Yoele 2:10 - Tonga Bible 1986

¹⁰ Charu chiyaghayikenge paurongo pawo, machanya ghatenthemenge. Dazi ndi mwezi vifipenge, nyenyezi zifuŵiyenge.

Yoele 2:10 Iomraidhean Croise

Sumu 114:7

Tenthema, wa charu chapasi, pa kuza kwa Ambuya, pa maso paku Chiuta waku Yakobe,

Sumu 18:7

Penipo charu chingusukunika ndi kuyaghayika; viŵanja vya mapiri navyo vingutenthema, ndi kusukuniskika, chifukwa Chiuta wangufya mtima.

Yesaya 13:10

Pakuti nyenyezi za machanya ndi mawumba ghake kuti vikapaskanga ukweru wawo cha lumwi likafipanga pakutuwa kwake mwezi kuti ukalongonga kuŵara cha.

Yesaya 34:4

Liŵanja lose la kuchanya likavundanga, ndipo uli ndi mapepara mitambo yikazingikanga. Liŵanja lawo lose likawanga, nge ndimo mani ghawiya kutuwa ku mphereska, nge ndi mani ghatuwa kutuwa ku mkuyu.

Yesaya 5:30

Ŵakakoromanga paku yo mu zuŵa liya, uli nkhuuruma kwa nyanja. Asani yumoza walereskenge ku charu, awonani, mdima ndi suzgu; ndipo ukweru wafipiskika ndi mitambo yake.

Yeremiya 4:23

Ndingulereska pa charu, ndipo ehe, chenga mapopa ndi chambura kanthu, ndingulereska, kuchanya ukweru kwengavi.

Yoele 2:2

Zuŵa la mdima la munkhorwi, zuŵa la mitambo ndi mdima wakoyoyu; nge mbufipa wakutandikika pa mapiri pachanya, ŵanthu ŵakuru ndi ŵanthazi, kuti ŵakuŵako kale ŵakukozgana nawo cha, pamwenga kuti ŵakaŵangako sopavuli pawo cha, chingana nkhu virimika vya migonezi yose.

Yoele 2:31

Dazi lisandukenge mdima ndi mwezi usandukenge ndopa, lenga lindaze zuŵa likuru ndi lakofya la Ambuya.

Yoele 3:4

“Mwe ayani imwe kwaku ine, imwe Turo ndi Sidoni, ndi mphaka zose za ŵaFilisti? Kumbi mutindiwezge thayu? Asani mutindiwezge thayu ruŵi ndiwezgenge thayu linu, pa mutu winu.

Amosi 5:8

Yo wangupanga chirimila ndi mauta ndi wasanduska mdima kuŵa mlenji; ndi kufipiska msana kuŵa usiku, yo wadana maji gha nyanja ndi kughapunguriya pa chisku cha charu chapasi, Ambuya ndilo zina lawo,

Nahumu 1:5

Mapiri ghasukunika paurongo pawo, tumapiri tusongonoka; charu chapasi chipasuka paurongo pawo, charu ndi wose ŵakujamo.

Mateyu 24:29

“Kweni sosonukweni pavuli pa suzgu ya mazuŵa gho dazi lifipiskikenge, mwezi urekenge kupaska kuŵala kwake, ndipo nyenyezi zimbotokenge kuchanya, ndi vyanthazi vyamu machanya visukuniskikenge;

Mateyu 27:51

Ndipo onani, chijaru cha kasopi chinguparuka pakati, kutuwa pachanya pasi mbwitu. Ndipo charu chingundengandenga; ndi majarawi ghangusweka,

Machitidu gha Ŵakutumika 2:20

dazi lamsanduka mdima, ndi mwezi ndopa, leche lindaze zuŵa lo la Mbuya, zuŵa lo likuru ndi lathenthe:

Chivumbuzi 20:11

Ndinguwona chitengu-chaufumu chikuru ndi chituŵa, ndi mweniyo wajanga paku cho, ku chisku chaku mweniyo vinguthaŵako pasi ndi kuchanya; ndipo kuti malo ghangusanirikiya ivyo so cha.

Chivumbuzi 6:12

Ndipo penipo wangubanuwa chizighiri chachinkhonde ndi chimoza, ndingulereska, ndipo kunguŵapo chiyeuyeu chikuru; dazi linguŵa lifipa ulaka nchigudulu chifipa, ndipo mwezi wa baraŵara unguŵa uli ndi ndopa;

Chivumbuzi 8:12

Mungelo wachinayi wangukuŵa, ndipo chigaŵa chachitatu cha dazi chingukosoreka, ndi chachitatu cha mwezi, ndi chachitatu cha zinyenyezi; mwakuti chigaŵa chachitatu cha ukweru chingufipiskika, ndi chigaŵa chachitatu cha msana kuti chingupereka kuŵala kwake cha, ndipo chigaŵa chachitatu cha usiku nacho so kuti chingupereka ukweru cha.

Chivumbuzi 9:2

Ndipo wangubanuwa chizenje cho chakuti nyo, ndipo kutuwa ku chizenje cho ungukwera usi, ulaka ndi usi wa ng'anjo yikuru; ndipo vingufipiskika dazi ndi mude chifukwa cha usi wa chizenje cho.