Yoele 2:26 - Tonga Bible 1986

²⁶ “Murghenge vinandi ndi kuguta, ndi kurumba zina la Ambuya Chiuta winu, yo wamuchitiyani kwakuziziswa. Ndipo ŵanthu ŵangu kuti ŵalengeskekenge so cha muyaya.

Yoele 2:26 Iomraidhean Croise

Chiyambo 33:11

Londa, nditukuŵeyere, chaulera chondaza nacho kwako, chifukwa Chiuta wandichitiya wezi, ndi chifukwa ndendi vyakukwana.” Viyo wangumuchichizga, ndi wanguvironda.

Nehemiya 9:25

Ndipo ŵanguronda misumba yamalinga ndi charu chanyata yikuru ndi ŵanguhara zinyumba zakuzaza ndi vinthu vyose vyamampha, visima vya maji vyakukumbika, minda ya mphereska miti ya olive, ndi miti ya vipasi vyakuzala; viyo ŵangurgha, ndi ŵanguguta ndi ŵangututuŵa, ndipo ŵangukondwere mu umampha winu weni ukuru.

Sumu 103:5

Wo atikugutiska vyamampha mu umoyo wako wose, reka unyamata wako uweremo nge ndi nombo.

Sumu 116:7

Wa mzimu wangu, uwere ku chipumulu chako; chifukwa Ambuya aŵa amampha kwangu.

Sumu 13:6

Ndikoŵeriyenge ku Ambuya, chifukwa andichitiya kwa wanangwa.

Sumu 22:26

Ŵakusuzgika ŵarghenge, ŵagu tenge; wo ŵatimupenja ŵarumbenge Ambuya! Mitima yinu yije ndi umoyo muyaya!

Sumu 37:19

mu nyengo ziheni kuti ŵakalengeskekanga cha, mu mazuŵa gha chilala iwo ŵagutenge.

Sumu 67:5

Ŵanthu ŵarumbe imwe, A Chiuta; mafuku ghose gharumbe imwe!

Sumu 72:18

Atumbikike Ambuya, Chiuta waku Yisraele, yo yija wachita vyakuziziswa.

Nthanthi 13:25

Murunji wendi vinandi kukhorweskanja yake, kweni rufu la wamphulupulu lisoŵa kurgha.

Sumu ya Zisumu 5:1

Ndaza ku munda wangu, mzichi wangu, bwezi lanu la nthengwa, ndiwunjika wangu ndi vyakununkhire vyangu, nditurgha chisa changu ndi uchi wangu, nditumwa vinyo wangu ndi mkaka wangu. Rghaninga, mwa ŵabwezi, ndipo mwaninga: mwaninga ukongwa, mwa ŵakwanjiwa imwe!

Yesaya 25:1

Ambuya mwe, ndimwe Chiuta wangu; ndikakuzganga imwe, ndikarumbanga zina linu, pakuti imwe mwachita vinthu vya kuziziswa, vyakwata vyamwaka, vyamagomekezgeka ndi vyauneneska.

Yesaya 29:22

Chifukwa cho Ambuya atiti, wo anguwomba Abrahamu, pa makani ghapa nyumba yaku Yakobe: “Yakobe kuti wakaŵanga so ndi soni cha, chisku chake kuti chikasandukanga so cha.

Yesaya 45:17

Kweni Yisraele wataskika ndi Ambuya ndi utaski wa muyaya; kuti ukalengeskekanga cha chingana rikhutimbanizgika ku mgonezi wa muyaya.

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

Yesaya 54:4

“Ungopanga cha, pakuti kuti ukalengeskekanga cha; ungaghanaghananga cha, pakuti kuti ukatolekiyanga chilengesku cha; pakuti ukaruwanga chilengesku cha unyamata wako, kusekeka kwa uvyokoro wako kuti ukakumbukanga so cha.

Yesaya 55:2

Chifukwa chine mutananga ndrama zinu paku cho kuti nchakurgha cha, ndi kutakataka kwinu paku cho kuti chigutiska cha? Tegherezgani kwarwana kwaku ine, murghe cho nchamampha, ndipo mujikondwereske ndi vyakununa.

