ŴaLevi 4:3 - Tonga Bible 1986

³ asani ndi mzukuru wakupakika mafuta, mweniyo walakwa pakuti watole vyo vyakususkika pa ŵanthu, iku wapereke ku Ambuya kankhuzi kampupuka kambura kalema chifukwa chakulakwa kwake kuŵa mpasku wapa ulakwi.

ŴaLevi 4:3 Iomraidhean Croise

2 Mikoka 29:21

Wanguza ndi nkhuzi zinkhonde ndi ziŵi, ŵana ŵa mberere ŵankhonde ndi ŵaŵi, ndi mberere zinkhonde ndi ziŵi, ndi ŵaphongu ŵankhonde ndi ŵaŵi kuŵa sembe za pa uheni wa ufumu wose, ndi malo ghakupaturika, ndi Yuda. Ndipo wangulanguliya ŵazukuru, ŵana ŵaku Aroni kuvipereka pa jochero la Ambuya.

Ezra 8:35

Ndipo pa nyengo yiya wo ŵanguweko ku umkoli, ŵangupereka sembe zakocha kwaku Chiuta waku Yisraele, ng'ombe chumi ndi ziŵi kwaku Yisraele yose, mberere machumi ghankhonde ndi ghanayi pachanya zinkhonde ndi yimoza (96), ŵana ŵa mberere machumi ghankhonde ndi ghaŵi pachanya ŵankhonde ndi ŵaŵi (77) ndi mbuzi chumi pachanya ziŵi kuŵa sembe yapa uheni. Zose zo zenga sembe zakocha kwaku Chiuta.

Chituwa 29:14

Kweni nyama ya nkhuzi yo, ndi chikopa chake ndi busu lake mochenge ndi moto kubwalo kwa ugoŵi ndi mpasku wapa uheni.

Chituwa 29:21

Sono mukatonga ndopa zinyake zo ze pa jochero la sembe, kutopo mafuta ghanyake gha kupakiya ndi kuviwazga paku Aroni ndi vivwalo vyake, ndi pa ŵana ŵake ŵanthurumi ndi pa vivwalo vyawo pamoza nayo; ndipo iyo ndi vivwalo vyake wakaŵanga wakupaturika, ndi ŵana ŵake ŵanthurumi ndi vivwalo vyawo pamoza nayo.

Chituwa 29:7

Ndipo mukatonga mafuta ghakupakiya, ndi mukaghadiranga pa mutu wake ndi kumupaka.

Chituwa 30:10

Aroni wakapepeskanga pa masengwe ghake kamoza pa chirimika, ndi ndopa za mpasku wa uheni wa mphepeska wakapepeskiyanga wo kamoza mu chirimika mu migonezi yinu; nchakupaturika chakuruska ku Ambuya.”

Ezekiele 40:39

Ndipo mu khonde la likomo mwenga magome ghaŵi kuchiri kuno ndi ghaŵi kuchiri kuwa, paku ghenigho pabayikiyanga mpasku wakocha mpasku wa ulakwi ndi mpasku wa kuparamula.

Ezekiele 43:19

ukapaskanga ŵazukuru ŵaLevi ŵambumba yaku Zadoki, wo ŵandere kufupi ndi ine kunditeŵete atiti Ambuya Chiuta, nkhuzi yikaŵanga ya mpasku wapa ulakwi.

Ezekiele 44:27

Sono pa zuŵa lo wamuselere mu malo ghatuŵa, mu luluwa la mukati, kuteŵeta mu malo ghatuŵa, Wapereke mpasku wapa ulakwi wake, atiti Ambuya Chiuta.

ŴaLevi 1:10

“Asani wapereka mpasku wakocha wachakuturiya ku mskambu, mberere pamwenga mbuzi, wakaperekanga yinthurumi yambura kalema.

