ŴaLevi 3:1 - Tonga Bible 1986

¹ “Asani munthu wapereka mpasku wa chimangu, ndipo wapereka nyama yakutuwa ku mskambu yinthurumi pamwenga yinthukazi, wakaperekanga yambura kalema paurongo pa Ambuya.

ŴaLevi 3:1 Iomraidhean Croise

1 Mikoka 21:26

Ndipo Davidi wanguŵazenge jochero penipa Ambuya, ndi wangupereka sembe zakocha, ndi sembe za chimangu, ndi kudana pa zina la Ambuya ndi angumwamuka ndi moto kutuwa kuchanya kusikiya pa jochero la sembe yakocha.

Chituwa 20:24

Mukandizengiyanga ine jochero lakusopiyapo la dongo ndipo muperekenge paku lo mpasku winu wakocha ndi mpasku winu wa chimangu, mberere zinu ndi ng'ombe zinu; mu malo ghose mo ndikachitiskanga chikumbusku cha zina langu ndikazanga kwinu ndi kukutumbikani.

Chituwa 24:5

Ndipo wangutuma ŵanyamata ŵa ŵaYisraele, wo ŵangupereka mpasku wakocha ndi ŵanguchita visopo vya chimangu vya ng'ombe ku Ambuya.

Chituwa 29:28

Chikaŵanga chamuyaya kutuwa ku ŵaYisraele chaku Aroni ndi ŵana ŵake ŵanthurumi; pakuti cho ncha ŵazukuru, chakusaskika ndi ŵaYisraele kutuwa ku mpasku wawo wachimangu: ndi mpasku wawo ku Ambuya.

Nthanthi 7:14

“Ndaperekanga mipasku, ndipo msana wale ndalipa marapu ghangu;

Ezekiele 43:27

Ndipo asani mazuŵa yagha ŵamara, po ndipo kutuwa pa zuŵa lachinkhonde ndi chitatu kurazga ku nthazi ŵazukuru ŵakaperekanga pa jochero mipasku yinu yakocha ndi ya chimangu; ndipo ndikamurondiyaninga, atiti Ambuya Chiuta.”

Ezekiele 45:15

mberere yimoza yikatuwanga pa mskambu wose wa machumi pe chumi ghaŵi (200), kutuwa mu mbumba za ŵaYisraele. Uwu ndi mpasku wa vyakurgha, mpasku wakocha, ndi mpasku wa chimangu wakuŵachitiya mphepeska, atiti Ambuya Chiuta.

ŴaLevi 1:10

“Asani wapereka mpasku wakocha wachakuturiya ku mskambu, mberere pamwenga mbuzi, wakaperekanga yinthurumi yambura kalema.

ŴaLevi 1:3

“Asani mpasku wake ndi mpasku wakocha wakutuwa ku mskambu, wakaperekanga yinthurumi yambura kalema, wakayiperekiyanga pa khomo la hema lakuwunganamo, alinga kuti walondereke paurongo pa Ambuya.

ŴaLevi 17:5

Uku nkhuti ŵaYisraele ŵatoliyenge sembe zawo zo ŵabayiya kubwalo, alinga ŵazitoliyenge zo ku Ambuya ku mzukuru pa khomo la hema lakuwunganamo, ŵazibaye kuŵa mipasku ya chimangu ku Ambuya;

ŴaLevi 3:6

“Asani mpasku wake wa chimangu ku Ambuya ndi nyama yakutuwa ku mskambu, yinthurumi pamwenga yinthukazi, wakaperekanga yambura kalema.

ŴaLevi 9:18

Wangubaya so ng'ombe ndi bira sembe ya mpasku wakuperekeke chimangu cha ŵanthu; ndipo ŵana ŵaku Aroni wangupereka kwaku iyo ndopa zo wangudira pa jochero kwakuzunguliya,

ŴaLevi 9:4

ng'ombe ndi bira kuŵa mpasku wa chimangu. Perekani vyo paurongo pa Ambuya, pamoza ndi mpasku wa ufwa wakusazgika ndi mafuta; pakuti msana wale Ambuya akawonekanga paurongo pinu.’ ”

Amosi 5:22

Chingana mundipaska sembe zinu zakocha ndi sembe zinu za vyakurgha kuti ndizirondiyenge cha, ndi sembe zinu za chimangu za nyama zinu zakututuŵa kuti ndizilereskenge cha.

