Yohane 10:4 - Tonga Bible 1986

⁴ Penipo watuzga zose, waruta paurongo paku zo, ndipo mberere zimrondo; pakuti ziziŵa liu lake.

Yohane 10:4 Iomraidhean Croise

Sumu ya Zisumu 2:8

Mazu gha wakwanjiwa wangu! Ehe, watuza, wawuluka-wuluka pa mapiri, wajitika pachanya pa mitunthu.

Sumu ya Zisumu 5:2

Ndingugona, kweni mtima wangu wenga maso. Avwani! Nkhwanjiwa wangu wagong'oska. “Ndijuliyeko, mzichi wangu, chanju changu, nkhunda yangu, wambura kalema wangu; pakuti mutu wangu wazumba ndi dungwi, sisilangu ndi manthoni gha usiku.”

Mateyu 16:24

Yesu wanguŵanene ŵasambizi ŵake, “Asani yumoza wakhumba kuza kuvuli kwangu, wajikanizge, wato mphinjika yake, ndi wandirondo.

Yohane 10:16

Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Yohane 10:3

Wakusunga pa khomo watimujuriyako iyo; ndipo mberere zo zituvwa liu lake wachizidana mazina mberere zapa mtima wake; ndipo watizirongozge kubwaro.

Yohane 10:5

Kweni mlendo kuti zimrondonge cha, zimthaŵenge: pakuti liu la ŵalendo kuti ziziŵa cha.”

Yohane 10:8

Wose wo ŵanguza paurongo pangu mbankhungu ndi ŵakuphanga; ndipo mberere kuti zinguŵavwa cha.

Yohane 12:26

asani yumoza watinditeŵete, wandirondonge; ndipo ko nde ine, kweniko waŵenge mteŵete wangu nayo: asani yumoza watinditeŵete, Ada amrumbenge.

Yohane 13:15

Chifukwa ndakupaskani chandiru, alinga kuti nge ndimo ine ndachitiya imwe, namwe so muchitenge.

Yohane 18:37

Viyo Pilato wangunena nayo, “Kumbi ndiwe karonga na?” Yesu wangwamuka, “Iwe utiti ndine karonga. Ine ndapapika ndipo ndaza mu charu pachifukwa chenichi pe, alinga kuti ndisimikizge uneneska. Yose yo ngwa uneneska watuvwa liu langu.”

Yohane 3:29

Yo ngwakuŵa ndi mwali ndi mweni-nthengwa: kweni bwezi la mweni-nthengwa, lo litumapo ndi kumuvwa, limwemwete ukongwa chifukwa cha liu la mweninthengwa yo: chifukwa chenichi chimwemwe changu chifiskika.

1 ŴaKorinte 11:1

Muŵe ŵakwezga ine mo ine nane nditezge Kristu.

ŴaEfeso 5:1

Viyo muŵe ŵakumwezga Chiuta, uli mbana ŵakwanjiwa;

Marangu 1:30

Ambuya Chiuta winu wakudanjiriyani ndiyo wamukukurwiyani, kwakulingana ndi vyose vyo wangumuchitiyani mu Egipiti pa maso pinu.

ŴaHebere 12:2

ŵakumthoŵa Yesu jandu ndi mfiski wa chivwanu chidu, mweniyo, chifukwa cha chimwemwe chakujarikika paurongo pake, wanguyizizimizgiyapo mphinjika, ndi kuyuyuwa lilengu lake, ndipo sono waja pasi ku marghe gha chitengu cha ufumu chaku Chiuta.

ŴaHebere 6:20

mwenimo uli ndi mdanjizgi waserere pa chifwa chaku ifwe Yesu, yo waŵiya ku muyaya Mzukuru Mura mwa ndondomeku yaku Melkizedeke.

1 Petro 2:21

Chifukwa kwaku chenichi mungudanikiya; pakuti Kristu nayo wangukomwa chifukwa chinu, ndipo wamsiyiyani chandiru, kuti mundondoloskemo mu menderu ghake.

1 Petro 4:1

Viyo mwakuti Kristu wangukomwe mu liŵavu, namwe so jiphatiyeni ndi kapimidu keniko ndiko (pakuti mweniyo wakomwa mu liŵavu warekeko ku ulakwi);

1 Petro 5:3

uli mbakutufuliya vigaŵa vinu nako cha, kweni pakuŵa vikozgu vya ku mskambu wo.