Yoele 2:19 - Tonga Bible 1986

¹⁹ Ambuya angwamuka, ku ŵanthu ŵawo, kuti, “Wonani ndimtumiyeninge trigu, ndi vinyo, ndi mafuta, ndipo mugutenge; ndipo kuti nkhamulengeskaninga so cha mukati mu mitundu.

Yoele 2:19 Iomraidhean Croise

Yeremiya 31:12

Ŵakazanga ndi Kumba kwanthazi pa chitanthali cha Zioni, ndipo ŵakaŵaranga chifukwa cha umampha wa Ambuya, chifukwa cha vyakurgha, vinyo, ndi mafuta; ndi ŵana ŵa mskambu ndi vyakuŵeta; umoyo wawo ukaŵanga nge ndi munda wakudiriya maji, kuti ŵakalakatukanga so cha.

Ezekiele 34:29

Ndikazipaskanga usakati wa minda ya vipasi alinga kuti zireke kufwa so ndi nja mucharu, ndipo kuti zikatombozgekanga nanga nkhu mitundu so cha.

Ezekiele 36:15

kuti ndikazomerezganga so cha kuti muvwenge kutombozga kwa ŵa mitundu, ndipo kuti mukanyamuwanga so kulengeskeka kwa ŵanthu cha chingana nkhuti mukaguŵiskanga so mtundu winu nako cha atiti Ambuya Chiuta.”

Ezekiele 36:29

Ndimutaskeninga ku kufipirwa kwinu kose, ndikadananga mbeu kuti ndizandaniske ndipo chilala kuti chikaŵanga paku imwe cha.

Ezekiele 36:30

Ndikandaniskanga vipasi vya miti ndi mbeu yamu munda, mwakuti mureke kuŵa so ndi suzgu ya chilengesku cha chilala mukati mu mitundu.

Ezekiele 39:29

ndipo kuti ndikabisanga so chisku changu kwaku iwo cha, po ndipunguliya mzimu wangu pa nyumba yaku Yisraele, atiti Ambuya Chiuta.”

Hoseya 2:15

Kwenikuwa ndimupaskenge minda yake ya mphereska, ndi kusanduska chidika cha Akoro kuŵa khomo la chigomezgu. Ndipo kuwa wamukenge nge ndi mu mazuŵa gha umupupuka wake, ndi nge mpha nyengo yo wangutuliya mu charu cha Egipiti.

Hoseya 2:21

Ndipo mu zuŵa liya, atiti Ambuya, nkhamukanga machanya ndi machanya ghamukenge charu chapasi.

Hoseya 2:22

Ndipo charu chapasi chimukenge trigu, vinyo, ndi mafuta, ndipo ivi vimukenge Yezerele;

Yoele 1:10

Minda yanangika, charu chitenje, chifukwa trigu wanangika, vinyo wakamuka, mafuta ngamana.

Yoele 2:24

“Mibuli yizazenge trugu, viyaŵi vifwapukenge ndi vinyo, ndi mafuta.

ŴaLevi 26:5

Mbeu zinu zikakwananga kwachifika ku chivuna cha mphereska, ndi chivuna cha mphereska kwachifika ku nyengo ya kupanda; mukarghanga ndi kuguta, ndi kuja mu charu chinu kwambura mantha.

Zekariya 8:12

Pakuti kuŵenge kumija kwa chimangu; mphereska yipasenge vipasi vyake, ndipo nyata yiperekenge kwandana kwake, machanya nagho ghakaperekanga dungwi lake; ndipo nkhachitanga kuti ŵakujako ŵa ŵanthu yaŵa, ŵaŵe ndi vyose ivi.

Mateyu 6:33

Kweni lembeni danga ufumu waku Chiuta ndi urunji wake, ndipo vyenivyo vyose vikuskikiyengeko kwaku imwe.

Marangu 11:14

wapaskenge vuwa pa charu chinu, mu nyengo yake, vuwa yakwamba ndi vuwa ya umari, mwakuti muwunjike trigu winu ndi vinyo winu, ndi mafuta ghinu.

Ruti 1:6

Sono wangusoka pamoza ndi ŵakumwana ŵake, kuweko ku charu cha Moabu pakuti ŵeche mu charu cha Moabu ŵanguvwa kuti Ambuya anguchitiya lisungu ŵanthu ŵawo ndi anguŵapaska kurgha.