ŴaLevi 5:4 - Tonga Bible 1986

⁴ Pamwenga asani munthu warapa rapu kwambura kughanaghana ndi mlomo wake kuchita uheni pamwenga umampha, rapu la mtundu we wose lo warapa kwambura kughanaghana kweni walivi kuchiziŵa, penipo wachiziŵa chose cho warapa wakaŵanga ndi mlandu.

ŴaLevi 5:4 Iomraidhean Croise

2 Samuele 21:7

Kweni karonga wangusiya Mefiboshete, mwana wa mwana waku Sauli Jonafani, chifukwa cha rapu lo lenga pakati paku iwo ku Ambuya, pakati paku Davidi ndi Jonafani mwana waku Sauli.

2 ŴaKaronga 6:31

ndipo iyo wanguti, “Mphanyi Chiuta wandichitiya viyo ine, ndi kuruskako so, asani mutu waku Elisha mwana waku Shafati ukajariliyanga pa mapheŵa ghake msana wale.”

Sumu 106:33

Ŵangumukaripiska ukongwa Mosese, mwakuti wangurongoro vinthu vyo wengavi kwenere kuvirongoro.

ŴaLevi 5:13

Viyo mzukuru wakamuŵeyeliyanga pa ulakwi wo wose wo wakuchita, ndipo wakagowokelekiyanga. Ndipo vyakujapo vikaŵanga vya mzukuru uli ndi mpasku wa ufwa.”

ŴaLevi 5:3

Pamwenga asani wakwaska cha munguzgu cha munthu pamwenga manyi chingaŵa chamunguzgu wakutinji wo ukazuzga munthu yo kuti wanguwuziŵa cha, kweni watakuti wawuziŵa wakaŵanga ndi mlandu.

Maŵerengedu 30:6

Ndipo asani ngwakuŵirwa wendi murumi wake, ndipo warapa pamwenga warongoro kanthu kaheni kwambura kughanaghana ko wajimanga nako,

Maŵerengedu 30:8

Kweni asani, pa zuŵa lo murumi wake wavwiya, wakana, iku wakamutuzgangapo rapu lo lenga paku iyo, ndi karongororedu kake kambura kwenere, ko wangujimanga nako; sono Ambuya akamugowokiyanga.

Mateyu 14:7

viyo kuti wangurapa rapu kumpaska chenicho chose wangapempha.

Mateyu 14:9

Karonga wanguchita chitima; kweni chifukwa cha marapu gho, ndi chifukwa cha ŵakutekapo pamoza nayo, wangulangula kuti upaskike;

Marko 6:23

Ndipo wangumrapiya, kuti, “Chose cho ungandipempha ndikupaskenge, chingana chingaŵa chigaŵa chapaŵi cha ufumu wangu.”

Machitidu gha Ŵakutumika 23:12

Ndipo kwati kwaŵa msana, ŵaYuda wo ŵangumotoka, ndipo ŵangujirapiya ndi tembu, ndi kukamba kuti ŵangargha chingana nkhumwa cha mpaka ŵambaya Paulo.

Yoswa 2:14

Ndipo ŵanthurumi wo ŵangunena nayo, “Umoyo widu utaska umoyo winu! Asani urekenge kusumuwa vyo tachita, po ndipo nafwe Ambuya ŵatakuti ŵatipaska charu ichi, tikakuchitiyanga wezi ndi ukongorekwa.”

Yoswa 9:15

Ndipo Yoswa wanguchita nawo chimangu ndi kuchita nawo phanganu, kuti ŵajenge ŵamoyo; ndipo ŵarongozgi ŵa mpingu ŵangupangana nawo ndi rapu.

Ŵeruzgi 11:31

iko we yose yo watuwenge mu makhomo gha nyumba yangu nyumba yangu kukumana nane nditakuti ndawe ndi upundi ku Amoni, wakaŵanga wa Ambuya, ndipo ine ndi kamuperekanga kuŵa mpasku wakocha.”

Ŵeruzgi 21:18

Kweni kuti tingaŵapaska ŵana ŵidu ŵanthukazi kuŵa ŵawoli cha.” Chifukwa ŵaYisraele ŵangurapa, “Watembeke yo wakapaskanga muwoli wake kwaku Benjamini.”

Ŵeruzgi 21:7

Tikachitanganji ndi ŵawoli ŵaku wo ŵajako, pakuti tikurapa pa Ambuya kuti tikaŵapaskanga cha ŵana ŵanthukazi nanga njumoza kutorana nawo?”

Ŵeruzgi 9:19

asani imwe mwachita mu uneneska ndi ulemu kwaku Yerubala ndi nyumba yake msana wale, iku kondwaninga mwaku Abimeleke, ndipo nayo wakondwe so mwaku imwe;

1 Samuele 1:11

Wangurapa rapu wanguti, “Ambuya wa maŵanja nadi muwonenge pa suzgu ya muŵanda munthukazi winu, ndi kundikumbuka, kuruwa ndamuŵanda munthukazi winu cha, kuti mundipaske ndamuŵanda-munthukazi winu mwana munthurumi, ine ndimuperekenge ku Ambuya, mu umoyo wake wose, lwembe kuti likakwaskanga ku mutu wake cha.”

1 Samuele 25:22

Chiuta wamuchitiye viyo Davidi ndipo wasazgiyepo, asani ndisiyengepo yumoza munthurumi nyengo ya mawa ndi mlenji paku wose wo we nawo.”