ŴaLevi 4:15 - Tonga Bible 1986

¹⁵ ndipo ŵara ŵa mpingu ŵakaŵikanga manja ghawo pa mutu wa kankhuzi ko paurongo pa Ambuya.

ŴaLevi 4:15 Iomraidhean Croise

ŴaLevi 1:4

Wakalarikanga janja lake pa mutu wa mpasku wakocha, ndipo ukarondekiyanga iyo kuŵa wakumuŵeyerere.

Maŵerengedu 11:25

Ndipo Ambuya angusikiya mu mtambo kurongoro nayo, ndipo angutoko mzimu wo wenga mukati mwake ndi kuwupaska ku ŵara wo machumi ghankhonde ndi ghaŵi (70) penipo mzimu unguja paku iwo, ŵanguchima. Kweni pavuli kuti ŵanguchima so cha.

Maŵerengedu 11:16

Ndipo Ambuya anguti kwaku Mosese, “Undidaniye ŵanthurumi machumi ghankhonde ndi ghaŵi (70) kutuwa mu ŵara ŵaYisraele, wo utiŵaziŵa kuti mbarongozgi ŵa mafuko; uze nawo ku hema lakuwunganamo, kuti ŵame pamoza nawe.

Maŵerengedu 8:10

Po ukamikanga ŵaLevi paurongo pa Ambuya, ŵaYisraele ŵakaŵikanga manja ghawo pa ŵaLevi,

ŴaLevi 16:21

Aroni wakaŵikanga manja ghake ghaŵi viyo pa mutu wa mbuzi yamoyo ndi kusumuliyapo paku yo mauheni ghose gha ŵaYisraele, majumphu ghawo ghose, ndi maulakwi ghawo ghose; ndipo wakaviyirikanga pa mutu wambuzi yo wakayidikiskiyanga kubozwa pa janja la munthu munyake yo warindizga penipo.

ŴaLevi 8:22

Pavuli wangupereka bira munyake, bira wakumikiya, ndipo Aroni ndi ŵana ŵake ŵanguŵika manja ghawo pa mutu wa bira yo.

ŴaLevi 8:14

Pavuli wanguza ndi nkhuzi ya mpasku wapa ulakwi; ndipo Aroni ndi ŵana ŵake ŵanguŵika manja ghawo pa mutu wa nkhuzi ya mpasku wapa ulakwi.

ŴaLevi 4:4

Wakazanga ndi kankhuzi ku khomo la hema lakuwunganamo paurongo pa Ambuya, ndi kuŵika janja lake pa mutu wa kankhuzi ko, ndi kukabaya paurongo pa Ambuya.

Chituwa 24:9

Sono Mosese ndi Aroni, Nadaba, ndi Abihu ndi ŵaraŵara ŵa ŵaYisraele machumi ghankhonde ndi ghaŵi (70) ŵangukwera,

Chituwa 24:1

Ndipo wanguti kwaku Mosese, “Kwere kuno ku Ambuya, iwe ndi Aroni, Nadaba, ndi Abihu ndi ŵaraŵara ŵa ŵaYisraele machumi ghankhonde ndi ghaŵi (70) ndi musope katatu.

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

ŴaLevi 4:16

Sono mzukuru wakupakika wakazanga ndi ndopa zinyake za kankhuzi ku hema lakuwunganamo.

ŴaLevi 8:18

Sono wangupereka bira wa mpasku wakocha, ndipo Aroni ndi ŵana ŵake ŵanguŵika manja ghawo pa mutu wabira.

Maŵerengedu 8:12

Ndipo ŵaLevi ŵakaŵikanga manja ghawo pa mutu ya nkhuzi zo, sono ukaperekanga yimoza kuŵa mpasku wapa ulakwi ndi yinyake kuŵa mpasku wakocha ku Ambuya, kupepeske ŵaLevi.

2 Mikoka 29:23

Ndipo ŵanguto ŵaphongo kuŵa sembe ya ulakwi, ŵanguŵatore ku karonga ndi ku wumba, ndi ŵanguŵika manja ghawo paku wo,