Yoele 2:14 - Tonga Bible 1986

¹⁴ Njani waziŵa kuti wakawengako cha ndi kung'anamuka, ndikusiya thumbiko kuvuli kwake, mpasku wa vyakurgha ndi mpasku wa vyakumwa kupereka kwa Ambuya Chiuta winu?

Yoele 2:14 Iomraidhean Croise

2 Samuele 12:22

Iyo wanguti, “Mwana weche wamoyo ndingufunga kurgha ndinguliya, chifukwa ndinguti, ‘Njani waziŵa panyake Ambuya andichitiyenge lisungu, kuti mwana waŵenge wamoyo?’

2 Samuele 16:12

Njani waziŵa, panyake Ambuya andiwonenge mu kusuzgika kwangu, ndikuti Ambuya andiwezgiyenge umampha mu malo mwakutukika uku zuŵa lino.”

2 ŴaKaronga 19:4

Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

Chituwa 32:30

Ndi mlenji Mosese wanguti ku ŵanthu, “Mwalakwa mwachita uheni ukuru. Ndipo sono ndikweriyenge ku Ambuya; akhumba ndingaziŵa kumuchitiyani mphepeska pa uheni winu.”

Yesaya 65:8

Viyo atiti Ambuya: “Uli ndimo vinyo wasanirikiya mu khoroza, ndipo watiti, ‘Mungalinanga cha, pakuti mwe chitumbiku mukati mwake,’ viyo so ndikachitanga chifukwa cha mteŵeti wangu kuti ndi kaŵamaranga wose cha.

Yeremiya 18:8

ndipo asani mtundu wuwa ndakambiyapo, uweko ku uheni wake, po ndipo ndikang'anamukangako ku uheni weniwo ndatinge ndiuchitiyenge.

Yeremiya 26:13

Chifukwa ichi sinthani nthowa zinu ndi machitidu ghinu, ndi vwiyani mazu gha Ambuya Chiuta winu; ndipo Chiuta wakarekanga kuchita chiheni cho wakukamba paku imwe.

Yeremiya 26:3

Vinu kokuli ŵakategherezganga, kuti we yose waweko ku nthowa yake yiheni, mwakuti nding'anamukeko ku chiheni cho ndikhumba kuŵachitiya chifukwa cha machitidu ghawo ghaheni.

Yoele 1:13

Vwarani chigudulu, muliye imwe ŵazukuru, tenjeni mwa ŵateŵeti ŵa jochero la sembe. Sereni, mwaŵakuvwala vigudulu ndi cherezgani usiku wose, owe! Mwa ŵateŵeti ŵaku Chiuta wangu! Chifukwa mpasku wa vyakurgha ndi mpasku wa vyakumwa vyagota ku nyumba yaku Chiuta winu.

Yoele 1:16

Kumbi vyakurgha asi vyamara pa maso pidu, mulive chimwemwe ndi likondwa mu nyumba yaku Chiuta widu?

Yoele 1:9

Sembe ya vyakurgha ndi sembe ya vyakumwa zarekeka mu nyumba ya Ambuya. Ŵazukuru ŵatenje, ŵateŵeti ŵa Ambuya.

Amosi 5:15

Tinkhani uheni, ndi yanjani umampha, ndi mumike urunji mulikomo; pamwenga Ambuya, Chiuta wa maŵanja, wangaŵa ndi lisungu, ndi ŵakujako ŵaku Yosefe.

Yona 1:6

Viyo nduna ya ngarawa yinguza kwake ndi yinguti kwaku iyo, “Ung'anamuwanji iwe pakugona? Yuka, dana kwaku Chiuta wako! Vinu Chiuta wako wangatikumbuka kuti tireke kuyowa.”

Yona 3:9

Ndiyani waziŵa, pamwenga Chiuta wangagowoka, ndi wangareka, ndi kuweko ku ukari wake wakofya, mwakuti tireke kuyowa?”

Zefaniya 2:3

Penjani Ambuya, mose mwa ŵakuzika ŵamu charu, imwe mwachita malangulu ghake; penjani urunji, penjani kuzika; pamwenga mungabisika mu zuŵa la ukari wa Ambuya.

Hagayi 2:19

Kumbi mbeu zichalimo mu nkhokwe? Kumbi mphereska, nkhuyu, zobala, ndi maolivi vyeche vindapasi? Kutuwa zuŵa ili mpaka kunthazi nkhamutumbikaninga.”

2 Timote 2:25

Wakukunthiyapo, mu upovu wakuŵalanga wo mbakupindana, kuti vinu Chiuta wangaŵapaska chipe chakwachiziŵiska uneneska,

Yoswa 14:12

Viyo sono ndipaske charu cha mtunthu ichi cho Ambuya angunena pa zuŵa liya; pakuti ugujivwiya zuŵa liya mo ŵina Anakimi ŵanguŵiyako, ndi misumba yikuru ya malinga: kokuli Ambuya akaŵanga nane, ndipo ndikaŵatuzgangamo uli ndimo Ambuya angunene.”

1 Samuele 6:5

Viyo mutenere kuchita vikozgo vya vitupatupa vinu ndi vikozgo vya mbeŵa zinu vyo vinanga charu, ndipo paskani unkhankhu kwaku Chiuta waku Yisraele, vinu wangatuzgako janja lake kwaku imwe ndi ku ŵachiuta ŵinu ndi charu chinu.