Yohane 1:3 - Tonga Bible 1986

³ Vyose vingulengeke mwaku iyo; ndipo kwambura iyo kuti kangulengeka cha chingana nkhanthu kamoza ko kaŵapo.

Yohane 1:3 Iomraidhean Croise

Chiyambo 1:1

Mu chiyambo Chiuta wangulenga kuchanya ndi charu chapasi.

Chiyambo 1:26

Ndipo Chiuta wanguti, “Tiyeni tilenge munthu mu chikozgu chidu, wakukozgana nafwe; ndipo watufuliye somba zamu nyanja ndi viyuni vya mude, ndi ng'ombe ndi pa charu chose chapasi; ndi pa chakukwaŵa chose cho chikwaŵa pa charu chapasi.”

Sumu 102:25

Charu chapasi mukuchilenga mwaka ukongwa, ndipo ndi manja ghinu mungwata machanya.

Sumu 33:6

Pa mazu gha Ambuya machanya ghanguchitika, ndipo ndi mvuchi wa mlomo wawo maliŵanja ghake ghose ghanguŵapo.

Nthanthi 8:30

penipo ndenga pamoza nawo, uli ndi kapitawo wa nchitu; ndipo zuŵa ndi zuŵa ndenga likondwa lawo, wakukondwere paurongo pawo nyengo zose,

Yesaya 45:12

Ndinguchita charu chapasi, ndipo ndingulenga munthu paku cho; ndi manja ghenigho ghangutambaruwa machanya, ndipo ndingulangula maŵanja ghawo ghose.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Yohane 1:10

Wenga mu charu, charu chingwatika ndi iyo, kweni charu chengavi kumziŵa.

Yohane 1:2

Mweniyo wenga mu mtendeku kwaku Chiuta.

1 ŴaKorinte 8:6

kweni kwaku ifwe walipo Chiuta yumoza pe, Ada, kutuliya kwaku mweniyo kwe vyose ndi mwaku mweniyo tose tijariya Mbuya yumoza, Yesu Kristu mwaku mweniyo mwe vyose, ndi ifwe mwaku iyo.

ŴaEfeso 3:9

ndi kuŵangweruskiya wose mo uliri uteŵeti wa mangari ghenigho kutuwa ku muyaya ghabisika mwaku Chiuta Mlengi wa vinthu vyose;

ŴaHebere 11:3

Ndi chivwanu titeska kuti vyaru vyo vyachitika ndimazu ghaku Chiuta, viyo kuti cho chiwoneka chirive kuŵapo kutuwa ku vyakuwoneka.

1 Yohane 5:1

Yose wakuvwana kuti Yesu ndiyo Kristu, wapapika kwaku Chiuta: ndipo yose wakumwanja wakupapa yo, watanja yo so ngwakupapika kwaku iyo.

Chivumbuzi 3:14

“Ku mungelo yo wa mpingu wamu Laodikea lembapo: ‘Vyenivi watiti Ameni yo, kaboni wamogomekezgeka ndi wakuneneska, Chandu wa ulengi waku Chiuta.

Chivumbuzi 4:11

“Wakwenere ndimwe, Ambuyafwe Chiuta widu, kuvironde, unkhankhu, rumbu ndi nthazi: pakuti imwe munguvilenga vyose, ndipo chifukwa cha khumbu linu vinguŵako, ndipo vingwatika.”