Yohane 1:11 - Tonga Bible 1986

¹¹ Wanguza ku ŵake, ndipo wo ŵake kuti ŵangumronde cha.

Yohane 1:11 Iomraidhean Croise

Mateyu 15:24

Kweni wakwamuka iyo wanguti, “Ndikutumikiya ku mberere zakutayika za nyumba yaku Yisraele pe.”

Luka 19:14

Kweni ŵamumuzi wake ŵamtinkhanga ndipo ŵangutuma nthumi muvuli mwake, ŵakunena, ‘Kuti tikhumba uyu kuwusiya paku ifwe cha.’

Yohane 1:10

Wenga mu charu, charu chingwatika ndi iyo, kweni charu chengavi kumziŵa.

Yohane 1:12

Kweni wose wo ŵangumronde ŵakuvwaniya mu zina lake wanguŵapaska mtufu wakwachiŵiya ŵana ŵaku Chiuta;

Yohane 19:27

Sono watiti ku msambizi yo, “Awona, anyoko wo!” Ndipo kutuwa ku ora liya msambizi yo wanguŵatole ku nyumba yake.

Yohane 3:32

Wapanikizga chenicho wawona ndi wavwa, kweni chipanikizga chake kuti waronde yumoza cha.

Machitidu gha Ŵakutumika 13:26

“Mwaŵanthu, mwa ŵabali, mwaŵana ŵa mphapu yaku Abrahamu, ndi ŵamwinu ŵakumopa Chiuta, kwaku ifwe ghatumika mazu gha utaski wenuwu.

Machitidu gha Ŵakutumika 13:46

Kweni Paulo ndi Barnaba ŵangugangiya, kuti “Kungwenere kuti mazu ghaku Chiuta ghakambike danga kwaku imwe. Kweni imwe mutighapata ndipo mujesa ŵambura kwenere umoyo wo wamuyaya, awonani, ting'anamukiya ku Mitundu yo.

Machitidu gha Ŵakutumika 21:6

Ndipo tingusere mu ngaraŵa ifwe, kweni iwo ŵanguwere kwawo.

ŴaRoma 15:8

Chifukwa ndititi, Kristu wachitika mteŵeti wa mchinju chifukwa cha uneneska waku Chiuta, kuti wakhozge mapanganu ghakupaskika ku ŵambuyafwe,

ŴaRoma 9:1

Ndineneska mwaku Kristu (kuti ndipusika cha; njuŵi zangu zisimikizgiya pamoza nane mu Mzimu Wakupaturika),

ŴaRoma 9:5

ŵeniwo mbaseku, ndi mwaku ŵeniwo uli nkhu liŵavu wanguziya Kristu, yo we pachanya paku wose, Chiuta wakutumbikika muyaya. Ameni.

ŴaGalatia 4:4

kweni yati yaza nyengo yakufiskika, Chiuta wangutuma Mwana wake, wakupapika ndi munthukazi, wakuwiya pasi pa langulu,