Yoele 2:5 - Tonga Bible 1986

⁵ Nge nchiwawa cha magareta, ghachiripuka pachanya pa mapiri, nge nchiwawa cha mlipu wa moto, wo utocha viputu, nge mbanthu ŵanthazi ŵaŵikika umampha mukurwa nkhondo.

Yoele 2:5 Iomraidhean Croise

Jobu 39:20

Kumbi muti-mujwanthiska nge ndi zombe? Kufwenkha kwa mphuno zake nkhwakofya.

Chituwa 5:12

Viyo ŵanthu ŵanguparghang'ikana uku ndi uku mu charu cha Egipiti kwachiwunjika viputu mu malo gha uteka.

Yesaya 30:30

Ndipo Ambuya akachitiskanga mazu ghawo ghakuziza kuti ghavwike ndi kusika kwa kapumidu ka janja lawo kuti kawoneke, mu ukari wakofya ndi mlipu wakocha wa moto, pamoza ndi kuvimba kwa mtambo, ndi lirondo ndi vuwa ya matalala.

Yesaya 5:24

Viyo mo lilime la moto litoche mbuwa, mo uteka wakumira utakamiya mu mlipu, mdimu musisi wawo ukavundiyanga, ndi maluŵa ghawo ghakwere kuchanya uli ndi fuvu; pakuti ŵakana dangu la Ambuya ŵa maŵanja, ŵayuyuwa mazu gha Mtuŵa Yo waku Yisraele.

Yeremiya 50:42

Ŵato uta ndi mkondo; mbakari, ndipo ŵalivi lisungu. Mdinu wawo we uli nkhuuruma kwa nyanja; ŵakwera pa ŵakavalo, ŵakuvwala nge ndi munthu wa kulimbana nawe, wamwana munthukazi we wa Babiloni!

Mateyu 3:12

Mweniyo chipepeteru chake che mu janja lake, wakatoweskanga mbuli wake; ndi kuwunjika trigu wake mu nkhokwe, kweni wamukocha mwere ndi moto wambura mazimwika.”

Chivumbuzi 9:9

Nganga zawo zingujarika ndi vyo vinguwoneka ulaka vyapachifuŵa vyachisulo; chiwawa cha mapapa ghawo chenga nge nchiwawa cha magareta gha ŵakavalo ŵanandi ŵachichome ku nkhondo.