Yoele 2:7 - Tonga Bible 1986

⁷ Nge mba nkhondo ŵarotoka; nge ndi ngwazi ŵakwera malinga. Ŵatenda we yose pa nthowa yake ndi yake, kuti ŵapatuka mu nthowa zawo cha.

Yoele 2:7 Iomraidhean Croise

2 Samuele 1:23

“Sauli ndi Jonafani wakwanjana ndiŵamampha! Mu umoyo ndi mu nyifwa kuti ŵangupatukana cha; ŵenga ŵamankharu kuruska nombo, ŵenga ŵanthazi kuruska zinkharamu.

2 Samuele 5:8

Ndipo Davidi wanguti pa zuŵa liya, “Yose yo wangapuma ŵaYebusi, wakwere mu mpopi wa maji ŵakupunduka ndi ŵachuburumutiya, ŵakutinkhika ndi mzimu waku Davidi.” Mu chifukwa ichi kukambika, “Ŵachimburumutiya ndi ŵakupunduka kuti ŵakazanga mu nyumba cha.”

1 Mikoka 12:36

ŴaAshere vikwi machumi ghanayi (40,000) ŵakuziŵa nkhondo.

Jobu 16:14

Watindiswa pafupi-pafupi; watindichimbiriya nge ngwa nkhondo.

Sumu 19:5

lo lituwa nge ndimo mwali wanthengwa watuliya mu chipinda chake, ndipo lisekere nge nchinkhara kuchimbiya mu nthowa yake.

Nthanthi 30:27

ŵazombe ŵalivi karonga, kweni wose ŵatenda mwakuyana;

Yeremiya 5:10

“Ukwere ukaporoti mu mizere yake ya mphereska ndi ukaparghang'e, kweni kwachimarizgiya limu cha; katuzgemo mphanda zake pakuti kuti za Ambuya cha.

Yoele 2:8

Kuti ŵasazganikana cha, kweni yose watenda mu nthowa yake; ŵaporota mu mahomwa, ndipo kuti ŵakanizgika cha.

Yoele 2:9

Wayingayingenge mu msumba, ŵaulukiya pa malinga; ndi ŵakwera pa zinyumba, ŵasere mu madangazi nge ndi munkhungu.