Yoele 3:4 - Tonga Bible 1986

⁴ “Mwe ayani imwe kwaku ine, imwe Turo ndi Sidoni, ndi mphaka zose za ŵaFilisti? Kumbi mutindiwezge thayu? Asani mutindiwezge thayu ruŵi ndiwezgenge thayu linu, pa mutu winu.

Yoele 3:4 Iomraidhean Croise

2 Mikoka 21:16

Ndipo Chiuta wangumyuskiya Yehoramu ndewu ndi ŵaFilisti ndi ŵaArabu wo ŵenga pafupi ndi ŵaEtiopia;

Yesaya 14:29

“Mungakondwanga cha mwa ŵaFilisti imwe, kuti ndodo yo yingukukosoni yafyoka, pakuti kutuwa ku msisi wanjoka kukatuwanga chipi ndipo chipasi chake chikaŵanga njoka yakuphururuka.

Yesaya 34:8

Pakuti Ambuya ŵendi zuŵa la thayu, chirimika cha chilangu chifukwa cha Zioni.

Yesaya 59:18

Kwakulingana ndi nchitu zawo, ndimu ŵakaŵawezgiyanga, ukari ku ŵakupindikana ŵake, kuwezge thayu ku ŵamawongo ŵake; ku vyaru vya mu malikumba gha nyanja wakawezgiyanga nduzga.

Yeremiya 47:1

Mazu gha Ambuya ghanguza kwaku Yeremiya mchimi ghapa ŵaFilisti, Farao wenga wandakoso Gaza.

Yeremiya 47:4

chifukwa cha zuŵa lenilo likazanga kuzachiphwanya ŵaFilisti wose, kuŵadumuwa mu Turo ndi Sidoni wakovya yose yo wakujamo. Pakuti Ambuya ŵaphwanya ŵaFilisti; ŵakusiyikamo mu charu cha likumba laku Kafatori.

Yeremiya 51:6

“Thaŵanimo mu Babiloni, munthu yose wataske umoyo wake! Rekani kudumulika mu kulanga kwake, pakuti iyi ndi nyengo ya thayu la Ambuya, thayu lo atimuchitiya.

Yoele 2:10

Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Mateyu 11:21

“Owe, Korazine we! Owe Betesaida we! Pakuti ne mu Turo ndi Sidoni vinguchitikamo vyanthazi vyakuchitika mwinu, mphanyi mu chigudulu ndi choto ŵakung'anamuka kali.

Mateyu 11:22

Kweni ndikuneniyani, mu zuŵa la cheruzgu kuŵiyenge Turo ndi Sidoni kwamakunthirikako kwakuruska kwaku imwe.

Luka 10:13

“Owe, nawe, Korazine! Owe nawe, Betesaida! Pakuti asani milimu yanthazi yo yachitika mwako yinguchitika mu Turo ndi Sidoni, mphanyi ŵangung'anamuka mwaka, ŵakuja mu chisusu ndi choto.

Luka 10:14

Kweni kuŵiyenge kwamakunthirikaku mu cheruzgu cho ku Turo ndi Sidoni, kwakuruska kwaku imwe.

Luka 18:7

Ndipo asi Chiuta wangaŵachitiya utaski ŵakusankhika ŵake, wo ŵabongore kwaku iyo msana ndi usiku, kumbi wakunthiyengepo ŵaka paku iwo?

Machitidu gha Ŵakutumika 9:4

Ndipo wati wawa pasi wanguvwa liu lakukamba nayo, “Saulo, Saulo, chifukwa chine utindiŵemba ine?”

Marangu 32:35

Thayu ndangu, ndi kuwerezgiyapo, kwa nyengo penipo rundi lawo likateremukanga, pakuti zuŵa la soka lawo laŵandika, ndipo kubwanganduka kwawo kutuza ruŵi.

2 ŴaTesalonika 1:6

nadi nkhwakurunjika paurongo paku Chiuta kuwerezgeyapo suzgu kwaku ŵeniwo ŵatikusuzgani,

Ŵeruzgi 11:12

Pavuli Jefta wangutuma mathenga ku karonga wa Amoni, wanguti, “Wenane ndi chifukwa uli, pakuti waza kwangu kurwana ndi charu changu?”