ŴaLevi 5:3 - Tonga Bible 1986

³ Pamwenga asani wakwaska cha munguzgu cha munthu pamwenga manyi chingaŵa chamunguzgu wakutinji wo ukazuzga munthu yo kuti wanguwuziŵa cha, kweni watakuti wawuziŵa wakaŵanga ndi mlandu.

ŴaLevi 5:3 Iomraidhean Croise

Ezekiele 44:27

Sono pa zuŵa lo wamuselere mu malo ghatuŵa, mu luluwa la mukati, kuteŵeta mu malo ghatuŵa, Wapereke mpasku wapa ulakwi wake, atiti Ambuya Chiuta.

ŴaLevi 13:3

Ndipo mzukuru wakapimanga malo gha khungu lake po nthenda yiri; ndipo asani cheya cha pa malo gha nthenda chasanduka chituŵa, ndipo nthenda yiwoneka kuti yasere mukati mu khungu lake, iku ndi nthenda ya makhate. Pavuli pakupimika mzukuru wakamukambanga kuti ngwakunguzgika.

ŴaLevi 5:2

Pamwenga asani we yose wakwaska chamunguzgu, manyi ndi nyama yakufwa yamunguzgu, pamwenga chiŵetu chakufwa chamunguzgu, pamwenga chakukwaŵa chamunguzgu, nanga kuti wachiziŵa cha iyo waŵa wakukazuzgika wakaŵanga ndi kafukwa.

ŴaLevi 5:4

Pamwenga asani munthu warapa rapu kwambura kughanaghana ndi mlomo wake kuchita uheni pamwenga umampha, rapu la mtundu we wose lo warapa kwambura kughanaghana kweni walivi kuchiziŵa, penipo wachiziŵa chose cho warapa wakaŵanga ndi mlandu.

ŴaLevi 7:21

Ndipo asani we yose wakwaska chinthu chamwikhu, manyi nchamwikhu cho chituwa ku munthu pamwenga kuchinyama pamwenga ku ukazuzi we wose, sono waturgha so nyama ya sembe yakuperekeke chimangu ku Ambuya, munthu yo wakadumulikangako ku ŵanthu ŵake.”

Maŵerengedu 19:22

Viyo che chose cho wakunguzgika yuwa wakakwaskanga chikaŵanga chakunguzgika; ndipo yose wakuchikwaska cho wakaŵanga wakunguzgika mpaka mazulo.”