Yohane 10:16 - Tonga Bible 1986

¹⁶ Ndipo nde nazo mberere zinyake, zo kuti ze za likutu lenili cha; zenizo nazo ine ndizitonge ndipo zivwenge liu langu. Viyo ziŵenge mskambu umoza, mliska yumoza.

Yohane 10:16 Iomraidhean Croise

Chiyambo 49:10

Nthonga ya ufumu kuti yikatuwangako kwaku Yuda cha, chingana ndi nthonga ya mweruzgi kutuwa pakati pa malundi ghake, mpaka wazi mweneko waku yo: ndipo kwaku iyo kwamkuŵa muvwiyu wa ŵanthu.

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

Wakutaula 12:11

Kukamba kwa wazeru kwenge ndi mivwi yakurasa, mazu ghakusankhika gho ghakuperekeka ndi mliska yumoza ghe nge ndi mzumali yakukhomeka ndi nthazi.

Yesaya 11:10

Mu zuŵa liya msisi waku Jese ukamanga nge nchiziŵisku ku ŵanthu, iyo ndiyo mitundu yikapenjanga: ndipo mwakuja mwake mukaŵanga mwaunkhankhu.

Yesaya 43:6

Ndikakambiyanga nkhonde, ‘Pereka,’ ndi ku malaŵi, ‘Ungakaniliyanga cha;’ wawezge ŵana ŵangu ŵanthurumi kutuwa kutali ndi ŵana ŵangu ŵanthukazi kutuwa kuchigoti cha charu chapasi,

Yesaya 49:6

Iyo watiti: “Nkhanthu kayuyu ukongwa kuti iwe uŵe mteŵeti wangu kuyuska mitundu yaku Yakobe kuwerezgiyapo wakuvikirika waku Yisraele; ndikakupaskanga iwe nge ndi lumbuni ku mitundu, mwakuti utaski wangu ufike ku chigoti cha charu chapasi.”

Yesaya 52:10

Ambuya arongo pakweru janja lawo pa maso gha mitundu yose; ndipo vigoti vyose vya charu chapasi vikawonanga utaski waku Chiuta widu.

Yesaya 56:8

Viyo atiti Ambuya Chiuta, mweniyo wawunjika ŵakutayika ŵaku Yisraele, ndikawunjikanga mbwenu ŵanyake kwaku iyo pade paku wo ŵakuwunjikika kale.”

Ezekiele 34:12

Mo mliska wapenje mskambu wake asani zinyake mberere zake zaparghang'ikiya kutali, viyo ndimu ndikapenjiyanga mberere zangu; ndipo ndikazitaskanga mu malo ghose mo zikuparghang'ikiya pa zuŵa la mitambo ndi la munkhorwe.

Ezekiele 34:23

Ndikamikanga pachanya pawo mliska yumoza, mteŵeti wangu Davidi, ndipo wakaziliskanga: wakaziliskanga ndi kuŵa mliska wawo.

Ezekiele 34:6

Mberere zangu zinguparghang'ika, zingurandiya mu mapiri ghose ndimu mitunthu yose; mberere zangu zingumbininikiya uku ndi uku mu charu chose chapasi, ndipo kwengavi nanga njumoza wakuzirondo pamwenga kuzipenja.

Ezekiele 37:22

ndipo ndikaŵasanduskanga mtundu umoza mu charu, pachanya pa mapiri ghaku Yisraele; karonga yumoza ndiyo wakaŵanga karonga waku wose; kuti ŵakaŵanga mitundu yiŵi cha, nanga nkhuti ŵakagaŵikananga kuŵa maufumu ghaŵi nako so cha.

Ezekiele 37:24

“Mteŵeti wangu Davidi wakaŵanga karonga wawo; ndipo wose ŵakaŵanga ndi mliska yumoza. Ŵakarondonga malangulu ghangu ndi kuphwere virunguchizgu vyangu.

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Zekariya 2:11

Ndipo mitundu yinandi yiwunganenge kwa Ambuya mu zuŵa lo, ndipo ŵakaŵanga ŵanthu ŵangu; Ine ndijenge mukati mwako, ndipo uziŵenge kuti Ambuya ŵa maŵanja andituma kwako.

