Yoele 3:1 - Tonga Bible 1986

¹ “Chifukwa wonani, mu mazuŵa gho, ndi nyengo yiya, penipo ndiwezgenge ŵaku Yuda ndi Yerusalemu,

Yoele 3:1 Iomraidhean Croise

Sumu 14:7

Okwe! Mphanyi chipozomosko chaku Yisraele chatuliya ku Zioni! Ambuya pakuwezga ŵanthu ŵawo ŵamikoli, Yakobe wakakondwanga, Yisraele wangarenge.

Sumu 85:1

Mungukankhaŵiya charu chinu, Ambuya mwe; munguwezga umkoli waku Yakobe.

Nthanthi 1:23

Phwereni kuchenjezga kwangu, ehe, ndikapunguliyanga maghanughanu, ghangu kwaku imwe; ndikaziŵiskanga mazu ghangu kwaku imwe.

Yesaya 44:3

Pakuti ndikadiranga maji pa charu cha chiparamba, ndi tumisinji pa charu chiyumu; ndikapunguliyanga Mzimu wangu, pa mphapu zinu, ndi chitumbiku changu pa, wakupakika ŵinu.

Yeremiya 16:15

kweni ‘Nge ndimo aliri amoyo Ambuya ŵeniwo ŵangtuzga ŵaYisraele mu charu cha kunkhonde ndi mu vyaru vyose mwenimo anguŵadikiskiya.’ Chifukwa ndikaŵawezgiyanga ku charu chawo chenicho ndingupaska ku auskeu.

Yeremiya 29:14

Ndikasanirikanga ndi imwe, atiti Ambuya, ndipo ndikakuwezgiyaninga umampha ndikukuunjikani pamoza kutuwa ku mitundu yose ndiku malo ghose kweniko ndikukudikiskiyani, atiti Ambuya, ndipo ndikakuwezgiyaninga ku malo kweniko ndingumutuzgani kuya ku umkoli.

Yeremiya 30:18

“Ambuya atiti, Ehe, ndikawezgiyanga umampha ku mahema ghaku Yakobe, ndikaŵanga ndi chitima ndi malo ghake ghakujamo; msumba ukazengekanga so pa mapopa ghake, ndipo nyumba ya ufumu yikamanga penipo yenga kali.

Yeremiya 30:3

Pakuti ehe, mazuŵa ghakazanga, atiti Ambuya, penipo ndikawezgiyanga umampha ŵanthu ŵangu, Yisraele ndi Yuda, atiti Ambuya, ndikaŵawezgiyanga ku charu chenicho ndingupaska auskeu, ndipo chikaŵanga chawo.”

Ezekiele 16:53

“Ndikaŵawezgiyanga maumampha ghawo, maumampha gha Sodomu ndi ŵana ŵake ŵanthukazi, ndi maumampha gha Samaria ndi ŵana ŵake ŵanthukazi, ndipo ndikawezganga maumampha ghaku iwe wamweni mukati mwawo,

Ezekiele 39:25

“Chifukwa cho Ambuya Chiuta atiti: Le ndikawezganga ma umampha ghaku Yakobe, ndi kuŵa walisungu ndi nyumba yose yaku Yisraele; ndikachitiyanga sanji zina langu lituŵa.

Danyele 12:1

“Pa nyengo yo Mikaeli, karonga mkuru, wayukenge, yo we ndi mtufu pa ŵanthu ŵinu. Ndipo yiŵengeko nyengo ya suzgu, yo chingana ndi kali yindaŵeko kutuwa po mtundu wa ŵanthu ukuŵiyako mpaka pa nyengo yiya; kweni pa nyengo yeniyiya ŵanthu ŵinu ŵataskikenge, yose yo zina lake lisanirikenge lakulembeka mu buku.

Yoele 2:29

Ndipo so chingana mpha ŵateŵeti ŵinu ŵanthurumi ndi ŵateŵeti ŵanthukazi mu mazuŵa gho ndipunguliyenge mzimu wangu.

Amosi 9:14

Ndituzgengepo umagoŵa wa ŵanthu ŵaYisraele, ndipo ŵazamuzenga so mizi yakupasuka ndi ŵazamujamu; ŵazamulima minda ya mphereska ndi kumwa vinyo wawo, ŵakalimanga minda ndi kurgha vipasi vyawo.

Maŵerengedu 11:29

Kweni Mosese wanguti kwaku iyo, “Kumbi wendi sanji chifukwa chaku ine? Khumbu ndakuti mphanyi ŵanthu ŵa Ambuya wose ŵenga ŵamchimi, ndi kuti Ambuya mphanyi anguŵapaska mzimu wawo.”

Maŵerengedu 12:6

Ambuya anguti, “Tegherezgani mazu ghangu: Asani mwe mchimi mukati mwinu, ine Ambuya nditumuziŵiska kuti ndiripo mu chiwona, ndirongoro nayo mu loto.

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.