ŴaLevi 5:11 - Tonga Bible 1986

¹¹ “Kweni asani walivi njiŵa ziŵi pamwenga tuviwunda twa nkhunda, iku wakazanga ndi ufwa wamampha wa chipimo cha chigaŵa cha chumi, kuŵa mpasku wake wapa kwananga ko wakuchita. Kuti waŵikengepo mafuta cha, ndipo kuti waŵikengepo vya chema cha, pakuti ndi mpasku wapa kwananga.

ŴaLevi 5:11 Iomraidhean Croise

Chituwa 16:18

Kweni penipo ŵanguvyese ndi mweso wa sokora, yo wanguyora vinandi wengavi vyakujaliya, ndipo yo wanguyora vimana kuti wangupere cha; we yose wanguyora vyo wanguziŵa kurgha.

Chituwa 16:36

(Sokora nchigaŵa cha chumi cha sokora yikuru.)

ŴaLevi 1:14

“Asani mpasku wake ku Ambuya ngwakocha wa viyuni, iku wakazanga ndi mpasku wake wa nkhunda pamwenga viunda.

ŴaLevi 12:8

Ndipo asani wangatondeka kusaniya mberere, iku wato tunjiŵa tuŵi, pamwenga tuviunda twa nkhunda, kamoza ka mpasku wakocha ndi kanyake ka mpasku wapa ulakwi, ndipo mzukuru wakamupepeskiyanga, viyo wakaŵanga wakuphotoka.”

ŴaLevi 14:21

“Kweni asani ndi msauchi, ndipo kuti wangavipereka vyo vyose cha, iku wakatonga mberere yinthurumi yimoza ya sembe ya pa kwananga kwachiyizungung'a yakupepeske iyo ndi mweso umoza wa chichumi wa ufwa wamampha wakusazgako mafuta, kuŵa sembe ya ufwa, ndi supa ya mafuta,

ŴaLevi 27:8

Ndipo asani munthu ndi msauchi; watondeka kulipa mtengo wo iwe watema, wakazanga ndi munthu yo paurongo pa mzukuru kuti mzukuru wateme mtengo wake. Wakatemanga mtengo kwakuyana ndi ndrama zo wakulipa we nazo.

ŴaLevi 5:12

Ndipo wakatongapo janja fwa laku wo kuŵa phande la chikumbusku, ndi kocha wo pa jochero, pachanya pa mpasku wapa moto ku Ambuya; mpasku wapa ulakwi.

ŴaLevi 5:6

ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

ŴaLevi 5:9

Ndipo wakawazganga ndopa zinyake za mpasku wapa kwananga kurwande kwa jochero, penipo ndopa zose zakujapo zikadirikanga pasina pa jochero; ndi mpasku wapa kwananga.

ŴaLevi 6:20

“Uwu ndi mpasku wo Aroni ndi ŵana ŵake ŵakaperekanga ku Ambuya pa zuŵa lenilo wapakika ndi mafuta, chigaŵa chimoza cha vigaŵa chumi cha chipimo cha ufwa wamampha kuŵa mpasku wa zuŵa ndi zuŵa, nusu ya chigaŵa ichi mukaperekanga ku mlenji; nusu yinyake mukaperekanga ku mazulo.

Maŵerengedu 5:15

pa viyo munthurumi watore muwoli wake ku mzukuru, ndi kupereka mpasku wake, chigaŵa chimoza cha vigaŵa vya mweso wa ufwa wa barile; wareke kuŵikako mafuta nanga nkhusazgako cha chema, pakuti ndi mpasku wa sanji, mpasku wakukumbuska ulakwi.

Maŵerengedu 7:13

mpasku wake wenga, chiŵiya cha siliva chimoza cha uzitu wa mashekelo machumi pe chumi pachanya machumi ghatatu (130), ndi mbali ya siliva yimoza ya uzitu wa mashekelo machumi ghankhonde ndi ghaŵi (70) kwakuyana ndi shekelo lamu nyumba yakupaturika, vyose viŵi vinguzaza ufwa wamampha wakusazgika ndi mafuta kuŵa mpasku wa ufwa;

Luka 2:24

ndi kwachipereka sembe, uli ndi cho chakulembeka mu dangu la Mbuya, “Njiŵa ziŵi, pamwenga viunda viŵi.”

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

ŴaHebere 9:22

Ndipo mwa dangu lo viŵiviŵi vyose viphotoleka ndi ndopa, ndipo kwambura kudika ndopa chireke palive.