Yoele 1:18 - Tonga Bible 1986

¹⁸ Vyakuŵeta viragha, miskambu ya ng'ombe yazingariwa chifukwa chipozwa kulivi; chingana ndi miskambu ya mberere njakutomboroka.

Yoele 1:18 Iomraidhean Croise

1 ŴaKaronga 18:5

Ahabu wanguti kwaku Obadiya, “Ruta mu charu ku visima vyose vya maji ndi ku madambo ghose; vinu tingasaniya uteka ndi kutaska ŵakavalo ndi nyulu kuŵa vyamoyo, ndikuti vireke kutayikapo vinyama vinyake.”

1 ŴaKaronga 8:5

Ndipo karonga ndi chiunganu chose chaku Yisraele, wo ŵanguwugana paurongo pake, ŵenga nayo pamoza paurongo pa bokosi, kupereka sembe za mberere zinandi ndi ng'ombe vyo vyenga vyambura maŵerengeka ndi kuziŵikwa unandi,

Yeremiya 12:4

Charu chikatenjenga mpaka zuŵanji, mpaka zuŵanji uteka wamu minda yose ukamiranga? Chifukwa cha mautimbanizi ghaku wo ŵaja mwenimo vinyama ndi viyuni vyakukurwa; chifukwa ŵanthu ŵanguti, “Kuti wakawonanga umari widu cha.”

Hoseya 4:3

Chifukwa ichi, charu chitenge, ndipo wose wo ŵaja mwaku cho ŵakhuluruka nthazi, ndi so nyama zamu dondo, ndi tuyuni twa mude, chingana ndi somba zamu nyanja nazo zitoreka.

Yoele 1:20

Chingana ndi nyama za mu dondo zilili ya kwaku imwe chifukwa misinji yakamuka, ndipo moto wawocha uteka wamu dondo.

Amosi 1:2

Ndipo wanguti: “Ambuya abongonge mu Zioni, ndikutuzgiya mazu ghawo mu Yerusalemu; mauliska gha ŵaliska ghatenjenge, ndi pachanya pa Karmele pafotenge.”

Habakuku 3:17

Chingana mkuyu ureke kubuska, pamwenga vipasi ku ulevi ku mphereska, maolivi gha tondeke kupasa, ndi minda yitondeke vyakurgha, mskambu umare mu khola, ndi ng'ombe muulevi mu khola,

Hagayi 1:10

Chifukwa ichi, machanya gha pachanya paku imwe ghajara dungwi, ndi charu chapasi chajara vipasi vyake.

ŴaRoma 8:22

Chifukwa tiziŵa kuti ulengi wose utamanthiya ndi ulangiya pamoza mpaka ku sono.