Ndipo akapaskanga vuwa pa mbutu yo mumija pa nyata, ndi vyakurgha, vyakume mu nyata, vyo vikaŵanga vyakunozga ndi vyakuzara. Mu zuŵa liya viŵetu vinu vikarghanga mu vipozwa vikuru;
Ukayipepetanga ndipo mphepo yikayitolenga kutali, ndipo lirondo likayiparghang'anga. Ndipo iwe ukakondwanga mu Ambuya; mu Mtuŵa Yumoza yo waku Yisraele, ukatumbwanga.
Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.
Kuti ŵakamba cha mu mitima yawo, ‘Tiyeni topenge Ambuya Chiuta widu, mweniyo wapaska vuwa mu nyengo yake, vuwa yamtumbuku ndi ya chipwepwe, ndipo watitiŵikiya ŵasabata ŵakupaturikiya kuvuna.’
“Ndipo so ndakunorani vuwa, po yingujako mwezi yitatu kufika ku vuna, ndingutuma vuwa pa msumba umoza ndipo ndengavi kutuma vuwa pa msumba unyake; yingung'a pa munda umoza, ndipo munda wo yingureka kung'apo ungufota;
Pemphani ku Ambuya vuwa mu nyengo ya vuwa yakumariya, ku Ambuya wo akulenga mitambo ya vuwa, wo apaska vuwa, ku ŵanthu wose, kwaku yose vyakume mu munda wake.
Chifukwa ndamupinda Yuda, nge ndi uta wangu, Efraimu ndamuchita muvwi wake. Ndiyuskenge ŵana ŵako, Zioni, kukulimbana ndi ŵana ŵako, iwe Girisi, ndikukuchita iwe nge ndi lipanga la ngwazi.
Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.
Ambuya akakujuriyaninga usambasi wawo wamampha mu machanya, kukupaskani vuwa pa charu chinu mu nyengo yake, ndi kutumbika nchitu yose ya manja ghinu. Ndipo mukateuliskanga mitundu yinandi, kweni imwe kuti mukateuwanga cha.
Mphanyi kusambizga kwangu kungunthona uli ndi vuwa, fundu yangu mphanyi yingusongonoka uli ndi dungwi; uli ndi vuwa ya wenguwengu pa uteka wakutefwatefwa, ndipo uli nkumeme pa vyakume.