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

ŴaLevi 16:11

“Aroni wapereke nkhuzi kuŵa sembe yapa ulakwi ndipo wakajipepeskiyanga iyo mweneko ndi nyumba yake, wakabayanga nkhuzi yo kuŵa sembe yapa ulakwi wa mweneko.

ŴaLevi 16:3

Kweni Aroni pakusere mu malo ghakupaturika wachitange ichi. Watonge kankhuzi kampupuka ka sembe yapa ulakwi ndi bira wa sembe yakocha.

ŴaLevi 16:5

Wakatonga ku mpingu wa ŵaYisraele ŵaphongo ŵaŵi ŵa mbuzi ŵa sembe yapa ulakwi, ndi bira pa sembe yakocha.

ŴaLevi 16:6

“Aroni wakaperekanga nkhuzi kuŵa sembe ya ulakwi wapa mweneko, wakajichitiyanga mphepeska iyo mweneko ndi nyumba yake.

ŴaLevi 4:14

Po chilakwa cho ŵachita chaziŵikwa, ungano ukaperekanga kankhuzi kampupuka kuŵa sembe yapa ulakwi. Ndi kuza nayo paurongo pa hema lakuwunganamo;

ŴaLevi 4:23

asani ulakwi weniwo wachita waziŵikwa ndi iyo wakazanga ndi mbuzi yinthurumi yambura kalema kuŵa mpasku wake wapa ulakwi.

ŴaLevi 4:28

penipo ulakwi wo wachita waziŵikwa kwaku iyo, wakazanga ndi mbuzi yinthukazi yambura kalema chifukwa cha ulakwi wake wo wachita.

ŴaLevi 4:5

Ndipo mzukuru wakupakika wakatongapo ndopa zinyake za kankhuzi kuza nazo ku hema lakuwunganamo;

ŴaLevi 5:6

ndipo wakazangu ku Ambuya ndi mpasku wapa ulakwi wo wakuchita, mberere pamwenga mbuzi yinthukazi kuŵa mpasku wapa kwananga. Ndipo mzukuru wakamuŵeyeriyanga.

ŴaLevi 6:18

Munthurumi we yose mu ŵana ŵaku Aroni wangarghako ichi ndimo kukulangulikiya muyaya mu migonezi yinu, kutuwa ku mpasku wapa moto wa Ambuya. Munthu we yose wakuviko wakaŵanga wakupaturika.”

ŴaLevi 8:12

Ndipo wangudira mafuta ghanyake pa mutu waku Aroni kumupaka ndi kumupatuwa.

ŴaLevi 9:2

Wanguti kwaku Aroni, “Uto kathole kanthurumi ka mpasku wapa ulakwi, ndi bira wa mpasku wakocha, viŵe vyambura kalema, uvipereke paurongo pa Ambuya.

ŴaLevi 9:3

Ndipo ukambe ku ŵaYisraele, ‘Toni phongo kuŵa mpasku wapa ulakwi, ndi thole ndi kamberere vyose viŵi vya umoyo wa chirimika chimoza vyambura kalema, kuŵa mpasku wakocha,

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Maŵerengedu 8:8

Pavuli ŵato kankhuzi ndi mpasku wake wa ufwa wamampha wakusazgika ndi mafuta, ndipo ukatonga kankhuzi kanyake kaŵe mpasku wapa ulakwi.

ŴaRoma 8:3

Cho langulu lingutondeka kuchita chifukwa kaŵiro ka unthu kenga kakutomboroka, Chiuta wanguchita. Wanguwa-yuwa ulakwi mu kaŵiro ka unthu pakutuma Mwana wake yo wanguja mu kaŵiro, kaŵiro ka munthu wakulakwa kwazachiwayuwa ulakwi.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

ŴaHebere 5:3

ndipo chifukwa chenichi watene, uli mpha khamu lo, viyo so paku iyo mweneko, kupereke chifukwa chavilakwa.

ŴaHebere 9:12

Wangusere kamoza mu Malo Ghakupaturika, wati waronde uwombozi wamuyaya.