Yoele 3:2 - Tonga Bible 1986

² ndiunjikenge mitundu yose, ndisikiyenge nayo ku dambo laku Yehoshafati, ndilimbana nayo chifukwa cha, ŵakusankhika ŵangu ŵaYisraele, wo ŵambininiskika mukati mu mitundu, ndi kugaŵana charu changu,

Yoele 3:2 Iomraidhean Croise

2 Mikoka 20:26

Ndipo pa zuŵa lachinayi ŵanguwungana mu dambo la Beraka chifukwa penipa ŵangutumbikiya Chiuta; pachifukwa ichi zina la malo gha lingudanika kuti Dambo la Beraka, mpaka kunu kule.

Yesaya 66:16

Pakuti ndi moto Ambuya akachitanga cheruzgu, ndipo ndi lipanga lawo, pa nyama yose; wo ŵakabayikanga ndi Ambuya ŵakaŵanga ŵanandi.

Yesaya 66:18

“Pakuti ndiziŵa nchitu ndi maghanaghanu ghawo, ndipo ndituza kuzachiwunjika mitundu yose ndi malilime; ndipo ŵakazanga ndi ŵakawonanga unkhankhu wangu,

Yeremiya 12:14

Viyo atiti Ambuya pa ŵanyangu wose ŵaheni wo ŵakwaska charu chenicho ndikupaska ŵanthu ŵangu ŵaYisraele, kuchihara: “Ehe, ndikaŵazuwanga kutuwa mu charu chawo ndipo ndikazuwanga nyumba yaku Yuda mukati mwawo.

Yeremiya 25:31

Kukambula kukavwikanga ku umari wa charu chapasi, chifukwa Ambuya atole mlando pa mitundu; asere mu cheruzgu ndi ŵanthu wose ndipo ŵatimbanizi akaŵaŵikanga ku lipanga, atiti Ambuya.’

Yeremiya 49:1

Gha pa Amoni. Viyo atiti Ambuya: “Kumbi Yisraele walivi ŵana? Kumbi walivi ŵakuhara? Na chifukwa chine Milkomo walonda Gadi, ndipo ŵanthu ŵake ŵaja mu mizi yake?

Yeremiya 50:17

“Yisraele ndi mberere yakupenjeka yo yadikiskika ndi zinkharamu, Pakudanga karonga wa Asiriya wangumuparuwa, ndipo sono pa umari Nebukadanezara karonga wa Babiloni waphwanya viwanga vyake.

Ezekiele 25:8

“Ambuya Chiuta atiti: Chifukwa Moabu watinge, Awonani, nyumba yaku Yuda, yayana nge ndi mitundu yose yinyake,

Ezekiele 34:6

Mberere zangu zinguparghang'ika, zingurandiya mu mapiri ghose ndimu mitunthu yose; mberere zangu zingumbininikiya uku ndi uku mu charu chose chapasi, ndipo kwengavi nanga njumoza wakuzirondo pamwenga kuzipenja.

Ezekiele 35:10

“Chifukwa iwe unguti, ‘Mitundu iyi yiŵi ndi vyaru ivi viŵi vikaŵanga vyangu, ndikaviharanga’ nanga Ambuya ŵenga kwenikuwa

Ezekiele 36:1

“Iwe, mwana wa munthu, uchime ku mapiri ghaku Yisraele, ukambe kuti, Mwa mapiri ghaku Yisraele mwe, vwani mazu gha Ambuya.

Ezekiele 36:5

chifukwa cho Ambuya Chiuta atiti: Mu kufya kwa sanji yangu ndirongoro, kumikana ndi ŵakujako ŵa ŵamitundu ndi Edomu yose, wo ŵangujipaska charu changu nge nchihara mu likondwa lose ndi mtima wakuyuyuwa, mwakuti chiŵi chihara chawo ndi kuchiskowa.

Ezekiele 38:22

Chideru ndi kudiska ndopa vikaserenga pamoza nayo ku cheruzgu, ndikang'iskanga paku iyo ndi pa maliŵanja ghake ndi pa ŵanthu wose wo ŵenayo pamoza vuwa ya maji ghanandi, matalala, fukunyira ndi moto.

Ezekiele 39:11

“Mu zuŵa liya ndipaskenge Gogi malo gha masano mu Yisraele, Dambo la Ŵamwenda-nthowa ku vuma kwa nyanja, ghakajaranga ŵakwenda chifukwa kwenikuwa ndiko ŵakaŵikikanga Gogi pamoza ndi nkhondo yake yose, viyo likadanikanga Dambo laku Hamoni-Gogi.

Yoele 3:12

Yirekani mitundu yijiyuske, ndi yizi ku dambo laku Yehoshafati chifukwa ndiku ndamkuŵa kweruzga mitundu yose kwa kuzunguriya.

Yoele 3:14

Mizinda, mizinda, mu dambo lakweruzgiya! Chifukwa zuŵa la Ambuya le pafupi mu dambo lakweruzgiya.

Amosi 1:11

Viyo atiti Ambuya: “Chifukwa cha maulakwi ghatatu gha Edomu, ndi wachinayi, kuti nkhawezganga kulangika kwake cha; chifukwa wangudikiska mbali wake ndi lipanga, ndi kutaya lisungu lose, ukari wake unguparuwa kwambura kulekezga, ndi wangusunga ukari wake muyaya.

Mika 4:12

Kweni kuti ŵaziŵa cha maghanaghano gha Ambuya; kuti ŵawamu cha nanga ndi fundu yawo, kuti aŵawunjika nge ndinchinda pa lwaniko.

Zefaniya 3:8

“Viyo ndilindizgeni,” atiti Ambuya, “mpaka zuŵa lo nkhaŵiyanga nge ndi kaboni. Chifukwa ndaŵika mtima wangu pakuwungang'a mitundu ya ŵanthu, kuwunjika ŵakaronga, kuti ndipunguliye pawo kundundu kangu, chifundizi chose cha ukari wangu; chifukwa mu moto wa kandundu kangu ka sanji charu chose chazamukufya.

Chivumbuzi 11:18

Yingukalipa mitundu yo, pakuti ndi nyengo yakuti kaze kandundu kinu, ndi nyengo yaza yakuti ŵakufwa ŵeruzgike, nyengo yakupaskiya mphotu ku ŵaŵanda ŵinu, ŵamchimi wo, ndi ku ŵakupaturika ŵinu, kwaku wo ŵatopa zina linu, ŵamana ndi ŵara; ndi nyengo yakwanangiya wo mbakwananga panupasi.”

Chivumbuzi 16:14

Pakuti mbazimu ŵa ŵademone ŵakuchita minthondwi; wo ŵatenda mu ŵakaronga ŵa charu chose panupasi, kuŵaungang'iya ku nkhondo yo ya zuŵa likuru laku Chiuta Wanthazizose.

Chivumbuzi 16:16

Ndipo wanguŵaunjika ku malo ghakuzumbulika, mu chiHebere, Hara-Magedone.

Chivumbuzi 16:6

Chifukwa ŵanthu ŵangudiska ndopa za ŵakupaturika ndi ŵamchimi, ndipo mwapaska iwo ndopa, kuti ŵamwenge. Mbakwenere kuzimwa!”

Chivumbuzi 20:8

ndipo watuliyenge kuyirandizga mitundu yo yamu nyondo zose zinayi za charu, Gogi ndi Magogi, kuyiunganiskiya ku nkhondo; unandi waku wo we uli ndi mchenga wapa nyanja.