ŴaLevi 4:4 - Tonga Bible 1986

⁴ Wakazanga ndi kankhuzi ku khomo la hema lakuwunganamo paurongo pa Ambuya, ndi kuŵika janja lake pa mutu wa kankhuzi ko, ndi kukabaya paurongo pa Ambuya.

ŴaLevi 4:4 Iomraidhean Croise

2 Mikoka 29:23

Ndipo ŵanguto ŵaphongo kuŵa sembe ya ulakwi, ŵanguŵatore ku karonga ndi ku wumba, ndi ŵanguŵika manja ghawo paku wo,

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Danyele 9:26

Ndipo pavuli pa ŵasabata machumi ghankhonde ndi limoza pachanya ŵaŵi (62) wakupakika yo walikhikenge, ndi wakaŵangavi kanthu; ndipo ŵanthu ŵa karonga ŵatuza ŵabwanganduwenge msumba ndi malo ghakupaturika; umari wake ukazanga ndi zandi, ndi ku umari kwake kuŵenge nkhondo; maphasulu ghalangulika.

ŴaLevi 16:21

Aroni wakaŵikanga manja ghake ghaŵi viyo pa mutu wa mbuzi yamoyo ndi kusumuliyapo paku yo mauheni ghose gha ŵaYisraele, majumphu ghawo ghose, ndi maulakwi ghawo ghose; ndipo wakaviyirikanga pa mutu wambuzi yo wakayidikiskiyanga kubozwa pa janja la munthu munyake yo warindizga penipo.

ŴaLevi 4:15

ndipo ŵara ŵa mpingu ŵakaŵikanga manja ghawo pa mutu wa kankhuzi ko paurongo pa Ambuya.

ŴaLevi 4:29

Ndipo wakaŵikanga janja lake pa mutu paku yo, ndi kuyibaya kuŵa mpasku wapa ulakwi mu malo gha mpasku wakocha.

ŴaLevi 8:14

Pavuli wanguza ndi nkhuzi ya mpasku wapa ulakwi; ndipo Aroni ndi ŵana ŵake ŵanguŵika manja ghawo pa mutu wa nkhuzi ya mpasku wapa ulakwi.

Maŵerengedu 8:12

Ndipo ŵaLevi ŵakaŵikanga manja ghawo pa mutu ya nkhuzi zo, sono ukaperekanga yimoza kuŵa mpasku wapa ulakwi ndi yinyake kuŵa mpasku wakocha ku Ambuya, kupepeske ŵaLevi.

1 Petro 3:18

Pakuti Kristu nayo wangukomwe kamoza pa vilakwa, mrunji chifukwa cha ŵaura urunji, alinga kuti watitole kwaku Chiuta, wanguti waperekeka mu liŵavu, kweni wakuchitika wamoyo mu mzimu;