ŴaLevi 5:6 - Tonga Bible 1986

⁶ ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

ŴaLevi 5:6 Iomraidhean Croise

Ezekiele 40:39

Ndipo mu khonde la likomo mwenga magome ghaŵi kuchiri kuno ndi ghaŵi kuchiri kuwa, paku ghenigho pabayikiyanga mpasku wakocha mpasku wa ulakwi ndi mpasku wa kuparamula.

Ezekiele 42:13

Sono wangunena nane, “Vipinda vyaku nkhonde ndi vipinda vyaku malaŵi kulereskana ndi baraza ndi vipinda vyakupaturika, mwenimo ndimo ŵazukuru wo ŵandere ku Ambuya ŵakarghiyanga mipasku yakupaturika kwakuruska; ndimo ŵakaŵikanga mipasku yituŵa kwakuruska, mpasku wa ufwa, mpasku wa ulakwi, ndi mpasku wakuparamula, pakuti malo ngakupaturika.

Ezekiele 44:27

Sono pa zuŵa lo wamuselere mu malo ghatuŵa, mu luluwa la mukati, kuteŵeta mu malo ghatuŵa, Wapereke mpasku wapa ulakwi wake, atiti Ambuya Chiuta.

ŴaLevi 4:20

Viyo ndimu wakachitiyanga ndi nkhuzi; nge ndimo wanguchitiya ndi nkhuzi ya mpasku wapa ulakwi, viyo ndimu wakachitiyanga ndi uwu, ndipo mzukuru wakapepeskiyanga iwo, ndipo ŵakagowokelekiyanga.

ŴaLevi 4:28

penipo ulakwi wo wachita waziŵikwa kwaku iyo, wakazanga ndi mbuzi yinthukazi yambura kalema chifukwa cha ulakwi wake wo wachita.

ŴaLevi 4:31

Mafuta ghake wakatuzgangamo uli ndimo mafuta ghatuzgikiyamo mu mpasku wa vyachimangu ndipo mzukuru wakawochanga gho pa jochero, kuŵa fungu lakukondweska Ambuya. Mzukuru wakaŵeyeriyanga iyo ndipo wakagowokelekiyanga.

ŴaLevi 4:32

“Asani wakazanga ndi mwana wa mberere kuŵa mpasku wake, wakazanga ndi kanthukazi, kambura kalema.

ŴaLevi 4:35

Ndipo mafuta ghake watuzgengemo uli ndimo mafuta gha mwana mberere ghatuzgikiyamo mu mpasku wa chimangu. Ndipo mzukuru wakawochanga gho pa jochero pachanya pa mpasku wapa moto ku Ambuya. Viyo mzukuru wakamuŵeyeriyanga iyo chifukwa cha ulakwi wo wachita, ndipo wakagowokelekiyanga.”

ŴaLevi 6:6

Ndipo wakatolenga ku mzukuru mpasku wapa ulakwi wake ku Ambuya, bira wambura kalema kutuwa ku msambu wa mtengo wo iwe wapima kuyana ndi mtengo wa mpasku wapa ulakwi.

Maŵerengedu 6:12

wajipatuliye ku Ambuya mazuŵa ghakujipatuwa kwake, wato mwana wo mberere munthurumi wa chirimika chimoza kuŵa mpasku wa ulakwi, kweni mazuŵa gho ghakurutapo ngaŵaka, chifukwa kujipatuwa kwake kwaŵa kwakukazuzgika.