Yohane 10:10 - Tonga Bible 1986

¹⁰ Munkhungu yo waziyamo kuti, wabe, wabaye, ndi wanange: ine ndinguza kuti ŵaŵe ndi umoyo, ndikuti ŵaŵe nawo kwakuzungura.

Yohane 10:10 Iomraidhean Croise

Yesaya 56:11

Ŵagaru ŵendi nja yanthazi; kuti ŵagutapo nanga nkhamoza cha. Waliska nawo ŵalivi zeru; wose ŵawere ku nthowa yapa mtima wawo, we yose ku kwanduwa kwake wose pamoza.

Hoseya 7:1

ndi kuchizga Yisraele, uheni waku Efraimu uvumbukwa ndi so milimu yiheni ya Samaria; pakuti ŵachita kwautesi, munkhungu wasere, ndi wakuphanga waphanga kubwalo.

Mateyu 18:10

“Cheŵani kuti mungayuyuwa kamoza ka tumana to cha; chifukwa ndinene imwe, kuti nyengo zose ŵangelo ŵawo ŵakuchanya ŵalereska chisku cha Ada ŵakuchanya. [

Mateyu 18:11

Chifukwa Mwana wa munthu wakuza kuzachitaska chakutayika.]

Mateyu 20:28

ulaka ndimo Mwana wa munthu kuti wanguziya kwachiteŵeteke cha, kweni kwachiteŵete ndi kupereka umoyo wake thumba lapa ŵanandi.”

Mateyu 21:13

Ndipo wanguŵanene, “Kwalembeka, ‘Nyumba yangu yidanikenge nyumba ya kuromba’: kweni imwe mwayisanduska mphanji ya ŵakupoka.”

Mateyu 23:13

“Kweni owe kwaku imwe, mwa ŵalembi mwa ŵaFarisi, mwaŵakufuvya! Pakuti mujariya ŵanthu ufumu wakuchanya; chifukwa mwaŵeni kuti museremo cha, chingana nkhuti muŵazomerezga akusere kuseremo cha. [

Marko 11:17

Ndipo wasambizganga, ndi wangunena nawo, “Asi kwalembeka, ‘Nyumba yangu yikazumbulikanga nyumba yakusopiyamo ya mitundu yose?’ Kweni imwe mwayisanduska mphanji ya ŵakupoka.”

Luka 19:10

Chifukwa Mwana wa munthu wakuziya kwachipenja ndi kwachitaska chakutayika cho.”

Yohane 10:1

“Nadi, nadi ndikuneneskiyani, yo wareka kuserere pa khomo mu likutu la mberere, kweni wakwere kunyake, mweniyo ndi munkhungu ndi wakuphananga.

Yohane 10:11

Ine ndine nliska mweneko; mliska mweneko waŵikiya pasi umoyo wake chifukwa cha mberere.

Yohane 12:47

Ndipo asani yumoza wangavwa mazu ghangu, ndi wareka kughasunga, ine kuti nditumweruzga cha; chifukwa kuti ndinguziya kuti nderuzge charu cha, kweni kuti ndichitaske charu.

Yohane 12:6

Wangukamba ichi pa chifukwa chakuphwere ŵakavu cha; kweni chifukwa wenga munkhungu, ndipo pakuŵa wakusunga chikwama, wajitoliyanga vyo vya ŵikikangamo.

Yohane 3:17

Chifukwa Chiuta wengavi kumtuma Mwana wake mu charu, kuti weruzge charu; kweni kuti charu chitaskikiye mwaku iyo.

Yohane 5:40

kweni kuti mukhumba kuza kwaku ine cha, mwakuti muŵe umoyo.

Yohane 6:33

Chifukwa chiŵande chaku Chiuta nchenicho chasika kuchanya, ndi kupaska umoyo ku charu.”

Yohane 6:51

Ine ndine Chiŵande chamoyo, cho chasoromoka kuchanya: asani yumoza wangarghapo chiŵande chenichi, wajaririyenge wamoyo ku muyaya: ndipo chiŵande nacho cho ine ndipaskenge pa chifwa cha umoyo wa charu ndi liŵavu langu.”

ŴaRoma 2:21

viyo wa wakusambizga munyake, asi ujisambizga wamweni? Wa wakumemeza kuba cha, kumbi iwe utuba?

1 Timote 1:15

Ndamagomekezgeka nenedu lo, ndipo ndakwenere kurondeka kose, lakuti Kristu Yesu wanguza mu charu kwachitaska ŵalakwi; waku ŵeniwo chiŵinda ndine;

ŴaHebere 6:17

Nako viyo chiuta, pakukhumba kurongole limu ku ŵakulihara phanganu uwura masinthika wa chipangu chake, wangudumulizgamo ndi rapu:

ŴaHebere 7:25

Viyo ndimo ngwanthazi kukutaskiya kose limu wo ŵatuziya kwaku Chiuta mwaku iyo, pakuŵa wamoyo nyengo zose kwachiŵeyere pa chifwa chawo.

2 Petro 1:11

chifukwa viyo kakuskikiyengeko kwaku imwe kwakusambasa kasereredu kamu ufumu wamuyaya wa Ambuyafwe ndi mtaski Yesu Kristu.