Yakobe 1:5 - Tonga Bible 1986

⁵ Ndipo asani yumoza waku imwe wapere mu zeru, wapemphe kwaku Chiuta, mweniyo wapaska kwaku wose kwawanangwa, ndi kwambura kusinginika; ndipo yikapaskikanga kwaku iyo.

Yakobe 1:5 Iomraidhean Croise

1 Mikoka 22:12

Viyo Ambuya ŵija akupaske vinjeru ndi kuwamu, mwakuti achikupaska ulongozgi paku Yisraele, usungenge dangu la Ambuya Chiuta wako.

2 Mikoka 1:10

Mundipaske zeru, ndi mziŵiru sono, mwakuti ndituwe ndi ndisere paurongo pa ŵanthu yaŵa, chifukwa ndiyani wangaziŵa kuwusa ŵanthu ŵinu ŵanandi nge ndi yaŵa?”

Sumu 51:6

Ehe, imwe mukhumba uneneska wa mukati mu mtima; chifukwa ichi mundisambizge zeru mukati mwangu.

Chituwa 31:3

ndipo ndamuzaza ndi Mzimu waku Chiuta, ndi mziŵiru ndi chinjeru, ndi kuziŵa ndi umisiri,

Chituwa 31:6

Ndipo awona, ndamika pamoza nayo Oholiaba mwana munthurumi waku Ahisamaka, wa mtundu waku Dani, ndipo ndapaska mziŵiru ku ŵanthu wakwenere, alinga kuti wachite vyose vyenivyo ndakulanguliya:

Nthanthi 8:17

Nditanja ŵeniwo ŵatindanja, wo ŵatindipenja kwarwana ŵatindisaniya.

Mateyu 11:20

Sono wangwanda kuchenya mizi mwenimo vyanthazi vyake vinandi vinguchitika, chifukwa kuti yingung'anamuka cha.

Marko 16:14

Ndipo pavuli penipo wanguŵawoneke chumi ndi yumoza ŵija, ŵachija pa kurgha; ndipo wanguchenya uwura-chivwanu wawo ndi unononu wa mtima, pakuti ŵengavi kuvwana ndi ŵeniwo ŵangumuwona wati wayuka.

Yohane 14:13

Ndipo chenicho chose mukapemphanga mu zina langu, chenicho nkhachitanga alinga kuti Dada wakankhuskikiye mu Mwana.

Yohane 15:7

Asani mujaririya mwaku ine, ndi mazu ghangu ghajaririya mwaku imwe, chose cho mungakhumba pemphani, ndipo chikuŵiyeninge,

Yohane 4:10

Wangwamuka Yesu wangumnene, “Asani unguziŵa mpasku waku Chiuta, ndi mweniyo watukunene, ‘Ndipaskeko ndimwe,’ mphanyi iwe ungupempha iyo, ndi mphanyi wangukupaska maji ghamoyo.”

2 ŴaKorinte 2:16

kwaku yaŵa fungu la nyifwa ku nyifwa; ku ŵanyake wo fungu la umoyo ku umoyo. Ndipo wakukwaniya vyenivyo njani?

Yakobe 1:17

Mpasku wose wamampha ndi chawezi chose chizirima nchakutuwa kuchanya chakusika kutuwa ku Dada wa maukweru, mwaku mweniyo mulive ching'anamuka chingana nchiduzi cha ching'anamuka.

Yakobe 3:17

Kweni zeru yo njakutuwa kuchanya njikhovu danga, pavuli njachimangu, yakoroŵa yakupemberezgeka wenguwengu, yakuzara lisungu ndi vipasi vyamampha, yambura gangang'u, yizira ufyali.

Yakobe 5:16

Viyo sumuliranani vilakwa vinu, ndipo romberanani, viyo kuti muchizgike. Niniziku la murunji ndanthazi ukongwa pakuchita.

1 Yohane 3:22

ndipo chose chenicho tipempha, tironde kwaku iyo, chifukwa tisunga marangu ghake, ndipo tivichita vyakunozga pa maso pake.