungweruka kweche mukati mwinu. Mwendenge mweche nako kungweruka, winu mdima ungamsaniyani; pakuti wakwenda mu mdima kuti waziŵa ko watiya cha.

Yohane 13:33

Mwatwana mwe, kanyengo kamanavi ndeche namwe pamoza. Mundilembenge; ndipo nge ndimo ndiguŵanene ŵaYuda, viyo sono nako ndinene imwe, ‘Kweniko ine nditiya kuti muziŵa kuzako imwe cha’

Yohane 8:21

Wanguŵanene so, “Ine ndiruta, ndipo mundilembenge, mufwenge mu ulakwi winu: kweniko ndita, kuti muziŵa kuzako imwe cha.”

Marangu 15:11

Chifukwa ŵakavu kuti ŵamarenge cha mu charu, viyo ndimulanguliyani kuti mumujuliye janja linu mbali winu, wakusauka ndi mukavu, mu charu.