ŴaLevi 8:21 - Tonga Bible 1986

²¹ Ndipo penipo vyamukati ndi marundi vingusukika ndi maji, Mosese, wangocha bira yose pa jochero, kuŵa mpasku wakocha, fungu lakukondweska, mpasku wakupereka ndi moto ku Ambuya, uli ndimo Ambuya angulanguliya Mosese.

ŴaLevi 8:21 Iomraidhean Croise

Chiyambo 8:21

Ndipo penipo Ambuya angunuska fungu la kukondweska, Ambuya anguti mu mtima wawo, “Kuti ndiwerezgengepo so cha kutemba charu chifukwa cha munthu, chifukwa cha maghanaghano ghaheni ghamu mtima wa munthu kuturiya ku uhurwa wake; ndipo so kuti ndikawerezgangapo cha kumara chinthu chose chamoyo uli ndimo ndachitiya.

Chituwa 12:9

Yinyake nyama yo mungarghanga yiŵisi pamwenga yakubika ndi maji cha, kweni yakocha, mutu wake pamoza ndi marundi ghake ndi vyamukati.

Chituwa 29:18

Ndi mochenge bira pa chiguŵa cha sembe, ndi mpasku wakocha ku Ambuya; ndi fungu lakukondweska, mpasku wa moto ku Ambuya.

Chituwa 40:16

Viyo ndimo wanguchitiya Mosese, kwakulingana ndi vyose vyo Ambuya angumulanguliya, viyo ndimo wanguchitiya.

ŴaLevi 1:13

Kweni vya mukati ndi marundi wakasukanga ndi maji. Ndipo mzukuru wakaperekanga vyose ndi kuvyocha pa jochero, ndi mpasku wakocha, mpasku wakupaskika wap moto, ndi mpasku wa fungu lakukondweska Ambuya.

ŴaLevi 1:17

Wakaparuwanga vipapiku vyake kweni kuti wayiphwatuwenge cha. Ndipo mzukuru wakayiwochanga pa jochero, pachanya pa nkhuni zo ze pa moto; ndi mpasku wakocha, mpasku wakuperekeka wapa moto, fungu lakukondweska Ambuya.”

ŴaLevi 1:9

kweni vya mukati mwake ndi marundi ghake ŵakasukanga ndi maji. Ndipo mzukuru wakawochanga vyose pa jochero kuŵa mpasku wakocha, mpasku wakupereka wapa moto, fungu lakukondweska Ambuya.

ŴaLevi 2:9

Ndipo mzukuru wakatongako ku mpasku wa ufwa phande lake la chikumbusku ndi wakaliwochanga pa jochero, mpasku wapa moto, wa fungu lakukondweska Ambuya.

ŴaLevi 8:13

Ndipo Mosese wanguza ndi ŵana ŵaku Aroni, wanguŵavwarika maraya ndi kuŵamanga ndi ŵalamba, ndi wanguŵavyarika tuvisoti, uli ndimo Ambuya angumulanguliya.

ŴaLevi 8:9

Ndipo wanguŵikapo chilemba pa mutu wake, pa chilemba kuchiri ku maso, wanguŵikapo luŵa la mbali ya golide, ndi chifuku cha unkhankhu nge ndimo Ambuya angulanguliya Mosese.

ŴaEfeso 5:2

ndipo yendani mu chanju, nge ndimo Kristu nayo wangumwanjiyani, ndi wangujipereka chifukwa chinu mpasku wachema chamampha ndi sembe kwaku Chiuta.