Malaki 1:14

“Watembeke wakupusika yo we ndi yinthurumi mu mskambu wake ndipo wapangana kuyipereka, kweni wabayiya sembe Ambuya yo ye ndi kalema; chifukwa nde karonga mukuru, ndipo nditopeka mukati mu mitundu, atiti Ambuya ŵa maŵanja.

Malaki 1:8

Po mupaska sembe za vyakuŵeta vyachiburumutiya, kuti wo mbuheni cha? Ndipo po mupaska vyakupunduka pamwenga vyakutama, kuti wo mbuheni cha? Perekani chaviyo ku mweruzgi winu mura, kumbi wakakondwanga namwe pamwenga kumuchitiyani ulemu? atiti Ambuya ŵa maŵanja.

Maŵerengedu 15:8

Asani urongoso nkhuzi kuŵa mpasku wakocha, pamwenga sembe ya chimangu, kufiska rapu, pamwenga mipasku ya chimangu ku Ambuya,

Maŵerengedu 6:14

ndipo wakaperekanga chawanangwa chake ku Ambuya, mberere yinthurumi ya chirimika chimoza yambura kalema kuŵa mpasku wakocha, mberere yinthukazi ya chirimika chimoza yambura kalema kuŵa mpasku wa ulakwi, bira yumoza wambura kalema kuŵa mpasku wa chimangu,

Maŵerengedu 7:17

ndipo sembe ya mipasku ya chimangu, tunkhunda tuŵi, ŵabira ŵankhonde, ŵaphongo ŵankhonde, ndi twana mberere tunkhunde twa chirimika chimoza. Uwu wenga mpasku waku Nahashoni mwana waku Aminadaba.

Maŵerengedu 7:59

vya mipasku ya sembe ya chimangu, tunkhuzi tuŵi, ŵabira ŵankhonde, ŵaphongo ŵankhonde, ndi twana twa mberere tunkhonde twa chirimika chimoza. Uwu wenga mpaski waku Gamaliele mwana waku Padazuru.

Marangu 12:27

Mukaperekanga sembe zinu zakocha nyama ndi ndopa, pa jochero la Ambuya Chiuta winu, ndopa za sembe zakubaya zidirike pa jochero la Ambuya Chiuta winu, kweni nyama murghe.

ŴaKolose 1:20

ndipo kuti mwaku iyo wasopaniskiye vyose kwaku yija, wati wachitiya chimangu mu ndopa za mphinjika yake; ndititi, kwachisopaniskiya mwaku iyo pamwenga vyo vyapa charu, pamwenga vyo vya kuchanya.

ŴaHebere 10:22

tiŵandikiye ndi mtima weneko mu uzali wa chivwanu, ŵakumijirika kuchiri ku mitima yidu kutuwa ku njuŵi yiheni, ndi ŵakusambiskika kuchiri ku liŵavu lidu ndi maji ghakutowa,

1 Yohane 1:3

chenicho tawona ndi tavwa timtauliyani imwe so, alinga kuti namwe muŵe ndi wanase pamoza nafwe; ndipo nadi wanase widu ngwa pamoza ndi Dada, ndi pamoza ndi Mwana wake Yesu Kristu.

Ŵeruzgi 20:26

Sono ŵaYisraele wose, liŵanja lose la nkhondo, ŵangukwera ŵanguza ku Betele, ŵangutenje, ŵanguja pasi paurongo pa Ambuya, ŵangufunga kurgha zuŵa lose liya mpaka mazulo, ŵangupaska mipasku yakocha ndi mipasku ya chimangu paurongo pa Ambuya.

Ŵeruzgi 21:4

Ndipo ndi mlenji ŵanthu ŵangusoka kwakuchelera, ŵanguzenga jochero penipa, ŵangupereka mipasku yakocha ndi mipasku ya chimangu.