ŴaLevi 5:1 - Tonga Bible 1986

¹ “Asani we yose walakwa, mwakuti watuvwa mazu ghakudana ghakufumbika kuti wasimikizge ukaboni wake, manyi ngwakuti wanguwona pamwenga waziŵa makani gho, kweni kuti wasumuwacha, wakapinganga kwananga kwake.

ŴaLevi 5:1 Iomraidhean Croise

1 ŴaKaronga 22:16

Kweni karonga wanguti kwaku iyo, “Ndikakulumbiriskanga kalinga mwakuti ukambe kanyake cha, kweni uneneska pe mu zina la Ambuya?”

1 ŴaKaronga 8:31

“Asani munthu walakwiya muzengezgani wake ndipo waneneke kuti wachiti rapu, ndipo watuza ndi warapa rapu lake paurongo pa chiguŵa chinu mu nyumba iyi,

2 Mikoka 18:15

Kweni karonga wanguti kwaku iyo, “Kumbi ndikurapiske karinga kuti undikambiye uneneska pe mu zina laku Chiuta?”

Sumu 38:4

Pakuti kubende kwangu kwabizga mutu wangu; ndavuka navyo nge ndi katundu muzitu.

Chituwa 22:11

rapu lapa Ambuya likaŵanga pakati paku wose ŵaŵi wo kuti kuwoneke vinu walivi kuŵikapo janja lake pa vinthu vya munyake; ndipo mweneko wakazomerezganga rapu lo; ndipo kuti wakalipanga cha.

Nthanthi 29:24

Yo wakwatikana ndi munkhungu watinkha umoyo wake; watuvwa kutemba kweni kuti wasumuwa kanthu cha.

Nthanthi 30:9

vinu ndingaguta ndi kuruwa iwe, ndi kukamba kuti, “Mbayani nawo Ambuya?” Pamwenga ndingaŵa so wakusauka, ndi kuba, ndi kukazuzga zina laku Chiuta wangu.

Yesaya 53:11

wakawonanga chipasi chakutuwa musuzgu ya mzimu wake ndipo wakhorwenge; ndi zeru yake mteŵeti wangu murunji, wakanyoroskanga ŵanandi kuti ŵapimike ŵarunji; ndipo wakanyamuwanga mauheni ghawo.

Yeremiya 23:10

Pakuti charu chazazika ndi ŵareŵi; chifukwa cha thembo charu chitenje ndipo mauliska gha mubozwa ghamira. Kenderu kawo mbuheni, ndipo nthazi yawo kuti njakurunjika cha.

Ezekiele 18:20

Mzimu wo unanga ndiwo ukafwanga. Mwana kuti wakasuzgikanga pa kunanga kwa awiske cha, pamwenga wiske kusuzgika pa kunanga kwa mwana cha; urunji wa murunji ukaŵanga paku iyo mweneko, ndipo uheni wa muheni ukaŵanga pa mweneko.

Ezekiele 18:4

Awonani, mizimu yose njangu; mzimu wa wiske ndi mzimu wa mwana ngwangu: kweni mzimu wo ulakwa ukafwanga.

ŴaLevi 17:16

Kweni asani walivi kuvichapa pamwenga kusamba liŵavu lake wakapinganga ulakwi wake”.

ŴaLevi 19:8

ndipo yose yo wakachirghanga wakapinganga ulakwi wake, pakuti wakazuzga chinthu chakupaturika cha Ambuya; munthu yo wakadumulikangako ku ŵanthu ŵake.

ŴaLevi 20:17

“Asani munthu wato mzichi wake, mwana munthukazi wa awiske pamwenga mwana munthukazi wa anyina, ndipo wawona nkhuli yake, nchinthu cha chilengesku. Wakatuzgikangamo mu maso gha ŵanthu ŵawo; uyu munthu wavunuwa nkhuli ya mzichi wake, wakakomwanga pa mphurupuru yake.

ŴaLevi 4:2

“Ukambe ku ŵa Yisraele kuti asani munthu wachita chinthu che chose cho Ambuya alangula kuti chireke kuchitika, kweni watichichita kwadara cha,

ŴaLevi 5:15

“Asani we yose wasiya umagomekezgeka wake ndi walakwa kwambura kuziŵa mwaku che chose cha vituŵa vya Ambuya, wakazanga ndi bira wambura kalema kutuwa ku mskambu wo iwe wapima mtengo wake mu ndrama za siliva kwakuyana ndi ndrama ya nyumba yakupaturika wo ndi mpasku wapa kwananga.

ŴaLevi 5:17

“Asani we yose walakwa pakuchita che chose cho Ambuya akulangula kuti wareke kuchita, kweni iyo kuti wachiziŵa cha, ndipuuli we ndi mlandu ndipo wakalangikanga.

ŴaLevi 7:18

Asani nyama yinyake ya sembe ya chimangu yarghika mu zuŵa la chitatu, iyo mweniyo wayipereka kuti wakarondorekanga cha, chingana nkhuti yikamwanduliyanga kanthu cha yikaŵanga ukazuzi, ndipo mweniyo wakarghangapo yo wakarutanga ndi ulakwi wake.

Maŵerengedu 9:13

Kweni munthu yo ngwakuphotoka ndipo kuti we pa ulendo cha, asani wareka kuchita phaska, munthu wa viyo wadumulikeko ku ŵanthu ŵake, chifukwa walivi kuchitiya phaska Ambuya pa nyengo yake yakutemeka; munthu yo wakapinganga ulakwi wake.

Mateyu 26:63

Kweni Yesu wanguchetama chete. Ndipo mzukuru mura wangumnene, “Ndikurapiya paku Chiuta Wamoyo, kuti utinene asani iwe ndiwe Kristu iyo, Mwana waku Chiuta.”

1 Petro 2:24

Iyo mweneko wangunyamuliya vilakwa vidu mu liŵavu lake pa muti wo, alinga kuti ifwe taŵakufwa kuchiri ku vilakwa tijaririyenge ŵamoyo kuchiri ku urunji; mu vikukusa vyaku mweniyo munguchizgika.

Ŵeruzgi 17:2

Ndipo uyu wanguti ku nyina, vya siliva chikwi chimoza ndi machumi pe chumi (1,100) vingutoleka kwinu, vyo mungukambiyapo thembo lo ndingulivwa ndi ine, ehe, siliva yo wendi ine, “Ndine ndinguto.” Ndipo anyina ŵanguti “Wakutumbikika waŵe mwana ku Ambuya.”