Mateyu 17:5

Wacharongoro iyo, wonani, mtambo wakuŵara unguŵabenekere: ndipo mazu ghakutuwa ku mtambo wo, ghenga ghakuti, “Mwenuyu ndi Mwana wangu, wakwanjiwa, mwaku mweniyo ndikondwere; muvweni iyo.”

Luka 15:8

“Pamwenga njani munthukazi wakuŵa ndi ndrama chumi, yo asani wangataya ndrama yimoza, wareka kukozga limbuni, ndi kupeya nyumba yo, ndi kupenja wenguwengu, mpaka wangayibowozga?

Yohane 10:11

Ine ndine nliska mweneko; mliska mweneko waŵikiya pasi umoyo wake chifukwa cha mberere.

Yohane 10:2

Kweni wakuserere pa khomo ndi mliska wa mberere.

Yohane 10:27

Mberere zangu zituvwa liu langu, ine nditiziziŵa, ndipo zitindirondo;

Yohane 10:3

Wakusunga pa khomo watimujuriyako iyo; ndipo mberere zo zituvwa liu lake wachizidana mazina mberere zapa mtima wake; ndipo watizirongozge kubwaro.

Yohane 10:4

Penipo watuzga zose, waruta paurongo paku zo, ndipo mberere zimrondo; pakuti ziziŵa liu lake.

Yohane 10:5

Kweni mlendo kuti zimrondonge cha, zimthaŵenge: pakuti liu la ŵalendo kuti ziziŵa cha.”

Yohane 11:52

Inya pa chifwa cha mtundu wo pe cha, kweni alinga kuti ŵana ŵaku Chiuta ŵakumwaranika waŵaungang'e mu liŵavu limoza.

Yohane 17:20

“Ndipo kuti ndirombe iwo pe cha, kweni ŵeniwo so ŵavwaniya mwangu chifukwa cha mazu ghawo;

Yohane 6:37

Yose yo atindipaska Ada wazenge kwaku ine; ndipo yo watuza kwaku ine kuti nkhamdikanga cha.

Machitidu gha Ŵakutumika 15:14

Simoni wakonkhoma mo Chiuta pa mtendeku wangulereske mu ŵaMitundu kwachitole zina lake khamu.

Machitidu gha Ŵakutumika 18:10

chifukwa ine nde nawe pamoza, ndipo paŵengevi yumoza wakudumiyenge kukuchitiya uheni, chifukwa nde nalo khamu likuru mu msumba uwu.”

Machitidu gha Ŵakutumika 22:14

Ndipo iyo wanguti, ‘Chiuta yo wa auskefwe wakutondo iwe kuziŵa khumbo lake, ndi kuwona Murunji yo, ndi kuvwa liu lakutuwa ku mlomo wake.

ŴaRoma 11:25

Chifukwa, mwa ŵabali, kuti ndikhumba mureke kuziŵa mangari yagha cha (vinu mungaŵa ŵakujirumba), ghakuti chinononu chawiya Yisraele yo ku rwandi,

2 ŴaTesalonika 2:13

Kweni titenere ifwe kumwonga Chiuta nyengo zose pa chifukwa chinu, mwa ŵabali ŵakwanjika ndi Mbuya, pakuti Chiuta wakumusankhani pa mteneku kuti mutaskike, mukuphotoreka ndi Mzimu ndi mu chivwanu chamu uneneska.

ŴaHebere 13:20

Ndipo Chiuta iyo wa chimangu, mweniyo wangumyuska ku ŵakufwa Mliska yo Mura wa mberere mu ndopa za chipanganu chamuyaya, ndiyo Ambuyafwe Yesu,

1 Petro 2:10

imwe mwaŵenimwe kali kuti mwenga khamu so cha, kweni sono mwe khamu laku Chiuta; mwaŵenimwe mwengavi kuchitikiya lisingu, kweni sono mwachitikiya lisungu.

1 Petro 2:25

Chifukwa mwenga nge ndi mberere zakuranda; kweni sono mwanyongoke ku Mliska yo ndi Mlereze wa mauzima ghinu.

1 Petro 5:4

Ndipo wachirongoleka Mliska mura yo, mwamronde ndumbu yambura mafoteka ya unkhankhu.

Chivumbuzi 3:20

Awona, ndama pa khomu ndipo ndigong'oska: asani munthu watuvwa mazu ghangu, ndi wajura ku khomu, ndiserenge kwaku iyo, ndirghenge pamoza nayo, ndi iyo pamoza nane.