ŴaLevi 25:19

Charu chikapasanga vipasi vyake, ndipo imwe mukarghanga kwakuguta, ndi kuja mwaku cho kwambura mantha.

ŴaLevi 26:26

Panyengo yo nkhadumuwanga uzali wa vyakurgha, ŵanthukazi chumi ŵakamubikiyaninga chiŵande mu zenji limoza, ndipo ŵakachitanga kupima chiŵande chinu; mukarghanga kweni kuti mukagutanga cha.

ŴaLevi 26:5

Mbeu zinu zikakwananga kwachifika ku chivuna cha mphereska, ndi chivuna cha mphereska kwachifika ku nyengo ya kupanda; mukarghanga ndi kuguta, ndi kuja mu charu chinu kwambura mantha.

Mika 6:14

Mukarghanga, kweni mukagutanga cha; muŵenge ndi nja mukati mwinu; mukaŵikanga pade, kweni kuti mukasunganga cha, ndipo cho musunga ndichiperekenge ku lipanga.

Zefaniya 3:11

“Mu zuŵa lo kuti ulengeskekenge cha, chifukwa cha nchitu zako zakundigarukiya, chifukwa penipo ndituzgengeko mukati mwako, ŵeniwo ŵakondwa ndi kujikuzga kwako, kuti ŵajithamiyenge so cha mu phiri langu lakupaturika.

Zekariya 9:15

Ambuya ŵa maŵanja aŵavikiriyenge; ndipo amarenge ndi kukandirizgiya pasi wo ŵapong'a mya; ndipo ŵamwenge ndopa zawo nge ndi vinyo, ndipo ŵazazikenge nge ndi mbali fwa, ŵangotenge nge ndi ngodya za jochero la sembe.

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

ŴaRoma 10:11

Pakuti lembo lo lititi, “Yose wakuvwana mwake kuti walengeskekenge cha.”

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

ŴaRoma 9:33

uli ndimo kwalembeke, “Awonani, ndiŵika mu Zioni mwa wachiguŵisku ndi jarawe la chiwiska: ndipo yo ngwakuvwana paku iyo kuti walengeskekenge cha.”

Marangu 11:15

Ndipo wakamezganga uteka mu minda yinu kuti ng'ombe zinu zirghe ndipo imwe mukarghanga ndi kuguta.

Marangu 12:12

Ndipo mukakondwanga pa nthazi pa Ambuya Chiuta winu, imwe ndi ŵana ŵinu ŵanthurumi ndi ŵana ŵinu ŵanthukazi, ŵanchitu ŵinu ŵanthurumi ndi ŵanchitu ŵinu ŵanthukazi ndi muLevi yo wamumizi yinu, pakuti walivi nanga ndi chihara pamoza ndi imwe.

Marangu 12:18

Kweni mukavirghanga panthazi pa Ambuya Chiuta winu mu malo ghenigho Ambuya Chiuta winu wakasankhanga, imwe ndi mwana winu munthurumi ndi mwana winu munthukazi, wanchitu winu munthurumi ndi wanchitu winu munthukazi, ndi muLevi yo we mukati mu mizi yinu. Ndipo mukakondwanga panthazi pa Ambuya Chiuta winu, po muchita milimu yinu yose.

Marangu 12:7

Kweniko ndiku mukarghiyanga pa nthazi pa Ambuya Chiuta winu, ndipo mukakondwanga, imwe ndi ŵamunyumba zinu wose, pakuchita vyose vyo Ambuya Chiuta winu wamatumbikani navyo.

Marangu 8:10

Mukarghanga ndi kuguta, ndipo mukatumbikanga Ambuya Chiuta winu chifukwa cha charu chamampha cho wamupaskani.

1 Timote 6:17

Ŵalanguliye ŵasambasi mu mgonezi wa sono kuti ŵareke kujitumphuska, chingana nkhugomekezgapo pa kanthu kakuwura ukhonge ndi chuma, kweni mwaku Chiuta, mweniyo watipaska vyose kwakusakata kuti tikakondweremo;

1 Yohane 2:28

Ndipo sono, mwatwana twangu, jaririyani mwaku iyo, alinga kuti, wachiwoneka, tiŵe ndi chigomezgu ndi kulengeka lilengu cha paurongo pake, pa uzi wake.