Yakobe 4:3 - Tonga Bible 1986

³ Mupempha, ndipo kuti muronde cha, chifukwa kuti mupempha uheni, alinga kuti muvimariye pa malikondwa ghinu.

Yakobe 4:3 Iomraidhean Croise

1 ŴaKaronga 3:11

Ndipo Chiuta wanguti kwaku iyo, “Chifukwa wapempha ichi, ndipo ulivi kujipemphe umoyo utali pamwenga usambasi pamwenga umoyo wa ŵakupindikana nawe, kweni wajirombe zeru kuteska cho nchakurunjika,

Jobu 35:12

Kwenikuwa viriya kweni kuti wativimuka cha, chifukwa chakujikuzga kwa ŵanthu ŵaheni.

Sumu 18:41

Ŵanguliriya chovyo, kweni kwengavi wakutaska, ŵangubongore ku Ambuya, kweni kuti anguŵamuka cha.

Nthanthi 1:28

Pa nyengo yo ŵakadananga kwaku ine; kweni kuti ndamukenge cha: ŵakandipenjanga kwarwana kweni kuti ŵakandibowozganga cha.

Nthanthi 15:8

Mpasku wa wamphulupulu mbukazuzi ku Ambuya, kweni rombu la wakunyoroka ndi likondwa lawo.

Nthanthi 21:13

Mweniyo wajara gutu lake ku kuliya kwa mukavu nayo wakaliyanga kuwulengevi kumuvwa.

Nthanthi 21:27

Ambuya ŵatinkha asani ŵanthu ŵaheni ŵatuŵapaska mipasku, weni ukongwa asani ŵatu wupereka ndi maghanaghano ghaheni.

Yeremiya 11:11

Chifukwa cho atiti Ambuya, Ehe, ine nditole uheni paku iwo, weniwo kuti angaziŵa kuwuthaŵa cha; chingana ŵangandiliriya, kuti ndikaŵategherezganga cha.

Yeremiya 11:14

“Chifukwa cho reka kuŵarombe ŵanthu yaŵa, kuliya pamwenga kuromba chifukwa chawo, chifukwa kuti ndikategherezganga cha ŵachidana kwaku ine mu nyengo ya suzgu yawo.

Yeremiya 14:12

Chingana ŵangafunga, kuti ndikavwanga kuliya kwawo cha, ndipo chingana ŵangapereka mpasku wakocha ndi mpasku wa ufwa, kuti ndivirondiyenge cha; kweni ndikaŵamaranga ndi lipanga, ndi chilala, ndi chideru.”

Mika 3:4

Viyo ŵakaliyanga ku Ambuya, kweni kuti amukenge cha; akabisanga chisku chawo kwaku iwopa nyengo yiya, chifukwa nchitu zawo ŵazisanduska kuŵa ziheni.

Zekariya 7:13

“Nge ndimo ine ndingukambiya ndipo kuti ŵanguvwa cha, viyo ŵangudanirizga kweni kuti ndinguvwa cha,” atiti Ambuya ŵa maŵanja.

Mateyu 20:22

Kweni Yesu wakwamuka wanguti, “Kuti muziŵa cha cho mupempha. Kumbi muziŵa kumwa nkhombo yo ine nditenere kumwa?” Wamunene, “Tiziŵa.”

Marko 10:38

Yesu wanguti kwaku wo, “Kuti muziŵa cha cho mupempha. Kumbi mwe ŵanthazi kumwapo nkhombo yo ine ndingamwa? Pamwenga kubatizika ndi chibatizo cho ine ndibatizikiya?”

Luka 11:10

Chifukwa yose wakupempha waronde; ndi wakupenja wabowozga; ndi ku wakugong'oska kumujurikiyenge.

Luka 15:13

Ndipo pavuli pa mazuŵa ghanandi cha mwana yo mu manaku, wanguti waunjika vyose, wanguruta ku charu chakutari, ndipo kwenikuwa wanguparghang'a chuma chake, wakujariya kwautayisi.

Luka 15:30

Kweni penipo waza mwana winu uyu, yo warghapo chuma chinu pamoza ndi ŵayaya, mwabayiya iyo thole lakututuŵa.’

Yakobe 4:1

Nchine cho chichitiska mahomwa ndi nchine cho chichitiska mapindanu mukati mwinu? Asi nga kweniko, ku malikondwa ghinu ghakurwiya mu viŵaru vinu?

1 Yohane 3:22

ndipo chose chenicho tipempha, tironde kwaku iyo, chifukwa tisunga marangu ghake, ndipo tivichita vyakunozga pa maso pake.

1 Yohane 5:14

Ndipo chenichi nchigomezgu chenicho te nacho kuchiri kwaku iyo kuti, asani tipempha kanthu kwakuyana ndi khumbu lake, watuvwa ifwe: