Yoele 3:15 - Tonga Bible 1986

¹⁵ Dazi ndi mwezi vifipenge, nyenyezi nazo zifuŵiyenge.

Yoele 3:15 Iomraidhean Croise

Wakutaula 12:2

Vyenga vindafipiskike, lumwi ndi ukweru ndi mwezi ndi zinyenyezi ndi kuwere vuli kwa mitambo vuwa yati yamara;

Yesaya 13:10

Pakuti nyenyezi za machanya ndi mawumba ghake kuti vikapaskanga ukweru wawo cha lumwi likafipanga pakutuwa kwake mwezi kuti ukalongonga kuŵara cha.

Ezekiele 32:7

Ndichikusisita iwe, ndikabenekeriyanga machanya, ndikafipiskanga nyenyezi zawo; ndikabenekeriyanga dazi ndi mtambo, mwezi kuti ukapaskanga kuŵara kwake cha.

Yoele 2:10

Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Mateyu 24:29

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;

Marko 13:24

“Kweni mu mazuŵa ghenigha, pavuli pa suzgu iya, dazi likafipiskikanga, ndi mwezi kuti ukapaskanga uŵali wake cha,

Chivumbuzi 8:12

Mungelo wachinayi wangukuŵa, ndipo chigaŵa chachitatu cha dazi chingukosoreka, ndi chachitatu cha mwezi, ndi chachitatu cha zinyenyezi; mwakuti chigaŵa chachitatu cha ukweru chingufipiskika, ndi chigaŵa chachitatu cha msana kuti chingupereka kuŵala kwake cha, ndipo chigaŵa chachitatu cha usiku nacho so kuti chingupereka ukweru cha.