ŴaLevi 4:2 - Tonga Bible 1986

² “Ukambe ku ŵa Yisraele kuti asani munthu wachita chinthu che chose cho Ambuya alangula kuti chireke kuchitika, kweni watichichita kwadara cha,

ŴaLevi 4:2 Iomraidhean Croise

Chiyambo 20:9

Sono Abimeleke wangudana Abrahamu, ndi wanguti kwaku iyo, “Nchine cho wachita kwaku ifwe? Ndipo ndakulakwiya uli iwe, kuti watole paku ine ndi pa ufumu wangu uheni ukuru? Wandichitiya ine vinthu vyo kuti vingwenere kuchitika cha.”

Sumu 19:12

Kweni njani yo wangaziŵa kwananga kwake? Ndingweruskeni ku viheni vyakubisika.

Sumu 19:13

Kanizgani ndamteŵeti winu kuheni wakujikuzga; kuti vireke kundiusa! Penipo ndipo nkhaŵanga wambura kalema, ndi wambura kafukwa ku kupuruka kukuru.

Wakutaula 5:6

Ungazomerezganga cha mlomo wako kukurongozge ku kwananga, ndipo ureke kurongoro pa maso pa muthenga kuti kwenga kubuda; wakalipiyengenji Chiuta pa mazu ghako, ndi kuparghang'a nchitu za manja ghako?

ŴaLevi 22:14

Asani munthu warghapo chinthu chakupaturika kwambura kuziŵa, wakasazgiyangako chigaŵa chimoza cha vinkhonde cha mtengo wake. Ndipo wakaperekanga chinthu chakupaturika cho ku mzukuru.

ŴaLevi 4:1

Ndipo Ambuya anguti kwaku Mosese,

ŴaLevi 4:13

“Asani mpingu wose wa ŵaYisraele ulakwa kwambura kuchitiya dara ndipo chilakwa cho chabisika ku maso gha ungano, kuti ŵachitapo chose cho Ambuya akulangula kuti ŵareke kuchichita, ndipo kwaziŵakwa kuti ŵachichita.

ŴaLevi 4:22

“Po mweruzgi walakwa, kuchita kwambura kuziŵa che chose cha vinthu vyo Ambuya Chiuta wake wangulangula, kuti wareke kuchita ndipo wachichita;

ŴaLevi 4:27

“Asani yumoza wa ŵanthu bweka walakwa kwambura kuziŵa pakuchita che chose cho Ambuya angulangula kuchita cha, ndipo iyo wachichita,

Maŵerengedu 35:11

Mwamusankha misumba kuŵa misumba yakutaskikiyamo imwe, alinga kuti mubaya munthu yo wabaya munyake kwambura kumufinga wathaŵiyeko.

Marangu 19:4

“Uku nkhulongosole mubaya munthu, mweniyo pakuthaŵiya kwenikuwa wangataska umoyo wake. Asani we yose wabaya muzengezgani wake kwambura kumufinga, pakuwura kuŵa nayo ndi mawongo kale.

1 Timote 1:13

ine ndawakuŵa kali mtokota ndi wakuŵemba ndi wamtonyoru: kweni ndinguchitikiya lisungu, pakuti kwambura kuziŵa ndinguchitiya viyo mu uwura chivwanu;

ŴaHebere 5:2

Mweniyo wangaziŵa kukunthiyapo kwachitima ndi ŵajira ndi ŵakuranda, pakuti iyo nayo wakwetereka ndi unthomboru;

ŴaHebere 9:7

kweni mu chachiŵi cho wasere mzukuru mura yo yija, kamoza mu chirimika, wambura ndopa cha, zenizo wapereke pa chifukwa chaku iyo mweneko ndi chifukwa cha maubudi gha khamu lo.

Yakobe 3:10

mu mlomo weniwo pe mutuliya thumbiku ndi thembu! Mwa ŵabali ŵangu, vyenivi kuti vitenere kuŵa viyo cha.

1 Samuele 14:27

Kweni Jonafani kuti wanguvwa cha za rapu la awiske pa ŵanthu; viyo wanguto ndodo yo yenga mu janja lake ndi wangubwenga mu chisa cha uchi, wangumwa; ndipo maso ghake ghanguŵa ghatuŵa.